Mho ngai 2/12, tàm ƀòn dờng Kon Tum, Anih tờm Mpồl dong kờl bơto pơlam lơh broă sa dà lơgar pơgồp bal mờ Sở Nông nghiệp mờ Phát triển Nông thôn càr Kon Tum bơyai lơh dơ̆ cribơyai mờ tơngume: “Cribơyai bơta mờng chài lơh jơnau pal jat broă lơh bơh Mpồl dong kờl bơto pơlam lơh broă sa mpồl bơtiàn tàm Kon Tum”.

Tus bal dơ̆ cribơyai geh ală kwang bàng jak chài, cau atbồ, ala mat kwang bàng sở, ngàñ geh gơnoar mờ Mpồl dong kờl bơto pơlam lơh broă sa mpồl bơtiàn tàm 2 càr Kon Tum mờ Gia Lai. Nàng ală Mpồl dong kờl bơto pơlam lơh broă sa mpồl bơtiàn lơh broă geh cồng nha, tàm dơ̆ cribơyai ală kwang bàng 2 càr Gia Lai mờ Kon Tum vneh bơyai bal, cribơyai bè broă lơh lơh broă, kơnòl broă bơh Mpồl dong kờl bơto pơlam lơh broă sa mpồl bơtiàn dê. Tă pơgồp jơnau đơs gơwèt mờ ală broă lơh geh ngan bơh Mpồl dong kờl bơto pơlam lơh broă sa mpồl bơtiàn dê, bè: bơto pơlam, tàm jàu bơta jak chài pa ai hìu bơnhă cau lơh broă sa in drơng broă bơtàu tơnguh lơh sa; ală broă lơh dong kờl, bơto pơlam bơtàu tơnguh Hợp ták xã lơh sa suơn sre; Ală broă lơh dong kờl, bơto pơlam hìu bơnhă cau lơh broă sa, Hợp ták xã tus bal tàm drà kă bro, lơh bal ală anih lơh broă lơh geh priă jền tàm broă tam kơphê mờ ală broă lơh  pơlam, bơto pơlam tam gơl sồ tàm broă lơh sa suơn sre.