“Festival ƀòn broă lơh Việt Nam nam 2022” sơnđờm mŭt lơh mờ 2 broă lơh tờm, tàm hơ̆ geh: Drà ƀòn broă lơh mờ phan bơna OCOP Việt Nam dơ̆ 18 mờ dơ̆ pơrlòng phan bơna lơh mờ tê nam 2022. Mờ 150 ơdŭ ràng tăc phan, drà ƀòn broă lơh mờ phan bơna OCOP Việt Nam dơ̆ 18 ràng tơlik ală phan lơh geh bơh broă lơh sa suơn sre bơkah pơn rơ mờ phan lơh mờ tê bơh ală mpồl lơh sa kă bro, Hợp ták xã, anih lơh sa kă bro phan lơh geh bơh broă lơh sa suơn sre mờ ală ƀòn broă lơh , drà broă lơh ờs mờng bơh 22 càr, ƀòn dờng.

 Ƀộ trưởng ồng Lê Minh Hoan tus bal ală ơdŭ ràng tăc phan lơh mờ tê  

Kung tàm Festival ƀòn lơh broă Việt Nam nam 2022 neh geh bơyai lơh dơ̆ jàu khà jờng Dơ̆ pơrlòng phan bơna lơh mờ tê nam 2022 nàng kờñ jờng rơ, lơh kah wơl mờ pơn jờng ai ală cau bơceh lơh là cau chài lơh jak bơh ală ƀòn broă lơh, drà broă lơh dê, bơh hơ̆ pơgồp bơnah tàm broă prap gàr mờ bơtàu tơnguh broă lơh ờs mờng, ƀòn broă lơh  ờs mờng, prap gàr mờ lơh jat niam bơhiàn niam bơnĕ jơi bơtiàn dê.