VOV4.K’Ho- Kàl lơh kơphê 2024 - 2025, giă kơphê pơn jat tai gơguh uă, lơh tơnguh jơnau kờñ bè priă càn gơwèt mờ ală mpồl lơh sa kă bro blơi mờ tăc kơphê mờ lơgar ndai. Nàng lơh geh jơnau kờñ pa, Anih priă jền Dà lơgar càr Dăk Lăk neh sồr ală mpồl ai càn priă rcang lài priă jền nàng lơh geh jơnau kờñ tơl làm.

VOV4.K’Ho- Ơ làng bol mờ gơ̆p bơyô! Lời tĕ mờng chài ờs mờng bơh yau “Bùm ù krơi, kòi kòn ù kwèng”, tiah lơh sa ơnàng rlau 80 lồ tàm tiah rềp kềng ƀòn dờng Buôn Ma Thuột, càr Dăk Lăk bơh Kông ty Bơcri priă bal Sweet Potatoes dê là bă ù neh klàr ngan tài bơh cau tờm ù neh geh tŭ ai ală mpồl cau, cau dồ nă să is in apah tam bùm lô tàm uă nam. Kàl sơnrờp, kông ty tam jriang bùm lô tàm bă ù do, uă cau kơlôi rơcăng ngòt bùm rơ̆p dềt, uă tu kòp. Bè hơ̆ mờ Sweet Potatoes neh lơh geh cồng nha. Lài do, cau tam bùm lô tàm Tây Nguyên lơh geh cồng nha 30 tấn dồ lồ neh là dồ êt nă ngan. Bè hơ̆ mơya sươn bùm lô gam rồ bùm bơh kông ty dê lơh geh tus rlau 50 tấn dồ lồ.

VOV4.K’Ho- Nàng kờñ lơh sir kờp sền brê tàm ală càr tiah Tây Nguyên tàm nam 2025, mho ngai 28/11, Ƀộ Broă lơh sa mờ Bơtàu tơngguh Ƀòn lơgar neh bơyai lơh Pơrjum lam lơh kờp sền brê tàm ală càr tiah Tây Nguyên nàng kờñ ring bal, ală broă lơh lam lơh jăt.

VOV4.K’Ho- Ngai 28/11, Sở Broă lơh sa mờ Bơtàu tơnguh Ƀòn lơgar càr Dăk Lăk bơyai lơh pơrjum “Tơn jơh sền wơl Jơnau lơh nền tàm pơrjum sồ 24 nam 2017 bơh Mpồl duh broă làng bol càr dê bè bơtàu tơnguh kơphê kơ̆ kơl jăp tus nam 2020, pơlam gùng dà tus nam 2030; Tơn jơh kàl tơnhào kơphê nam 2023-2024.

VOV4.K'Ho- Tơnơ̆ rơlao 2 nam lơh jăt jơnau lơh nền sồ 749 bè tam gơl sồ dà lơgar, càr Kon Tum neh geh ờ uă cồng nha ngan ngồn, tàm hơ̆ uă ngan là tàm gah broă lơh sa suơn sre. Càr gam lơh ngan bơsong ală bơta gơkòl nàng tam gơl sồ pràn kơl dang rơlao tai, wèt tus bơ̆t bơtàu broă lơh sa suơn sre ngăc ngar, ƀòn lơgar pa.

VOV4.K’Ho- Bơh nam 2019 tus tŭ do, uă hìu bơnhă làng bol tàm ală kơnhoàl: Lăk, Krông Bông, càr Dăk Lăk dê neh lơh tơrlòng lài mờ lơh geh cồng nha mờ broă tam zơu ròng tu. Ngan là tàm ală tiah sar lơgar ngài, broă tam tờm zơu ròng tu neh cèng wơl cồng nha lơh sa loh làng.

VOV4.K’Ho- Têng đăp bơta kòp jê ndul gơ jroh sur câu Phi gơlik geh kal ke tàm uă tiah, càr Dăk Lăk gam mhar ngan lơh jat ală broă bơsong rcang lài kơryan kòp nàng kờñ gàr niam bơta bè ờs ai mpồl sur in mờ gàr niam poăc tăc tàm drà kă bro tàm tơngai sa tềp Dà lơgar nam Ất Tỵ 2025.

VOV4.K’Ho- Càr Kon Tum gam pơn jăt tai lơh pràn broă bơtàu tơngguh tờm chi lơh sơnơm tàm tiah jơi bơtiàn dồ êt nă cau dong làng bol tơngguh tai priă lơh geh tơrmù rƀah kơ̆ kơl jăp.

VOV4.K'Ho- Tàm kơnhoàl Chư Prông, càr Gia Lai, cau tam rơpung kài gam kong gơtìp mờ dùl kàl lơh sa ờ geh tơnhào mờ ờ hềt tŭ lơi geh.

VOV4.K’Ho- Càr Kon Tum tŭ do geh 17 rbô lồ chi tam jăt ngui măy mŏk pa tàm ală tŭ lơh sa. Bal mờ tơngguh cồng nha lơh sa, ală broă lơh tơrlòng lài broă lơh sa sươn sre do gam là bơta dong kờl gơ wèt jơh gùt càr, pờ tơlik jơnau tơl pràn lòt nhơl lơh broă sa sươn sre, wèt tus broă lơh sa sươn sre pa mờ kơ̆ kơl jăp.