Bơh ngai 30 nhai 10 tus ngai 3 nhai 11, tàm càr Jeonbuk, lơgar Hàn Quốc, geh bơyai lơh dơ̆ ràng tơlik phan ngui sa sràt ală lơgar IFFE 2025. Do là broă lơh gơ hòi gơ jà kă bro dờng ngan rlau jơh tàm gah phan ngui sa sràt tàm Hàn Quốc dê.

Càr Dăk Lăk geh 6 mpồl lơh sa kă bro pơn rơ ngan tus bal tàm anih ràng tơlik, yal tơngĭt ală phan bơna broă lơh sa suơn sre pơn rơ, bè: kơphê, gar mắc ca, phe Briêt, prìt, ka kao mờ bàr pe phan bơna lơh geh jơnau sồr OCOP. Ală anih ràng tơlik phan bơh càr dê gơ hòi gơ jà uă ngan năc tus sền, jòi gĭt mờ blơi phan. Broă tus bal ală dơ̆ ràng tơlik ală lơgar bè IFFE ờ mìng nàng kờñ yal tơngĭt uă rùp hin càr Dăk Lăk in lơm mờ gam pờ ơnàng tŭ tơngai niam lơh broă bal bơcri priă, ai phan bơna broă lơh sa suơn sre pơn rơ bơh càr dê brồ guh ngài rlau tai tàm drà kă bro ală lơgar. Dơ̆ ràng tơlik phan ngui sa sràt ală lơgar  IFFE nam 2025 là dơ̆ nàng Dăk Lăk đơs nền mat kă bro phan bơna broă lơh sa suơn sre pơn rơ ngan bơh càr dê, mơkung pờ ơnàng bơta gĭt gơ̆p lơh broă bal kă bro phan mờ bơcri priă đah Dăk Lăk mờ Jeonbuk đơs is, đah Việt Nam mờ Hàn Quốc đơs bal.