Tàm 2 ngai bơh ngai 3 tus ngai 4 nhai 11, tàm ƀòn dờng Buôn Ma Thuột, càr Dăk Lăk, Cụk Sền gàr phan tam, Ƀộ Nông nghiệp mờ Phát triển Nông thôn bơyai lơh dơ̆ cribơyai mờ pơlam tàp “Sơlơ tơnguh lòt sền, gròi sền broă lơh sa kă bro mờ ngui sơnơm sền gàr phan tam tàm tiah Tây Nguyên” mờ bơta tus bal bơh ala mat Kwang đơng lam bồ mờ Kwang bàng Ci kụk Tam phan mờ sền gàr phan tam 5 càr tàm tiah Tây Nguyên dê.

Jat jơnau yal tàm dơ̆ cribơyai, jơh gùt tiah Tây Nguyên geh pơgap 3 rơbô 400 anih lơh sa kă bro kă bro sơnơm sền gàr phan tam. Broă lơh atbồ sơnơm sền gàr phan tam tàm tiah Tây Nguyên geh đơs là ờ hềt niam, broă sơn dră mờ kơryan kă bro blăc pơrlồm, jun pơn diang phan, ngui sơnơm sền gàr phan tam blơi tìs mờ adat boh lam, ờ geh tàm sră cih mat ală sơnơm tăc tàm ù tiah do dê gam gơtìp uă ngan kal ke. Tàm dơ̆ cribơyai, ală kwang bàng đơs là, nàng tơnguh uă cồng nha atbồ sơnơm sền gàr phan tam, pal sơlơ tơnguh bơta pơgồp bal đah ală anih lơh broă, mpồl lơh broă geh gơnoar; lơh pràn mblàng yal, yal tơngĭt, bơto pơlam ai cau lơh broă sa in gĭt nàng bañ blơi mờ ngui sơnơm sền gàr phan tam geh kơryan ờ ai, ờ geh mat tàm sră cih mat mờ bơto pơlam ngui lơngap lơngai mờ geh cồng nha