VOV4.K’Ho- Tàm tŭ drà kơphê gùt plai ù ngai sơlơ sền gròi uă tus ală jơnau sồr kơ̆ kơl jăp mờ song dơ pă loh làng, kơnhoàl ù tiah tam kơphê tàm Dăk Lăk neh đơs nền bơngă lam lài tàm broă lơh jăt jơnau sồr kơryan roh brê mờ hoàc hươr brê bơh Mpồl tam klăc câu Âu dê (EUDR). Ală mpồl lơh sa kă bro tiah do ờ mìng lơh tam gơl niam wơl ală broă lơh sa mờ gam lơh ală anih yal tơnggĭt mờ jòi gĭt anih tờm lơh nàng kờñ tơnggŏ là phan bơna khi dê ờ lơh roh brê- jơnau sồr kờñ ngan nàng tăc tàm drà câu Âu.

VOV4.K'Ho- Nàng kơrian kòp bơtờp sồt mbùng gơtă nđias gơtờp tàm rơpu, kơnrồ tàm 2 sàh: Xốp mờ Đăk Nhoong, kơnhoàl Đăk Glei, Ci kụk Ròng phan mờ Lơh sơnơm phan ròng càr Kon Tum neh tơnguh kwang bàng, phan lơh broă nàng kơrian kòp gơtờp.

VOV4.K’Ho- Tơrgùm ală mpồl kơphê Buôn Ma Thuột gam lam lơh dơ̆ pơrlòng Coh kơphê Việt Nam nam 2025. Do là dơ̆ 2 dơ̆ pơrlòng geh bơyai lơh, kơ̆p kơnờm pơn jat tai là “tiah nhơl” ai ală cau kờñ broă coh kơphê, pơgồp bơnah tơnguh uă bơta niam bơkah kơphê coh măi bơh lơgar Việt Nam dê.

VOV4.K’Ho- Anih duh broă Làng bol càr Dăk Lăk pa ai lơh jăt Broă rơndăp lơh bơyai lơh Chờ sàl kơphê tàm dơ̆ bơyai lơh Dơ̆ lơh chờ Kơphê Buôn Ma Thuột dơ̆ 09 nam 2025.

VOV4.K'Ho- Tơnơ̆ mờ ală ngai wă rò nam pa chờ satềp Ất Tỵ, uă làng bol tàm ală càr Tây Nguyên sơn đờm lik lơh broă, tuh dà kơphe, tơnhào phan geh lơh bơh broă lơh sa suơn sre mờ jơnau kơ̆p kờñ dùl nam lơh sa geh ƀuơn, geh tơnhào tăc geh priă.

VOV4.K'Ho- Gah lơh sa suơn sre mờ ală tiah tàm càr Dăk Lăk gam lơh ngan lơh jăt ală broă rơcang lài dà tuh nàng gàr niam broă lơh sa.

VOV4.K’Ho- Tàm ală ngai Sa tềp bơhiàn jơi bơtiàn nam Ất Tỵ dê tơn, cau lơh broă sa ală càr tàm kơnhoàl ù tiah Tây Nguyên neh lik lòt sơngka sền gàr chi tam mờ tơnhàu phan lơh geh bơh sươn sre.

VOV4.K'Ho- Tơnơ̆ mờ ală ngai ơm rơlô Satềp, ală he pơn jăt tai drơng broă lơh sa suơn sre mờ kơ̆p kờñ trồ tiah geh mìu nhàc niam, nàng dùl nam lơh sa geh cồng nha bal mờ ală broă rơcang lơh, kơ̆p kờñ pa tàm nam 2025 dê.

VOV4.K’Ho- Nam 2024, càr Dăk Lăk cih dờp ală cồng nha niam ngan tàm broă lơh tăc phan mờ lơgar ndai, mờ khà gơguh lơh sa uă mờ kơ̆ kơl jăp bơh ală bơta phan lơh geh bơh broă lơh sa suơn sre tờm. Bơdìh mờ tăc mờ lơgar ndai phan ờ hềt lơh gơlik, neh geh uă dơ̆ jun pơndiang phan neh lơh gơlik tăc tus ală lơgar mờ kơnhoàl ù tiah dê.

VOV4.K’Ho- Bulah gơtìp gơrềng kal ke bal bơh lơh sa gùt plai ù dê, nam 2024 priă geh bơh tăc phan mờ lơgar ndai bơh càr Lâm Đồng dê kung gam gơguh tai sơl 6,1% pơndrờm mờ nam 2023. Tàm hơ̆, ală bơta phan biăp, bùm, kơnuh, plai đo mờ bơkàu ală bơta pơn jăt tai là ală bơta pơnrơ. Nàng lơh geh cồng nha do, bơdìh mờ broă rề ơnàng lơh bal lơh sa, tơngguh uă bơta niam phan bơna lơh geh, broă lơh măt kă bro mờ yal oă măt kă bro geh càr Lâm Đồng sền gròi lơh jăt.