Ngai òr (20/10), tàm ƀòn dờng Buôn Ma Thuột, càr Dăk Lăk, Ƀộ Nông nghiệp mờ Phát triển Nông thôn bơyai lơh “Pơrjum cri bơyai lơh sa suơn sre niam ù tiah: Broă tơmù tơlik ƀơ̆ mờ tơnguh bơtàu lơh sa suơn sre kơl jăp”.

Bồ nam do, Thủ tướng Cíñ phủ neh kĭ “Broă lơh jŏ jòng tơnguh bơtàu lơh sa suơn sre mờ ƀòn lơgar kơl jăp tơngai bơh nam 2021 tus 2030, wèt tus nam 2050” neh geh ai lơh tàm nhai 1 nam 2022, mờ jơnau kờñ “Bơ̆t bơtàu broă lơh sa suơn sre lơh gơs phan kă bro, gàr tơl kơl jăp phan sa dà lơgar, pơgồp bal kwơ màng tàm broă kơ̆ kơl jăp lơh sa mpồl bơtiàn, sền gàr tiah kis, sơndră mờ tam gơl trồ tiah. Nàng lơh jăt broă lơh jŏ jòng mờ ală jơnau hơ dunia, broă tơmù tơlik ƀơ̆ tàm broă tam phan geh gơnoar kwơ màng. Tàm pơrjum cri bơyai, geh uă ngan jơnau đơs bè kơ cế broă lơh chồl pràn lơh sa suơn sre niam. Tàm tơngai tus, kwang đơng lam Ƀộ Nông nghiệp mờ Phát triển Nông thôn kơ̆p kờñ geh ală broă lơh mùl màl chồl pràn broă lơh tus mờ dùl broă lơh sa suơn sre niam ƀòn lơgar pa, làng bol lơh broă sa gơguh jăk.

VOV.vn/Ndong Brawl mblàng