Nam 2025, bulah kong gơrềng ờ niam bơh trồ tiah mờ ală tam gơl tàm mpồl lơh broă kwang bàng tơnơ̆ tŭ lơh jat gơnoar atbồ ƀòn lơgar 2 kấp, lơh broă sa suơn sre jơh gùt tiah do dê kung gam gàr geh khà gơguh lơh sa bè ờs. 9 nhai bơh nam 2025, priă lơh geh tăc kơphê mờ lơgar ndai lơh geh mờr 7 tơmàn dolar Mỹ, biăp bùm kơnuh plai đo rlau 6 tơmàn dolar Mỹ, gar điều rlau 3 tơmàn dolar Mỹ.

Bơh bơta geh ngan kwang bàng broă lơh sa suơn sre kấp sàh, uă ƀòn lơgar dan mờ Ƀộ Broă lơh sa suơn sre mờ Tiah ơm kis pơn jat tai dong kờl bơto bơtê, pơlam tàp lơh broă ờs mờng; gờñ lơh sir bơto pơlam lơh jat ală sră nggal gơnoar atbồ tam pà kấp tơnơ̆ tơmŭt bal. Ồng Hoàng Trung, Thứ trưởng Ƀộ Broă lơh sa suơn sre mờ Tiah ơm kis cih dờp ală jơnau đơs tă pơgồp tàm pơrjum, đơs là, bơsong ală broă neh đơs là jơnau sồr jal mhar nàng gàr niam ală bơta pràn broă lơh sa suơn sre tàm Tây nguyên- Tiah đah Jum tàm gùl lơgar geh lơh jat niam.