VOV4.K'Ho - Tàm kơnhoàl Krông Păk, dùl rbòng dà mờr 15 tơmàn đông neh geh Ủy ƀan Ñân zân kơnhoàl lơh ngan bơcri priă lơh, bulah anih lơh broă mờng chài bơh Ƀộ Tài Nguyên mờ Môi trường dê tơngkah lài bañ lơh tài ờ lơh geh cồng nha. Dut ndơl, broă lơh do neh ờ gơtùi ngui, gơtìp sang tĕ gời mờ tŭ do gam gơ bồr tàm ù, uă anih gơtìp tơrlah dờng ngan, do là dùl dă ngòt rơngơt ngan gơ wèt mờ làng bol.

VOV4.K’Ho- Tàm ƀòn dờng Buôn Ma Thuột, Ngân hàng Dà lơgar Việt Nam pa pơgồp bal mờ Ủy ƀan Ñân zân càr Dăk Lăk bơyai lơh pơrjum tàm tơrbŏ Ngân hàng mờ Mpồl lơh sa kă bro tàm tiah Tây Nguyên. Pơrjum kờñ tă bơsong kal ke ai mpồl lơh sa kă bro in, tơnguh bơta pràn geh càn priă ai mpồl lơh sa kă bro tàm tiah Tây Nguyên in mờ chồl tơnguh lơh sa- mpồl bơtiàn bơtàu tơnguh.

VOV4.K'Ho- Jơh gùt càr tŭ do geh pơgap 150 Hợp ták xã lơh sa suơn sre, rlau 270 suơn dờng, hìu bơnhă lơh sa dờng mờ rlau 15 rơbô 500 hìu bơnhă cau lơh broă sa geh lơh bal lơh sa mờ tăc bro phan bơna mờ mpồl lơh sa kă bro.

VOV4.K'Ho- Viện khoa họk Kỹ thuật Lơh sa suơn sre Brê bơnơm Tây Nguyên bơyai lơh pơrjum sền wơl Rơndăp broă lơh “Tơnguh uă bơta kơ̆ kơl jăp, cồng nha lơh geh mờ bơta kwơ lơh sa bơh ală anih tam phan mờ ală bơta kwơ bơh kơphê mờ tiêu tàm ù tiah Tây Nguyên dê” nam 2023.

VOV4.K’Ho- Ngai òr (06/10), Mpồl tam klăc Hợp ták xã càr Dăk Lăk bơyai lơh Cribơyai tàm tơrbŏ bal lơh sa tăc bro phan bơna jat anih lơh gơlik phan”.

VOV4.K’Ho- Tàm 9 nhai nam 2023, geh 32 bơta phan bơna lơh geh priă jền tăc phan mờ lơgar ndai rlau 1 tơmàn dolar Mỹ.

VOV4.K’Ho- “Bơh tŭ do tus lồi nam, jơh gùt gah Lơh broă sa sươn sre mờ Bơtàu tơnguh Ƀòn lơgar tơrgùm ai tăc mờ lơgar ndai in ală bơta phan geh bơta ƀươn nàng lơh geh jơnau kờñ gơguh mờ tăc mờ lơgar ndai” là jơnau đơs nền bơh Thứ trưởng Ƀộ Nông nghiệp mờ Phát triển Nông thôn ồng Phùng Đức Tiến dê tàm dơ̆ pơrjum ƀăo ờs mờng nhai 09 pa do pa geh bơyai lơh tàm Hà Nội.

VOV4.K’Ho- Ală nam rềp ndo, ală sơnĕ bơh Ngân hàng Nông nghiệp mờ Phát triển Nông thôn càr Dăk Lăk (Agribank Dăk Lăk) neh rề ơnàng lơh uă tus tàm ală ƀòn lơgar tiah sar lơgar ngài, tiah làng bol jơi bơtiàn dùl êt nă cau. Tŭ do, geh rlau 10 rbô hìu bơnhă jơi bơtiàn dùl êt nă cau càn rlau 2 rbô tơmàn đong tàm ală sơnĕ bơh Agribank Dăk Lăk dê. Kơnờm bơh priă càn do mờ làng bol geh priă nàng bơcri sền gàr chi tam, phan ròng di tơngai kàl, ờ gam kơnờm ir tàm jơnau lèng càn priă đah bơdìh gơtìp cau sa priă cồng uă ir bè lài do tai.

VOV4.K’Ho- UɃÑZ càr Dăk Lăk bơyai lơh Pơrjum tơn jơh ing 3 nam lơh jăt Broă rơndăp tơnguh bơtàu lơh sa mpồl, hợp ták xã tơngai bơh nam 2021 tus 2025 mờ Broă lơh bơh UɃÑZ càr lơh jăt jơnau đơs pơn dŭt bơh Ƀộ Cíñ trị dê bè broă pơn jăt tai tam gơl pa, bơtàu tơnguh mờ tơnguh uă cồng nha lơh sa mpồl tàm tơngai pa.

VOV4.K’Ho- Tàm càr Kon Tum, làng bol gam kờñ ngan geh gùng che ồs đèng 3 pha nàng blơi ală bơta phan geh bơta pràn uă drơng tàm broă lơh sa suơn sre. Mơya, ală tiah lơh sa suơn sre bè ờs den ngài mờ ƀòn ơm kis, priă tă nàng lơh gùng che ồs đèng 3 pha uă, den tàng sơrlèt rơlao mờ bơta pràn bơh gơnoar atbồ bal mờ gah lơh ồs đèng càr Kon Tum dê. Bơta do gam lơh lơyài broă lơh jăt jơnau kờñ lơh sa broă lơh sa suơn sre càr Kon Tum dê.