VOV4.K’Ho- Drim ngai 01/08, Ƀộ trưởng Ƀộ Broă lơh sa mờ Bơtàu tơngguh Ƀòn lơgar ồng Lê Minh Hoan bal mờ mpồl lơh broă neh lơh broă mờ Anih duh broă Làng bol càr Gia Lai bè broă tă bơsong kal ke, jòi tiah tuh dà pa ai bơtơ̆t rbòng dà Ia Mơr in.

VOV4.K'Ho - Lơh sa suơn sre gam pal kong mờ uă bơta lòng tài tam gơl nhơm trồ tiah, trồ tiah lơh aniai mờ kòp bơ tờp. Sơlơ chồl tơnguh lơh sa, bơh hơ̆ lơh gơs ală mpồl lơh gơlik mờ tac phan lơh gơs bơh suơn sre, bè hơ̆ den tàng gam gơ gơs jơnau kờñ jal mhar gơ wèt mờ ală hìu bơnhă cau lơh broă sa, mpồl lơh broă bal lơh sa suơn sre. Lơh gơs ală mpồl lơh bal dong mpồl lơh broă bal ƀuơn rlau tàm broă ngui gơguh jak bơta chài măi mok tàm broă lơh sa, lơh mat kă bro phan lơh gơs. Làng bol lơh broă sa tus bal ală mpồl lơh bal lơh sa geh git ală broă lơh tam sơngka sền gàr, bơta chài măi mok pa mờ kuơmàng là bơta kuơ lơh sa cèng wơl kung kơ̆ kơljap rlau.

VOV4.K’Ho- Sở Lơh broă sa suơn sre mờ Bơtàu tơnguh Ƀòn lơgar càr Dăk Lăk pa tơlik Jơnau lơh nền bè broă sền gròi ală tiah tam, hìu dăp phan geh lơh bơh plai sầu riêng geh ai màh sồ tăc mờ lơgar bơdìh tàm càr do nam 2024.

VOV4.K'Ho- Mìu dờng tàm uă tiah tàm sùm uă ngai do neh lơh git nđờ rhiang lồ kòi sre tàm kơnhoàl Lăk, càr Dăk Lăk ngơr bam tàm dà, digơlan ờ geh tơnhàu.

VOV4.K’Ho- Di Linh là kơnhoàl geh uă ngan làng bol ơm kis là làng bol kòn cau K’Ho bơh càr Lâm Đồng dê. Ală nam pa do, bal mờ broă lơh tơmŭt uă đảng viên, Đảng ƀộ kơnhoàl Di Linh gam sền gròi lơh jat niam gơnoar lam lài, lơh krơh niam bơh Đảng viên làng bol jơi bơtiàn dồ ết nă cau tàm bơtàu tơnguh lơh sa mờ tàm rài kis. Kơnờm bơh hơ̆, muh mat bơh uă ƀòn neh geh bơta tam gơl loh làng, hời rơ hời sơr lèt gan kal ke, brồ guh bơt bơtàu rài kis hờm ram, hờn chờ.

VOV4.K’Ho- Tŭ do, uă tiah tam tờm sầu riêng tàm càr Dăk Lăk neh sơn đờm ai tơnhào kàl lơh sa nam 2024. Bal mờ broă tơnguh broă atbồ bè bơta lơngăp lơngai, uă tiah tàm càr gam tơrgùm ală broă atbồ bơta niam bơkah phan, ai tơngŏ măt kă bro plai sầu riêng bơh càr dê.

VOV4.K’Ho- 06 nhai bồ nam do, càr Dăk Lăk lơh geh khà gơguh lơh sa 4,13%, ờ hềt di bè jơnau kơ̆p gơn ngui niam bơta pràn bơta geh bơh càr dê.

VOV4.K’Ho- Ồng Ksor Phiếu, kòn cau Jrai là Kwang ătbồ thôn Blo Dung (xã Ia Hrung, kơnhoàl Ia Grai, càr Gia Lai). Bulah rơ̆p pa 42 sơnam lơm mơya ồng sùm geh làng bol tàm ƀòn ki ngàm, pin dờn. Jơh tơl nă cau tàm ƀòn ndrờm đơs là: Kư̆ iăt jăt jơnau ồng Ksor Phiếu dê đơs, lơh jăt broă ồng lơh den rài kis hìu bơnhă dê rơ̆p gơ tam gơl mờ niam bơnĕ rlau.

VOV4.K’Ho- Tàm càr Dăk Lăk gam gơlik geh bơta làng bol ur ar rồ sơrbì phan tam jŏ nam nàng tam gơl tam sầu riêng mờ kơ̆p kờñ geh bơta kwơ uă rơlao. Broă bơtàu tơnguh “uă ir” tờm sầu riêng di gơlan gơtìp uă bơta ờ niam, ờ mìng gơwèt mờ cau tam mờ di gơlan geh uă bơta gơrềng ờ niam mờ gah phan sầu riêng dê tai.

VOV4.K'Ho - Do là jơnau đơs bơh cau ala mat Mpồl cau ala mat Mpồl tam klac câu Âu dê tàm lơgar Việt Nam tàm dơ̆ pơrjum “Cribơyai bơta chài bè Jơnau sồr rơcang lài kơryan mus kơl brê mờ ală mpồl lơh gơlik phan ờ lơh roh brê, gơmù bơta niam brê tàm lơgar Việt Nam” geh lơh ngai 12/7 tàm càr Dăk Lăk.