VOV4.K'Ho - Do là jơnau đơs bơh cau ala mat Mpồl cau ala mat Mpồl tam klac câu Âu dê tàm lơgar Việt Nam tàm dơ̆ pơrjum “Cribơyai bơta chài bè Jơnau sồr rơcang lài kơryan mus kơl brê mờ ală mpồl lơh gơlik phan ờ lơh roh brê, gơmù bơta niam brê tàm lơgar Việt Nam” geh lơh ngai 12/7 tàm càr Dăk Lăk.

VOV4.K’Ho- Càr Dăk Lăk gam rcang ai tơngai tơnhào sầu riêng nam 2024. Bal mờ kờp sền broă atbồ bơta bơkah niam, broă lơh gàr niam lơngăp lơngai, rơndăp tăp sèng tàm ală tiah lơh sa, kă bro sầu riêng, geh ală tiah tàm càr sền gròi uă ngan.

VOV4.K’Ho- Cơldŭ lơh broă Lơh sa suơn sre mờ bơtàu tơnguh ƀòn lơgar kơnhoàl Cư Mgar, càr Dăk Lăk gam pơgồp bal mờ ală tiah tơrgùm kòp ală tờm sầu riêng bơh làng bol dê gơtìp hoàc huơr tơnơ̆ dơ̆ càl pồt gơlik geh tàm mho mang ngai 06 nhai 07 mờ jòi broă lơh dong kờl.

VOV4.K'Ho - Tàm 6 nhai bồ nam, broă lơh sa suơn sre càr Dăk Lăk geh uă bơta ƀuơn, giă phan lơh gơs bơh suơn sre (kơphe, tiêu, sầu riêng) gơguh jơnhua, pơgồp bơnah uă ngan tàm broă gàr kơ̆ kơljap rài kis ai làng bol mờ bơtàu tơnguh lơh sa mpồl bơtiàn gùt càr dê in.

VOV4.K'Ho - Tơnơ̆ 15 nam lam lơh tơrlòng lài 2 rơndap broă lơh tơnhàu, lơh gơlik Bauxite Tân Rai, càr Lâm Đồng mờ Nhân Cơ, càr Dăk Nông neh ai gŏ do là dùl jơnau lơh nền di ngan bơh Đảng mờ Dà lơgar dê, pơgồp bơnah tàm broă tam gơl muh mat Tây Nguyên dê jat jơnau pal jat tơnhàu geh cồng nha bơta pràn nàng bơtàu tơnguh mhar mờ kơ̆ kơljap jŏ jòng sùm. Gơ wèt mờ Dăk Nông, rơndap broă lơh Alumin Nhân Cơ neh dong lơh geh pràn kơldang ngan bơta bơtàu tơnguh lơh sa mpồl bơtiàn, đal git loh làng gah tờm lơh sa bơh càr dê.

VOV4.K’Ho- Sở Lơh sa mờ Bơtàu tơnguh ƀòn lơgar càr Dăk Lăk pa bơyai lơh “Pơrjum lơh jăt gah phan sầu riêng kàl lơh sa nam 2024”.

VOV4.K’Ho- Khin cha, khin lơh, jòi gùng lòt pa ai tiah ù ro kơnrañ, ală bơyô kơnòm să tàm xã Ea Ñuôl, kơnhoàl Buôn Đôn, càr Dăk Lăk neh lam lài lơh jăt broă lơh tơrlòng lài tam ño mẫu đơn. Bơh 03 nam lơh tơrlòng lài, tus tŭ do, broă lơh tơrlòng lài bơh sơnrờp cèng wơl cồng nha lơh sa uă.

VOV4.K'Ho - Ală nam do, làng bol kòn cau Cơ Tu tàm tiah kơh bơnơm càr Quảng Nam bơcri priă tam brê, cèng wơl cồng nha lơh sa, dong làng bol tơnguh priă jền lơh geh sơrlèt gan kal ke, brồ guh lơh pas. Bulah bè hơ̆, làng bol uă ngan tam brê keo, pơhìn lơh gơbàn klàr ù, tiah ơm kis gơtìp aniai. Nđờ nam do, càr Quảng Nam neh geh uă gùng dà, broă lơh hòi jà cau tam gơl brê tam gơl bơh tam brê dơm chi dềt tam brê dơm chi dờng, ờ mìng bơtàu tơnguh lơh sa mờ gam pơgồp bơnah sền gàr tiah ơm kis tai.

VOV4.K'Ho - Bal mờ kơphe, sầu riêng, tiêu, kòi phe kung là phan geh uă bơta pràn, bơta ƀuơn bơh càr Dăk Lăk dê. Bulah bè hơ̆, phan phe cèng mat kă bro Dăk Lăk kung gam dềt,r ah rài, uă ngan kòi bơh càr Dăk Lăk dê ờ hềt lơh gơlik phan kă bro. Bơta lơh gơlik phan kă bro kòi phe neh geh đơs tàm uă nam mơya ală mpồl lơh sa kă bro tiah do kung gam ờ hềt jòi geh broă lơh bơsong ai bơta priă jền in.

VOV4.K'Ho- Jơh gùt càr tŭ do geh mờr 6 rbô lồ sầu riêng, tàm hơ̆ bă sầu riêng gơ ai sa geh tus pơgăp nggùl, uă ngan là tàm ală kơnhoàl, bè: Chư Prông, Ia Grai, Đăk Đoa, Chư Sê mờ Chư Pưh.