VOV4.K’ho- Ƀộ Nông nghiệp mờ Phát triển Nông thôn pa pơgồp bal mờ Ủy ƀan Ñân zân càr Dăk Lăk bơyai lơh Pơrjum sền sơ wì cồng nha lơh jat rơndap broă lơh tam pa wơl kơphê.

Cau lơh broă sa suơn sre Dăk Lăk tam pa wơl kơphê

Tơngai bơh nam 2014-2020, gùt lơgar neh tam pa wơl mờr 150 rơbô lồ kơphê, sơr lèt 30 rơbô lồ pơndrờm mờ broă rơndap lơh. Cồng nha tơnhào tơnơ̆ tơngai tam pa wơl kơphê gơguh rlau 3 tạ 1 lồ. Mìng is tàm Dăk Lăk tŭ do geh rlau 210 rơbô lồ kơphê, tơnhào pah nam lơh geh rlau 520 rơbô tấn kơphê gar. Kơphê Dăk Lăk mờ măt kă bro bal mờ yal ù tiah lơh gơlik “Kơphê Buôn Ma Thuột” neh geh mat tàm rlau 80 dà lơgar mờ kơnhoàl ù tiah. Ƀộ Nông nghiệp mờ Phát triển Nông thôn neh pơn jat tai kĭ ring bal rơndap broă lơh tam pa wơl kơphê tơngai bơh nam 2021-2025 mờ jơnau kờñ pơn jat tai tơnguh uă bơta pràn tàm pơrlòng, bơta kwơ, priă lơh geh ai cau tam kơphê in. Bă ù kơphê kờñ pal tam pa wơl, bơkiar lơh pa wơl tàm tơngai do geh sền gĭt là pơgap 107 rơbô lồ.

Cau mblàng K’Hạnh