VOV4.K’Ho- Bulah gơtìp gơrềng kal ke bal bơh lơh sa gùt plai ù dê, nam 2024 priă geh bơh tăc phan mờ lơgar ndai bơh càr Lâm Đồng dê kung gam gơguh tai sơl 6,1% pơndrờm mờ nam 2023. Tàm hơ̆, ală bơta phan biăp, bùm, kơnuh, plai đo mờ bơkàu ală bơta pơn jăt tai là ală bơta pơnrơ. Nàng lơh geh cồng nha do, bơdìh mờ broă rề ơnàng lơh bal lơh sa, tơngguh uă bơta niam phan bơna lơh geh, broă lơh măt kă bro mờ yal oă măt kă bro geh càr Lâm Đồng sền gròi lơh jăt.

VOV4.K’Ho- Ală nam rềp ndo, uă cau lơh broă sa tàm càr Dăl Lăk khin cha tam gơl bàr pe bơta chi tam lơyah ngai tus tam gơl tam prìt, cèng wơl priă jền uă đau sơl. Dơ̆ Sa tềp nam Ất Tỵ 2025 do, yal lài cau tam prìt rơ̆p lơh geh uă prìt, tŭ bơnah uă prìt neh geh cau kă phan dan blơi lài mờ giă jơnhoa.

VOV4.K’Ho- Drim òr (21/01), tàm ƀòn dờng Cần Thơ geh bơyai lơh dơ̆ Cribơyai Nghị viện mờ tơngume Lơh broă bal đơs dà Tây bè broă lơh sa suơn sre kơ̆ kơl jăp, gàr tơl phan sa geh gar mờ drơng tam gơl nhơm trồ tiah, bơh Quôk hội Việt Nam dê bơyai lơh di dơ̆ drơng lơh Pơrjum Mpồl duh broă Mpồl Nghị viện đơs dà Tây.

VOV4.K’Ho- Mìng gam rlau 1 poh tai là tus Sa tềp bơhiàn Dà lơgar nam Ất Tỵ 2025, tơngai do, ală cau lơh suơn tam bơkào, tờm chi lơh niam tàm càr Dăk Lăk gam ờ ru ngan ai ală broă lơh dŭt ndơl nàng gàr niam phan bơna in geh niam ngan rlau jơh tŭ tus mờ tê cau ngui dê. Uă cau tam bơkào pà gĭt, nam do, trồ tiah geh bơnah lơi ờ niam den cau tam bơkào roh uă dà kơl hề nàng sơng ka sền gàr.

VOV4.K’Ho- Sa tềp bơhiàn dà lơgar dê nam Ất Tỵ 2025 mờr tus rềp ngai, jăt bơta gơ wơl wơl bơh tŭ tơngai dê, pràn blơi bơh cau ngui sa dê sùm gơguh pràn. Nàng kờñ lơh geh jơnau kờñ do, tŭ do ală mpồl lơh sa kă bro jơh nùs lơh gơlik phan bơna drơng năc blơi phan in, ală mpồl tăc rah rài ală broă rơndăp lơh gàr tơl phan, rơcăng ală phan kă bro drơng Sa tềp in, is ồn là ală bơta phan kờñ pal geh.

VOV4.K’Ho- Mờ uă bơta pràn, phan lơh geh bơh sươn sre càr Dăk Lăk dê ngai sơlơ đơs nền bơta pin dờn, bơta niam tàm drà tăc blơi tàm lơgar mờ ală lơgar, nam do òr lơh geh priă 1 tơmàn 600 tơlak dolar Mỹ bơh tăc phan mờ lơgar ndai. Ală kâp, ală gah, mpồl lơh sa kă bro mờ cau lơh broă sa tàm càr gam pơn jăt tai lơh pràn gùng dà broă lơh tơngguh uă bơta kwơ, ai phan lơh geh bơh sươn sre tăc tus drà tăc blơi dờng.

VOV4.K’Ho- Mut tàm qúy 1 nam 2025, tăc phan mờ lơgar ndai phan lơh geh bơh broă lơh sa suơn sre Việt Nam, is ồn là biăp bùm kơnuh plai đo pơn jat tai geh ală bơta niam ngan. Mơya uă jơnau đơs đơs là tềng đăp ală bơta tam gơl bơh bơta drà kă bro dunia dê, mpồl lơh sa kă bro kwơ màng pal jat di ală bơta tam gơl sùm bơh drà kă bro dê. “Bơta pràn” mpồl lơh sa kă bro pal pràn den gơguh bơh gah broă do hơ̆ sồng kơ̆ kơl jăp.

VOV4.K’Ho- Bơh ngai 3/01, kơrnoat atbồ, ngui mờ sền gàr pơlam ù tiah “Buôn Ma Thuột” gơwèt mờ phan bơna kơphê Robusta ngan ngồn geh ai lơh jat.

VOV4.K’Ho- Càr Dăk Lăk gam lơh ngan lơh jăt ngan ngồn jơnau kờñ bơ̆t bơtàu rài broă lơh sa sươn sre kơ̆ kơl jăp, niam nàng kờñ tơnguh tai priă jền lơh sa ai ală bơta chi tam tờm pràn tàm ù tiah càr in. Dùl tàm ală broă lơh gam geh càr lơh pràn là tam gơl pa broă lơh tơrlòng lài lơh bal đah làng bol – mpồl lơh broă bal – mpồl lơh sa kă bro nàng lơh gơlik ală bơta kwơ gah phan kơ̆ kơl jăp.

VOV4.K’Ho- Tàm tơngai gah lơh sa lòt nhơl gam bơtàu tơnguh wơl tŭ do, Cíñ phủ Việt Nam is ồn sền gròi broă lơh pràn ală broă lơh yờ tơnguh uă ală broă lơh “Lòt nhơl logistics gah rơndeh par ai bơtàu tơnguh mat kă bro tiah tus lòt nhơl Việt Nam” mờ sền lòt nhơl tơlir là gùng lòt bơtàu tơnguh kơ̆ kơl jăp. Den tàng, broă lơh pràn lơh broă bal tàm bơnĕ bơnài bal đah ală mpồl lơh sa kă bro drơng broă- lòt nhơl- gah rơndeh par nàng bơtàu tơnguh bal tơlir mờ kơ̆ kơl jăp là gùng lòt ờ gơtùi pleh klàs.