Pơrjum bơyai hòi jà geh ală cau jăk chài, mpồl lơh sa kă bro, mpồl lơh broă bal mờ làng bol lơh broă sa suơn sre tus bơh ală càr Dăk Lăk, Gia Lai mờ Lâm Đồng tus bal. Tàm pơrjum bơyai, ală cau ala măt gam cri bơyai bè bơta chài tam, ngui phan ngăc ngar tàm broă lơh, mờ broă ai màh sồ tiah tam drơng broă tăc phan mờ lơgar bơdìh.

Ală jơnau lùp, jơnau kơlôi rơcang bơh làng bol dê là tơngu me tờm kwơ màng nàng gah bơto pơlam broă lơh sa suơn sre pơn jăt tai lơh gơs gùng dà broă lơh tàm tơngai tus. Jăt Gùng dà broă bơtàu tơnguh tus nam 2030, mpồl lơh broă bơto pơlam lơh sa suơn sre gùt lơgar rơ̆p tơrgùm tàm 7 mpồl kơnòl broă tờm, tàm hơ̆ ai lài broă tam gơl sồ, bơtàu tơnguh lơh sa suơn sre tơlir, bơto làng bol lơh broă sa jăk mờ rề ơnàng broă lơh broă bal dà lơgar mờ làng bol, pơgồp bal lơh jăt mùl màl jơnau kờñ “lơh sa suơn sre niam-ƀòn lơgar pa-làng bol lơh broă sa gơguh jăk” tàm tiah Tây Nguyên dê.