Cồng nha kơlôi sơnơng ai gŏ, broă lơh tam bơrlŭ kơphe mờ sầu riêng tàm càr Dăk Lăk cèng wơl cồng nha lơh geh mờr 800 tơlak đong dùl lồ, tam bơrlŭ mắk ka lơh geh mờr 400 tơlak đong dùl lồ, jơnhua rlau uă dơ̆ pơndrờm mờ broă mìng tam kơphe, mìng lơh geh mờr 80 tơlak đong dùl lồ. 

Bulah bè hơ̆, broă lơh do kung kong mờ jơnau pơhìn tàm pìt phơng, dà mờ gơ bơtờp kòp tu sa aniai. Tàm dơ̆ tam pà jơnau tơnggit, anih kơlôi sơnơng yal tơnggit măi ƀồm dà bơh lơgar Israel dê dong tềm pềr dà, gơ git bơta tam gơl tàm ù, gròi sền phơng, dà, ngui màh QR jòi git anih lơh gơlik mờ măi mok teh git bơta dum plai sầu riêng dê, nàng kờñ tơnguh jơnhua ngan rlau jơh cồng nha mờ tơrmù ƀà bơta aniai tàm broă lơh sa.