VOV4.K'Ho - “Ngui niam rlau tai bơta pràn mờ bơta ƀuơn tàm pơn drờm tàm gah lơh broă sa suơn sre mờ Bơtàu tơnguh ƀòn lơgar đah Việt Nam mờ Hàn Quôk” là tơngume tờm bơh pơrjum “Broă rơndap lơh lơh broă bal đah Việt Nam mờ Hàn Quôk tàm gah lơh broă sa suơn sre mờ bơtàu tơnguh ƀòn lơgar bơh nam 2024 tus nam 2030” bơh Ƀộ Nông nghiệp mờ Phát triển Nông thôn pơgồp bal mờ anih lơh broă bal dunia Hàn Quôk (Koica) bơyai lơh drim ngai 18 nhai 03 tàm Hà Nội.

VOV4.K’Ho- Tŭ do gam mut tàm tơngai tờm tơnhào điều, mơya cau lơh broă sa tàm càr Gia Lai ờ gơtùi chờ hờp tài bơh điều ờ geh tơnhào, tăc ờ geh giă pơndrờm mờ nam lài. Gah lơh broă geh gơnoar càr ai broă lơh: gơwèt mờ bă ù ờ hoan geh cồng nha, cồng nha lơh geh ờ uă tài bơh sơntìl ờ niam den sồr làng bol tam gơl tus sơntìl điều pa halà tam gơl tus tam ală bơta phan tam bè tờm chi sa plai, phan tam jŏ nam geh priă jền lơh sa uă halà tam ală bơta phan lơh sơnơm tềng hơđơm mƀur suơn điều.

VOV4.K’Ho- Lơh jat “lơh sồ ngan ngồn 10 rơbô tờm sầu riêng tàm sră wăc sềr tờm chi” ngai 17 nhai 03, ơruh pơnu càr Dăk Lăk pơgồp bal mờ ală mpồl lơh broă geh gơrềng sơnđờm lĭp mã QR ai tờm sầu riêng in tàm xã Chư Kpô, kơnhoàl Krông Buk.

VOV4.K’Ho- Tàm dơ̆ lơh ală broă lơh broă bal đah bàr lơgar dê tàm lơgar Mỹ di tus pơrjum dơ̆ 68 Ủy ƀan gơnoar cau ùr bơh Mpồl duh broă lơh sa mpồl bơtiàn Liên hợp quốk bơyai lơh, Phó Củ tịc lơgar mò Võ Thị Ánh Xuân neh wă Ƀộ trưởng Lơh sa suơn sre lơgar Mỹ ồng Thomas J.Vilsack.

VOV4.K’Ho- Ủy ƀan Ñân zân càr Lâm Đồng pa jàu sră dờp phan bơna OCOP lơh geh jơnau sồr 4 sơmañ ai 21 phan bơna, tơnguh kờp jơh phan bơna lơh geh jơnau sồr OCOP tàm ù tiah do dê gơguh mờr 400 phan bơna.

VOV4.K’Ho- “Lơh jăt nền nòn cơng tàng cíñ trị bơh Nghị quyết sồ 10 nàng ring bal atbồ Dà lơgar tàm broă atbồ ù tiah bal mờ phan kwơ tàm ù, tàm hơ̆ uă ngan là tàm broă lùp sền mờ jòi sền phan kwơ tàm ù”. Do là jơnau sồr bơh Phó Thủ tướng ồng Trần Hồng Hà dê tàm dơ̆ pơrjum iăt jơnau yal bè rơndăp broă lơh Adăt ù tiah mờ phan kwơ tàm ù geh bơyai lơh drim òr (13/03), tàm Hìu lơh broă Cíñ phủ dê.

VOV4.K’Ho- Tŭ do, cau lơh broă sa tàm ală càr tàm tiah Tây Nguyên gam chờ hờp ngan mŭt tàm kàl tờm kàl pik tiêu nam 2024. Giă tiêu geh tăc pơgăp bơh 93 tus 95 tơlak đong dồ tấn, là khà giă jơnhoa ngan rlau jơh kờp bơh nam 2016 rê hờ ndo. Bulah giă tiêu gam gơguh jơnhoa mờ tăc geh khà 95 rbô đong dồ kĭ mơya cau lơh broă sa kung gam ờ hềt gơ jă gơ jal tăc tàm drà sơl. Tài bơh jăt kờp dŭ bơh cau lơh broă sa dê, priă tă bơcri uă, den tàng kung gam mìng lơh geh dồ êt priă cồng sơl.

VOV4.K'Ho - 8 rbô hìu bơnhă tam kơphe mờ bă ù dồ êt tàm tiah kal ke bơh càr Dăk Lăk dê rơp geh dong kờl lam lơh tam kơphe kơ̆ kơljap gơ dờp mờ tam gơl nhơm trồ tiah tơngai bơh nam 2023 tus nam 2028.

VOV4.K’Ho- Bŭ lah tŭ do ờ hềt di là dơ̆ prang uă ngan bơh kàl prang dê, mơya tơnao dà Đăng Kia – Suối Vàng tềng jơng bơnơm Langbiang, do là tơnao dà ai geh dà ngui sa tờm ngan ƀòn dờng Dà Làc, càr Lâm Đồng dê neh gơtìp tàm bơta soăt dà. Ai tơngŏ dùl kàl prang dờng di gơlan gơtìp tàm tiah kơh bơnơm Lâm Viên do.

VOV4.K’Ho- Drim ngai 04/03 tàm Hà Nội, Ƀộ Nông nghiệp mờ Phát triển Nông thôn pơgồp bal mờ Đại sứ quán lơgar Mỹ tàm Việt Nam bơyai lơh cribơyai “Tơnguh uă pràn jak lơh jăt adat boh lam kơryăn tăc bro dơm chi tìs mờ adăt boh lam đah lơgar Việt Nam mờ Mỹ.