VOV4.K’ho - Drim do (17/06), Ƀộ Nông nghiệp mờ Phát triển Nông thôn bơyai lơh “Dơ̆ lam lơh ală jơnau yal tơngit mờ kơ sở zữ liệu gah ròng phan”. Do là dùl tàm 2 gah bơdìh mờ gah tam phan geh Ƀộ Nông nghiệp mờ Phát triển Nông thôn rơwah nàng lơh pràn bè broă tam gơl sồ nam 2022.

Tơngai pa do, Kụk ròng phan, gơwèt Ƀộ Nông nghiệp mờ Phát triển Nông thôn neh pơgồp bal mờ Tập đoàn Bưu cíñ viễn thông Việt Nam lơh, lơh tơrlòng phần mềm lơh gơs phan nàng tơrgùm, yal, lơh gơs kơ sở zữ liệu bè phan sa phan ròng mờ kơ sở zữ liệu bè ală wàng ròng mờ geh di pơgăp 60 gơnoar broă lơh. Phan lơh kơ sở zữ liệu ròng phan là tơngu me kwơ màng nàng tơnguh uă bơta pràn atbồ, đơng lam bơh anih lơh broă atbồ dà lơgar, bơyai lơh tơnguh bơtàu ròng phan jăt gùng dà broă lơh, bơta tơngŏ mờ broă kờñ bơh drà kă bro. Mờ sền gròi nền nòn bơta niam, ờ do ờ dă phan sa tàm gah ròng phan nàng tơnguh bơta kwơ, bơta tàm pơrlòng bơh phan geh lơh bơh phan ròng Việt Nam dê.

Cau mblàng Ndong Brawl