VOV4.K’Ho- tŭ do, uă bơta phan geh lơh bơh suơn sre tờm bơh ală càr Tây Nguyên dê bè: kơphe, tiêu, sầu riêng… geh giă tăc ờ mìng neh pơgồp bal tàm broă gơguh rài kis làng bol mờ gam rề ơnàng drà kă bro mờ lơgar bơdìh. Bŭ lah tài gơrềng bơh Elnino lơh gơtìp trồ prang lơh gơrềng uă ngan tus mờ uă bơta phan tam tàm Tây Nguyên dê, mơya làng bol kung gam lơh ngan kơrian trồ prang mờ tơmù ală bơta kal ke tài bơh trồ tiah, pơn jăt tai lơh sa nàng sền gàr cồng nha lơh broă sa bơh să tờm dê.

VOV4.K'Ho - Tơngai lài, tơnơ̆ ală ơdŭ bơto broă lơh, uă cau lơh broă tàm ală tiah ƀòn lơgar tàm càr Dăk Lăk, ngan là cau jơi bơtiàn dồ êt nă cau, neh jòi geh is broă lơh, tơnguh priă lơh geh, gàr kơ̆ kơljap rài kis. Bal mờ hơ̆, broă bơsram broă lơh kung pơgồp bơnah dong làng bol jòi geh gùng lòt pa tŭ lơh ală mpồl lơh sa, kă bro tàm ƀòn lơgar.

VOV4.K'Ho - Drim ngai 26/4, tàm ƀòn dờng Buôn Ma Thuột, Kụk hòi jà kă bro - Ƀộ Kông thương pơgồp bal mờ Ủy ƀan Ñân zân càr Dăk Lăk bơyai lơh Pơrjum hòi jà kă bro mờ bơtàu tơnguh tac, blơi phan bơh lơgar ndai tiah Tây Nguyên.

VOV4.K’Ho- Ro kơnrañ, tơngai duh jŏ jòng neh lơh uă bă kơphê tàm kơnhoàl Đăk Hà, càr Kon Tum rơđò nha, ro ntê mờ gơjrùh plai.

VOV4.K’Ho- Kàl Mrềt Prăng nam do, cau tam bùm lô tàm càr Gia Lai bòl glar ngan tài bơh ờ geh tơnhàu, giă gơmù rlau 60% mơkung ờ gam gơtùi tăc yòm sơl. Nam lài, làng bol “geh tơnhàu uă mờ tăc geh giă tai” den tàng cau lơh broă sa neh rề ơnàng bă ù tam. Tàm càr Gia Lai tŭ do, bă ù tam pa gơguh pràn, geh tiah gơguh tus 300% pơndrờm mờ kàl lài. Tềng đăp bơta geh ngan kal ke tàm broă tăc bro, gah lơh broă geh gơnoar neh pơgồp bal mờ ală anih kă bro nàng “dong kờl” làng bol lơh broă sa.

VOV4.K’Ho- Ngai 24/04, tàm Dà Làc, càr Lâm Đồng geh lơh dơ̆ pơrlòng săc rwah bơta niam bơkah kơphê Arabica Việt Nam dơ̆ 10.

VOV4.K’Ho- Giă kơphe sùm gơguh uă tàm tơngai do neh lơh gơrềng tus mờ broă kờñ càn priă nàng drơng tàm broă lơh sa, kă bro kơphe tàm càr Dăk Lăk. Ngân hàng dà lơgar Việt Nam tàm càr Dăk Lăk sồr ală mpồl ai càn priă tàm càr do lơh ndrờm bal priă, ai lài khà priă càn di pal mờ di tŭ kờñ geh priă ai làng bol bal mờ mpồl lơh sa kă bro in.

VOV4.K'Ho- Trồ tơngai duh jŏ jòng lơh dà tàm ală tơnau dơng dà bơ tơt rbòng dà tàm Dăk Lăk gơmù soat, lơh gơ rềng uă ngan tus broă lơh sa suơn sre. Ală tiah tàm càr gam lam lơh uă broă lơh nàng rơcang sơndră mờ bơta trồ prang dờng soat dà.

VOV4.K’Ho- Nàng kờñ sơlơ tơnguh rlau tai broă pơgồp bal kơlôi sơnơng măi mok gah lơh sa suơn sre đơs is mờ lơh sa- mpồl bơtiàn đơs bal đah 5 càr tàm tiah Tây Nguyên mờ ƀòn dờng Hồ Chí Minh, pa do, tàm ƀòn dờng Kon Tum neh geh bơyai lơh pơrjum jak chài kấp kơnhoàl ù tiah “Cribơyai ngui bơta gơguh jak măi mok tàm broă bơt bơtàu broă lơh ngui măi mok pa, kông nghệ siñ họk; broă lơh ròng phan, ờng sơntìl, lơh gơlik phan, ơn prap phan gơwèt mờ phan tam ală càr tàm tiah Tây Nguyên.

VOV4.K’Ho- Tŭ do cau tam bùm lô tàm Tây Nguyên kơlôi rơcang ngan tài giă blơi gơmù uă. Pơgăp mờ do 6 nhai, giă dùl tấn bùm lô geh tàm khà 23 tơlăk đong, tŭ do mìng gam di pơgăp 1 bơnah 5 khà priă do. Kung tam bùm lô, mơya tiah hờ bơdìh ƀòn dờng Buôn Ma Thuột, càr Dăk Lăk, Kông ty Kổ phần Sweet Potatoes den chờ hờp ngan mờ cồng nha lơh geh bơh kông ty do dê, kơnờm mờ broă lơh nền nòn bơh broă pŏ ù, rơwah sơntìl tus mờ broă drà kă bro.