Do là dơ̆ nàng ală cau lơh mờ tăc gar tiêu mờ lơgar bơdìh tam gơl bal broă mờng chài, tam pà bal jơnau tơngit mờ ală kal ke, gơkòl, ai geh ală broă lơh nàng lơh pràn broă tơnguh bơtàu gah phan gar tiều tàm dunia.

Jăt mò Hoàng Thị Liên, Củ tịc Mpồl gar tiêu Việt Nam đơs, jơnau sồr geh bơta niam bơh ală drà kă bro blơi gar tiêu sơlơ nền nòn ngan. Den tàng, nàng gàr niam geh bơta kwơ gah phan do, tơnguh uă bơta niam neh gơs bơta jal mhar ngan. Tàm pơrjum, ồng Vũ Bá Phú, Kụk atbồ Kụk hòi jà kă bro gơwèt Ƀộ Kông thương pà git, lơgar Việt Nam tŭ do gam là lơgar lơh mờ tăc gar tiêu mờ lơgar bơdìh uă ngan dunia dê. Nam 2022, lơgar he tăc mờ lơgar bơdìh kờp dŭ geh 220 rơbô tấn, geh tus 55% khà gar tiêu tàm gùt dunia dê. Mơya, nàng ală phan bơh gar tiêu lơgar Việt Nam geh ai tơngŏ bơngă tàm drà kă bro dunia kơl jăp, gah lơh gar tiều gam geh uă ngan broă pal lơh.