VOV4.K'Ho - Tơngai lài, tiah Tây Nguyên neh ngui niam ngan ală bơta pràn, bơta ƀuơn bơh tiah do dê, tă pơgồp tàm cồng nha bal bơh broă tac mờ blơi phan bơh lơgar ndai dà lơgar dê. Tây Nguyên neh gơ gơs là tiah lơh gơlik 2, 3 bơta phan bơh suơn sre tờm ngan mờ broă lơh dờng, geh khà uă, ngan là chi tam jŏ nam, chi sa plai. Bulah bè hơ̆, gam uă bơta kòl yan nàng ai phan lơh gơs bơh suơn sre tac hờ lơgar ndai bơh tiah Tây Nguyên dê geh mat tàm drà kă bro lơgar ndai.

VOV4.K’Ho- Kơnhoàl tiah nhàr lơgar Sa Thầy, càr Kon Tum geh khà kờp làng bol kờp jơh là 54 rbô nă, tàm hơ̆ jơi bơtiàn dồ êt nă cau geh tus rlau 57%. Nam 2021, Huyện ủy kơnhoàl Sa Thầy ai lơh jăt Ală jơnau đơs tă pơgồp geh lơh nền sồ 07 bè lơh tam gơl niam wơl sươn hìu, dong kờl, bơto pơlam làng bol tam chi sa plai lơh geh cồng nha bơtàu tơngguh lơh sa hìu bơnhă. Mờ bơta tus bal jơh nùs, jrô ơnàng làm uă bơh kâp ủy, gơnoar ătbồ kơnhoàl mờ bơta lơh krơh, lòt lài bơh đảng viên dê tàm ală thôn, ƀòn, broă lơh tam gơl niam wơl sươn hìu tàm tiah nhàr lơgar kơnhoàl Sa Thầy dê lơh geh cồng nha niam ngan, bă ù tam chi sa plai gơguh pràn.

VOV4.K’Ho- Ală ngai do, làng bol lơh broă sa càr Dăk Lăk gam tơnhào kòi kàl prang. Làng bol chờ hờp tài geh dùl kàl lơh kòi geh tơnhào uă, geh giă tăc. Mờ rơlao 46 rơbô 500 lồ ù sre lơh kòi, kờp dŭ lơh sa Kàl prang do càr Dăk Lăk tơnhào geh rơlao 240 rơbô 400 tấn kòi, gơguh 7 rơbô tấn pơn drờm mờ nam lài.

VOV4.K'Ho - Tŭ do, cau tam gơ àl tàm kơnhoàl Ea Kar, càr Dăk Lăk gam mut tàm tơngai pik tonhàu uă. Nam do, trồ tiah tơngai duh nisơna, trồ prang soat dà jŏ jòng, cồng nha tơnhàu gơmù pơn drờm mờ ală kàl lài. Bulah bè hơ̆, kơnờm giă tac jơnhua, drà kă bro kơ̆ kơljap sùm, cau tam bơta chi sa plai do tàm Ea Kar kung gam geh priă cồng sơl.

VOV4.K’Ho- Lâm Đồng là càr lam lài gùt lơgar bè lơh gơlik phan bơh lơh sa sươn sre măy mŏk pa (kông nghệ kao). Uă phan bơna lơh geh bơh sươn sre càr dê, bè biăp, bơkàu, kơphê…neh geh măt tàm làm jơh drà tàm lơgar mờ tăc mờ lơgar ndai. Nàng ngui geh cồng nha bơta pràn do kung bè tơngguh uă bơta pràn tàm pơrlòng ală bơta phan lơh geh bơh sươn sre bơh càr dê, bal mờ lơh gơlik phan bơh lơh sa sươn sre măy mŏk pa, càr Lâm Đồng gam lơh pràn ngui tam gơl sồ tàm tam, lơh gơlik mờ tăc bro phan bơna lơh geh bơh sươn sre ờ ngui phơng sih, ờ ngui sơnơm sền gàr phan tam, lơh geh jơnau kờñ ngai sơlơ uă bơh drà tàm lơgar mờ tăc mờ lơgar ndai dê.

VOV4.K’Ho- Tàm Hà Nội, Ƀộ Nông nghiệp mờ Phát triển Nông thôn bơyai lơh pơrjum “Tơngguh tai tŭ niam lơh broă bal tàm gah broă lơh lơh broă sa sươn sre” mờ bơta tus bal bơh Kwang bàng cribơyai broă kă bro phan mờ lơh broă sa sươn sre bơh bàr pe dà lơgar geh rài lơh broă sa sươn sre bơtàu tơngguh tàm dunia.

VOV4.K'Ho- Geh bơyai lơh tàm 3 ngai, tàm pơrjum dơ̆ 33, Ủy ƀan Thường vụ Quôk hội sền sơ wì, tă pơgồp jơnau đơs tàm 14 tơngume kwơ màng rcang ai pơrjum dơ̆ 7, Quôk hội khoă 15 in.

VOV4.K’Ho- Bơh bồ nhai 05 tus tŭ do, giă kơphê gơmù bơh khà 135 tơlak đong dùl 1 tấn gơmù gam 90 tơlak đong dùl tấn. Tàm càr Gia Lai, kơphê gơmù giă uă ngan ờ lơh hoàc huơr uă gơwèt mờ cau lơh broă sa, mơya ơn mpồl lơh sa kă bro tàm bơta ờ khin tài bơh rơngòt gơtìp hoàc huơr.

VOV4.K'Ho - Trồ prang duh soat dà gam lơh gơ rềng ờ niam tus gah lơh sa suơn sre bơh Tây Nguyên dê. Mơya tàm bơta ndai, kàl prang duh là dùl kàl ƀuơn ai gah lơh sa suơn sre tiah do dê in. Jơh ală bơta chi tam tờm ngan bè kơphe, sầu riêng, tiêu, gar điều, mắc ca… ndrờm lì bơkàu, tơt plai tàm nhai prang. Trồ sơlơ tơngai den bơkàu, plai sơlơ ƀô thồm, sơlơ bơkah dilah geh tơl dà, kàl prang rơp cèng wơl “kàl niam” ai Tây Nguyên in.

VOV4.K’Ho- Bơta trồ prang gam gơlik geh kal ke tàm Tây Nguyên, ală bă ù tam kơphe gơtìp ro jơh, làng bol lơh broă sa moăt tài ngòt ờ geh tơnhào tàm tŭ giă kơphe gam gơguh uă. Bơta ờ di pal là Tây Nguyên ro kơnrañ bŭ lah tàm tiah bồ tô bơh 4 dà dờng dê, tàm hơ̆ geh: Srepok, Sê San, Đồng Nai mờ dà dờng Ba, mờ khà dà geh rơlao 50 tơmàn khối tàm 1 nam. Tiah Tây Nguyên kung geh kờp jơh khà mìu pah nam tus 100 tơmàn khối. Dà geh uă mơya tài bè lơi nam lơi Tây Nguyên kung gơtìp prang? Bơta tờm là tài rơndăp ù tiah ờ pràn, bơcri priă ờ tơl, bồ tơngoh kơlôi tàm broă lơh ờ di pal tai, lơh kàl prang ờ git tŭ lơi jơh.