VOV4.K’Ho- Ngai 22/08, Anih duh broă làng bol kơnhoàl Krông Pách, càr Dăk Lăk bơyai lơh pơrjum ƀăo yal bè Dơ̆ lơh chờ Sầu riêng dơ̆ 2 mờ tơngume “Sầu riêng Kông Pách- bơtàu tơnguh mờ mut gơ rờm bal”.

VOV4.K'Ho - Bulah Kụk Lơh sơnơm phan ròng bơh sơn rờp neh đơs pơn dut git nđờ rbô nơm kơnrồ dà toh tàm càr Lâm Đồng gơbàn kòp kơn jơ̆ mờ git nđờ rhiang nơm kơnrồ neh chơt, là tài bơtờp virus geh tàm sơnơm vaccine NAVET-LPVAC rơcang lài kơryan kòp as sồt kơltau gơlik pơ nời bơh Kông ty NAVETCO dê. Mơya bơta mờ làng bol gam kơp gơn ngan rlau jơh là kơnòl tơm wơl, dong kờl bơh NAVETCO dê rơp geh sền sơ wì bè lơi, tŭ ởiă tă sơm kòp kơnrồ in kung gam gơguh jat tŭ tơngai, roh jơh priă jền bơh ală hìu bơnhă ròng kơnrồ dê mơya khà kơnrồ chơt kung ờ hềt gơ ơm wơl sơl.

VOV4.K’Ho- Bến Tre là dùl tàm ală tiah tàm tiah Ring dà dờng Cửu Long geh broă lơh ròng kơnrồ lơh poăc bơtàu tơnguh pràn mờ lơh geh bơta niam. Mơya tài bơh giă tăc gơmù uă, cồng nha lơh sa ờ uă den tàng cau lơh broă sa ờ gam kờñ mờ broă lơh ròng phan do tai, geh tŭ “lời gời wàng ròng”.

VOV4.K’Ho- Mho òr (20/08). Anih duh broă làng bol càr Lâm Đồng tơlik jơnau lơh nền nàng lơh mpồl lơh broă dong kờl tơm bơtơl hoàc huơr tàm mpồl kơnrồ dà toh gơtìp kòp gơjroh ndul mờ chơ̆t uă tơnơ̆ mờ tŭ cit vaccine NAVET-LPVAC as kơl tao pơnời bơh Kông ty Navetco dê.

VOV4.K’Ho- Broă ai càn priă di cau mờ di mờ tŭ tơngai bơh Ngân hàng Broă lơh sa mờ Bơtàu tơnguh Ƀòn lơgar tiah đah tô càr Dăk Lăk dê neh dong cau lơh broă sa in blơi phan bơna, phơng sih lơh sa di kàl. Bơta do pơgồp bơnah kơryan jơh rềs àr ai càn priă sa priă cồng uă neh geh tŭ geh uă tàm ală tiah ƀòn lơgar, lơh uă hìu bơnhă gơ mut tàm bơta dồs chơ̆t ờ gĭt lơh bè lơi.

VOV4.K'Ho - Tơnơ̆ rlau 1 poh hòi jà uă bơta priă jền lơh ngan sơm kòp, khà kơnrồ dà toh gơtìp kòp jê ndul gơ jroh mờ chơt tàm càr Lâm Đồng neh geh tềl tơnggŏ geh kơryan. Bulah bè hơ̆, dùl bơta lòng pa gơlik geh tŭ geh ală kơnrồ pa bời kòp den gơbàn wơl ală tềl tơnggŏ kòp yau. Ală hìu bơnhă ròng kơnrồ dà toh tàm càr Lâm Đồng gam kơp gơn jơnau pơn dut bơh Ƀộ Broă lơh sa mờ Bơtàu tơnguh ƀòn lơgar dê, bè jơnau lơh gơbàn bal mờ kơnòl tơm wơl hoàc huơr nàng làng bol in gơtùi ròng wơl kơnrồ. Geh tŭ, kờñ pal geh tai bơta sền sơ wi is nàng gàr bơta song dơpă.

VOV4.K’Ho- Lơh chờ Sầu riêng Krông Păc, càr Dăk Lăk dơ̆ II, nam 2024 mờ tơngu me “Sầu riêng Krông Păc – Bơtàu tơnguh mờ tơrgùm bal” geh bơyai lơh bơh ngai 31 nhai 08 tus jơh ngai 02 nhai 09 tus do.

VOV4.K’Ho- Tàm càr Lâm Đồng, anih lơh broă lơh sơnơm phan ròng Dà lơgar dê mờ ƀòn lơgar dê gam tơrgùm jơh pràn dong kờl sơm kòp ai mpồl kơnrồ in. Bulah bè hơ̆, pah ngai, khà kơnrồ dà toh gơtìp kòp jê ndul gơjroh è mhàm mờ gơpừ chơ̆t gơguh sùm lơh làng bol tàm 2 kơnhoàl: Đơn Dương mờ Đức Trọng bơh càr Lâm Đồng dê kơlôi rơcăng ngan gĭt lơh.

VOV4.K’Ho- Sền gĭt broă lơh jơi bơtiàn mờ sền gròi rài kis làng bol jơi bơtiàn dồ ết nă cau là kơnòl broă kwơ màng, tàm tơngai pa do, càr Sóc Trăng neh tơrgùm lơh mhar broă lam lơh jat ală rơndăp broă lơh, rơndăp broă dềt... tàm broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol jơi bơtiàn dồ ết nă cau mờ tiah kơh bơnơm, tơngai bơh nam 2021-2030, tàm hơ̆, geh broă dong kờl tam gơl broă lơh ai làng bol jơi bơtiàn dồ ết nă cau in, bơh hơ̆ neh hời rơ hời dong hìu bơnhă rƀah geh tai priă jền nàng lơh sa, geh tai priă jền, hời rơ hòi brồ guh nàng kơ̆ kơl jap rài kis.

VOV4.K’Ho- Uă Đảng viên kòn cau Rơđê ơm tàm kơnhoàl Krông Păch, càr Dăk Lăk neh brồ guh is klàs bơh rƀah. Khi gơgơs là ală krơh pơnrơ ngan nàng làng bol tàm ƀòn lơgar in bơsram mờ đòm jăt.