VOV4.K'Ho - Tơnơ̆ 15 nam lam lơh tơrlòng lài 2 rơndap broă lơh tơnhàu, lơh gơlik Bauxite Tân Rai, càr Lâm Đồng mờ Nhân Cơ, càr Dăk Nông neh ai gŏ do là dùl jơnau lơh nền di ngan bơh Đảng mờ Dà lơgar dê, pơgồp bơnah tàm broă tam gơl muh mat Tây Nguyên dê jat jơnau pal jat tơnhàu geh cồng nha bơta pràn nàng bơtàu tơnguh mhar mờ kơ̆ kơljap jŏ jòng sùm. Gơ wèt mờ Dăk Nông, rơndap broă lơh Alumin Nhân Cơ neh dong lơh geh pràn kơldang ngan bơta bơtàu tơnguh lơh sa mpồl bơtiàn, đal git loh làng gah tờm lơh sa bơh càr dê.

VOV4.K’Ho- Sở Lơh sa mờ Bơtàu tơnguh ƀòn lơgar càr Dăk Lăk pa bơyai lơh “Pơrjum lơh jăt gah phan sầu riêng kàl lơh sa nam 2024”.

VOV4.K’Ho- Khin cha, khin lơh, jòi gùng lòt pa ai tiah ù ro kơnrañ, ală bơyô kơnòm să tàm xã Ea Ñuôl, kơnhoàl Buôn Đôn, càr Dăk Lăk neh lam lài lơh jăt broă lơh tơrlòng lài tam ño mẫu đơn. Bơh 03 nam lơh tơrlòng lài, tus tŭ do, broă lơh tơrlòng lài bơh sơnrờp cèng wơl cồng nha lơh sa uă.

VOV4.K'Ho - Ală nam do, làng bol kòn cau Cơ Tu tàm tiah kơh bơnơm càr Quảng Nam bơcri priă tam brê, cèng wơl cồng nha lơh sa, dong làng bol tơnguh priă jền lơh geh sơrlèt gan kal ke, brồ guh lơh pas. Bulah bè hơ̆, làng bol uă ngan tam brê keo, pơhìn lơh gơbàn klàr ù, tiah ơm kis gơtìp aniai. Nđờ nam do, càr Quảng Nam neh geh uă gùng dà, broă lơh hòi jà cau tam gơl brê tam gơl bơh tam brê dơm chi dềt tam brê dơm chi dờng, ờ mìng bơtàu tơnguh lơh sa mờ gam pơgồp bơnah sền gàr tiah ơm kis tai.

VOV4.K'Ho - Bal mờ kơphe, sầu riêng, tiêu, kòi phe kung là phan geh uă bơta pràn, bơta ƀuơn bơh càr Dăk Lăk dê. Bulah bè hơ̆, phan phe cèng mat kă bro Dăk Lăk kung gam dềt,r ah rài, uă ngan kòi bơh càr Dăk Lăk dê ờ hềt lơh gơlik phan kă bro. Bơta lơh gơlik phan kă bro kòi phe neh geh đơs tàm uă nam mơya ală mpồl lơh sa kă bro tiah do kung gam ờ hềt jòi geh broă lơh bơsong ai bơta priă jền in.

VOV4.K'Ho- Jơh gùt càr tŭ do geh mờr 6 rbô lồ sầu riêng, tàm hơ̆ bă sầu riêng gơ ai sa geh tus pơgăp nggùl, uă ngan là tàm ală kơnhoàl, bè: Chư Prông, Ia Grai, Đăk Đoa, Chư Sê mờ Chư Pưh.

VOV4.K'Ho - Lơh jat jơnau lơh nền bơtàu tơnguh lơh sa mpồl bal, broă lơh hợp ták xã gam bơtàu tơnguh pràn ngan tàm ală tiah bơh càr Sơn La dê, sơlơ tơnguh tai tam gơl rơndap tap sèng lơh sa, tam gơl bơta kơlôi sơnơng, broă lơh bơh làng bol dê. Broă lơh bal lơh sa ờ mìng dong hợp ták xã rề ơnàng broă lơh sa mờ gam dong làng bol lơh broă sa tus bal tàm broă lơh lơh sa pa geh cồng nha mờ cèng bơta kơ̆ kơljap jŏ jòng sùm.

VOV4.K’Ho- Càr Dăk Lăk neh ngan ngồn mŭt tàm kàl mìu, kàl gơguh bơh ală bơta chi sa plai dê. Gơ wèt mờ cau lơh broă sa tam sầu riêng, do là tơngai lơh nền geh cồng nha ai kàl lơh sa in tơnơ̆ ală hoàc hươr tài bơh trồ tơngai prang duh jŏ jòng. Cau lơh broă sa ală tiah tam sầu riêng tàm càr Dăk Lăk lơh pràn sơngka sền gàr, rơcăng lài kơryan tu kòp lơh aniai, kơryan pă gơrung plai tàm nhai mìu càl. Tơl nơm plai sầu riêng gam geh cau lơh broă kơ̆t kơnhăp ngan, lơh ngan jơh nùs sền gàr tus kàl tơnhàu.

VOV4.K’Ho- Kơnờm lơh jăt niam gơnoar broă lam lài, lơh krơh, uă đảng viên cau jơi bơtiàn dồ êt nă cau tàm càr Lâm Đồng neh khin cha tam gơl rơndăp tăp sèng chi tam, hòi jà làng bol ƀòn lơgar tơngguh tai lơh sa, brồ guh lik klàs bơh rƀah mờ tàm sơmbăt tê bal bơ̆t bơtàu ƀòn lơgar bơtàu tơnguh.

VOV4.K’Ho- Drim òr (06/06), tàm Hà Nội, Mpồl kwang bàng lơh broă bơh Tổng kụk Hải quan lơgar Lo geh ồng Triệu Tăng Liên, Phó Tổng kụk lam bồ neh còp lơgar Việt Nam mờ lơh broă mờ Ƀộ Nông nghiệp mờ Phát triển Nông thôn.