VOV4.K’ho - Di tơnkah 92 nam ngai crơng gơs Mpồl cau lơh broă sa Việt Nam, ngai òr (14/10), tàm Hà Nội neh bơyai lơh pơn jờng mờ jào khà pơn jờng Cau lơh broă sa Việt Nam jăk ngan nam 2022 ai 100 nă cau lơh broă sa in.

Bơta pa bơh dơ̆ lơh pơn jờng mờ jào khà pơn jờng Cau lơh broă sa Việt Nam jăk ngan ala mờ 63 nă cau lơh broă sa jăk bè ală nam. Do kung là broă lơh mùl màl chờ gờm di tơnkah 10 nam Broă lơh Pơnyờ să Cau lơh broă sa Việt Nam. Do kung là ală cau lơh broă sa ñhăp ñhar, bơceh lơh tàm broă tơnguh bơtàu lơh sa; khin kơlôi, khin lơh, lơh, ngui geh cồng nha ală khà priă, lơh broă, ù tiah, khin ngui khoa họk kỹ thuật, kông nghệ pa tàm broă lơh ala măt git nđờ tơlak nă cau lơh broă sa gùt lơgar gam ngai kung bè mang lơh broă, kă bro, bơceh lơh lam lài tàm broă tơnguh bơtàu lơh sa suơn sre, ƀòn lơgar mờ bơ̆t bơtàu ƀòn lơgar pa.

VOV.vn – Cau mblàng Ndong Brawl