VOV4.K’Ho- Broă mus kơl, tăc blơi, phan diang phan brê ờ di mờ adăt boh lam tiah rềp nhàr bal kung gam ờ hềt geh broă bơsong di pal. Do là jơnau đơs bơh UɃÑZ càr Kon Tum mờ Gia Lai dê tàm Pơrjum sền wơl cồng nha lơh jăt kơrnoăt pơgồp bal tàm broă atbồ, sền gàr brê mờ atbồ phan brê tiah rềp nhàr bal đah bàr càr geh bơyai lơh mho òr (02/04), tàm ƀòn dờng Kon Tum, càr Kon Tum.

VOV4.K’Ho- “Dăk Lăk pal jơh nùs, geh kơnòl rlau tai tàm broă tơrgùm kờp bă ù, khà kơphe lơh geh tŭ do nàng geh khà kờp dipal. Bơh hơ̆ đal git wơl gah lơh phan, ai tơlik ală broă lơh dipal bơtàu tơnguh gah lơh kơphe kơ̆ kơljap jŏ jòng sùm”.

VOV4.K’Ho- Di dơ̆ rê wơl tàm tiah tờm kăc màng, ngai 27/03, Khoa Thanh nhạc- Họk viện Âm nhạc Dà lơgar Việt Nam pơgồp bal mờ Ủy ƀan Ñân zân kơnhoàl Tu Mơ Rông, càr Kon Tum bơyai lơh dơ̆ jàu 100 rơbô tờm nho sơntìl 2 sơnam pà 200 hìu bơnhă rƀah kòn cau Sơdàng tàm ù tiah kơnhoàl in.

VOV4.K'Ho - Ală broă lơh bal cèng wơl bơta kuơ dờng ai Hợp ták xã in tàm broă tơrmù priă tă lơh, lơh sa dờng, bơta niam phan lơh gơs ndrờm bal, tam phan kơ̆ kơljap mờ drà kă bro tac phan lơh gơs geh sùm.

VOV4.K’Ho- Dar lài bơh Dơ̆ pơrlòng Kơphe bơkah lơgar Việt Nam nam 2024 (Vietnam Amazing Cup 2024) pa tơn jơh mờ khà phan tus bal pơrlòng uă ngan. Mpồl bơyai lơh gam lơh ngan rơcang ai dar pơrlòng dŭt ndơl tàm nhai 4 tus mờ geh bơyai lơh ai tàm pơrlòng giă tàm Càr lơgar Hà Nội, ală khà kơphe bơkah geh khà pơrlòng uă tàm dơ̆ pơrlòng do.

VOV4.K’Ho- Rơcang tam pà dà, ngui dà tuh ală bơta phan tam in, gam geh ală kấp gơnoar atbồ bal mờ làng bol kis tàm kơnhoàl Ea Kar, càr Dăk Lăk lơh di pal. Dà tuh drơng broă lơh sa suơn sre kung gam tơl, kòi sre kàl prang tàm kơnhoàl kung gam “pleh” trồ prang geh cồng nha.

VOV4.K'Ho - Drim ngai 21/3, tàm Hà Nội, Ƀộ Nông nghiệp mờ Phát triển Nông thôn bơyai lơh pơrjum yal Kơrnuat bơh Thủ tướng Cíñ phủ dê bè Rơndap ù tiah sơrlèt mờ bơta trồ tiah lơh aniai mờ bơtơt rbòng dà, tơngai bơh nam 2021 tus nam 2030, broă rơndap lơh tus nam 2050.

VOV4.K'Ho- Tŭ do ƀòn dờng Dà Làc, gam lam lơh 30 broă lơh tơrlòng lài bè tam bơkào, biăp bùm, kơnuh, plai đo đah bơdìh.

VOV4.K’Ho- Càr Dăk Lăk gam mŭt tàm tơngai prang dờng, mơya gĭt nđờ rhiang rbô lồ chi tam ală bơta ndrờm geh jơnau kờñ tuh dà. Nàng rơcăng lài sơrlèt mờ trồ prang dờng, gàr tơl dà drơng lơh sa in, gah lơh broă geh gơnoar, ală tiah tàm càr neh mờ gam jơh nùs lam lơh ală broă lơh rơcăng lài tam pà dà tuh di pal.

VOV4.K'Ho- Sơlơ tơnguh uă tam jat gùng dà hữu kơ geh jòi git anih lơh gơlik mờ lơh bal bơtàu tơnguh jat ròt phan lơh gơs bơh suơn sre gùt plai ù đềt mềr mờ tiah ơm kis, phan kơphe bơh càr Lâm Đồng dê neh ngai sơlơ ai gŏ bơta kuơ tàm drà kă bro tàm lơgar mờ tac hờ lơgar ndai.