VOV4.K’ho- Tàm dơ̆ pơrjum băo geh bơyai lơh tàm mho ngai 3/10 tàm Hà Nội, Thứ trưởng Ƀộ Nông nghiệp mờ Phát triển Nông thôn ồng Phùng Đức Tiến đơs ngan, geh tơrgùm ală broă lơh bè drà kă bro pơnđơl pràn lơh ngan lơh geh jơnau kờñ 50 tơmàn dolar Mỹ priă lơh geh bơh tăc phan mờ lơgar ndai phan lơh geh bơh lơh sa suơn sre- phan brê bơnơm mờ phan tàm dà tàm nam do.

Bơh 9 nhai, lơh sa suơn sre pơn jat tai geh khà gơguh uă mờ khà gơguh bơh ală phan bơna lơh geh bơh gah lơh sa suơn sre tăc mờ lơgar ndai tờm ngan. Pơndrờm dùl tŭ bal mờ nam lài priă lơh geh bơh tăc phan mờ lơgar ndai phan lơh geh bơh lơh sa suơn sre- phan brê bơnơm mờ phan tam dà bơh 9 nhai gơguh 15,2% kờp dŭ pơgap 40 tơmàn 800 tơlak dolar Mỹ, mpồl phan lơh geh bơh lơh sa suơn sre mờ phan brê bơnơm tờm, phan tàm dà ndrờm gơguh. Tus tŭ do neh geh 7 phan bơna, mpồl phan bơna lơh geh priă bơh tăc phan mờ lơgar ndai rlau 2 tơmàn dolar Mỹ. Wèt tus jơnau kờñ priă lơh geh bơh tăc phan mờ lơgar ndai phan lơh sa suơn sre- phan brê bơnơm mờ phan tam dà geh 50 tơmàn dolar Mỹ tàm nam do, tàm ală nhai lồi nam, Ƀộ Nông nghiệp mờ Phát triển Nông thôn geh pơn jat tai lơh pràn rơndap tap sèng wơl gah broă, tơnguh uă cồng nha tơnhào, bơta niam, geh cồng nha lơh sa, kă bro, bơto pơlam, pơlam gùng dà ală tiah in ngan là ală tiah tờm bè lơh kòi, ròng phan, phan tàm dà geh broă rơndap lơh di pal mờ jơnau kờñ drà kă bro dê.

VOV Tây Nguyên-Cau mblàng K’Hạnh