VOV4.K’ho- Drim ngai 01/7, tàm Cần Thơ, Ƀộ Nông nghiệp mờ Phát triển Nông thôn bơyai lơh Pơrjum “Tơnguh tac hờ lơgar ndai phan lơh gơs bơh suơn sre, brê bơnơm, phan tàm dà tiah ring dà dờng Cửu Long tus câu Âu”. Tus tŭ do, drà kă bro EU là 1 tàm 4 drà kă bro tac hờ lơgar ndai phan lơh gơs bơh suơn sre, brê bơnơm, phan tàm dà dờng ngan bơh Việt Nam dê mờ EU kung là 1 tàm 3 drà kă bro blơi phan lơh gơs bơh suơn sre, brê bơnơm, phan tàm dà dờng ngan rlau jơh dunia. Việt Nam kung là 1 tàm 4 lơgar tiah câu Á kĭ Hiệp địñ kă bro khat gơboh mờ EU. Bè hơ̆ den tàng, tŭ niam nàng mut tàm drà kă bro EU là dờng ngan, pơgồp bơnah tơnguh bơta kuơ gơguh uă lơh geh mờ priă geh bơh tac phan hờ lơgar ndai, bơt bơtàu mat kă bro ai phan lơh gơs bơh suơn sre in jat gùng dà geh kơnòl, loh làng, kơ̆ kơljap, dong tam gơl bồ tơngoh kơlôi sơnơng bơh “Lơh broă suơn sre gơs lơh sa suơn sre”.

Gùt anih pơrjum

Jơnau kờñ tus nam 2030, priă lơh geh bơh tac hờ lơgar ndai phan lơh gơs bơh suơn sre, brê bơnơm, phan tàm dà tus drà kă bro EU geh bơh 7,5 tus 8 tơmàn dolar Mỹ, khà tac ală bơta phan lơh gơs bơh suơn sre, brê bơnơm, phan tàm dà tus EU geh mờr 50% mờ tus bal tơn mờ gah cau blơi dut ndơl tàm EU geh 30%.

Cau mblàng K’Duẩn