VOV4.K’ho - Mờ ù tiah ơnàng, [òn ơm kis ờ tơrgùm bal mờ sùm gơbàn geh broă lơh, mơya gah lơh ồs đèng càr Dak Lak sùm bơcri priă lơh mờ lơh niam wơl, tơnguh bơta pràn broă lơh ồs đèng, kờ` geh tơl niam broă lơh gơs khà sồ 4 bè broă bơ\t bơtàu [òn lơgar pa.

Bơh tu\ hơ\, di pal mờ broă kờ` geh ồs đèng ngui tàm rài kis, drơng tàm broă lơh sa mờ kă bro, pơgồp bal tàm broă chồl pràn broă tơnguh bơtàu lơh sa mpồl bơtiàn tàm càr do dê.

Rơlao 10 nam crơng gơs, [òn Bình Lợi, xã Cư\ Mlan, kơnhoàl tiah nhàr dà lơgar Ea Súp, càr Dak Lak gam ờ hềt geh ồs đèng. Rài kis bal mờ broă lơh sa làng bol gơbàn uă ngan kal ke. Pa do, geh Tổng công ty Điện lực Miền Trung bơcri 15 tơmàn priă, Công ty Điện lực Dak Lak neh bơyai lơh du\i che ồs đèng tus [òn Bình Lợi.

Bi Lý Tòn Chuống, atbồ [òn pà g^t, làng bol kis tàm [òn do ndrờm là làng bol kòn cau bơh càr đah tô tus; tu\ do, geh 252 hìu, rơlao 1 rơbô nă làng bol. Tài kis ngài mờ tiah tàm gùl xã Cư\ Mlan rơlao 40 kơi sồ, broă bơ\t bơtàu broă lơh [òn lơgar ndrờm ờ geh  bơta lơi, rài kis tìp uă ngan kal ke, geh uă hìu gam tàm mpồl hìu rơ[ah.

Ngai 30 nhai 8 lài do, di tàm dơ\ tơnkah 40 nam crơng gơs kơnhoàl Ea Súp, Công ty Điện lực Dak Lak neh bơyai lơh mu\t ngui broă lơh ồs đèng tàm [òn Bình Lợi, geh kuơ màng ngan tus mờ làng bol. Ồng Lý Tòn Chuống pà g^t:

-Tu\ ờ hềt geh ồs đèng den làng bol lơh sa tìp uă ngan kal ke. Priă kờ` tuh dà phan tam in kas ngan. Pah dơ\ tuh 1 lồ jơh bơh 3 tus 4 tơlăk priă blơi jờu. Neh geh ồs đèng den geh dong kờl làng bol tàm broă lơh sa, tuh dà phan tam in.

Mờr tus kàl prang, bơh nhai 11 tus nhai 3 nhai 4 nam tơnơ\. Geh ồs đèng den trồ mang làng bol geh tìp bal đơs crih tamya, hơ\ sồng oh kòn tàm [òn bơsram sră tai.

Ồng Nguyễn Văn Sỹ, kuang atbồ công ty Điện lực kơnhoàl Ea Súp pà g^t, tu\ do gùt kơnhoàl mìng rơ\p geh 2 xã geh khà bè ồs đèng [òn lơgar pa, hơ\ là xã Ea Bung mờ xã Ea Rôk. Mờ broă mu\t ngui broă lơh ồs đèng tàm [òn Bình Lợi, xã Cư\ Mlan den neh geh khà sồ 4 bè broă bơ\t bơtàu [òn lơgar pa.

Mờ broă geh is tàm kơnhoàl nhàr dà lơgar, [òn ơm kis ờ tơrgùm bal, den tàng broă lơh ồs đèng tàm tiah [òn tìp uă ngan kal ke, mơya công ty kung pal lơh ngan. Ồng Nguyễn Văn Sỹ pà g^t:

-Bơ\t bơtàu khà 4 bè ồs đèng [òn lơgar pa den kơnhoàl Ea Súp mìng rơ\p geh 2 xã geh khà do. Broă lơh ồs đèng ai tiah nhàr dà lơgar in den kal ke ngan là [òn ơm kis ờ tơrgùm bal, kis rah rài den tàng broă ai khà broă kờ` lơh ồs đèng gơbàn kal ke.

Priă bơcri uă mờ làng bol kis rah rài tơl bă ù bè do mìng geh 2, 3 hìu. Đah lơh ồs đèng bol a` kung lơh ngan kờ` lơh gơs kơnòl do.

Bal mờ [òn Bình Lợi, xã Cư\ Mlan, kơnhoàl Ea Súp, nam do tàm càr Dak Lak gam 3 xã ndai kung geh lơh ồs đèng pa. Hơ\ là xã Ea Puk, kơnhoàl Krông Năng, Cư\ Huê, kơnhoàl Ea Kar mờ xã Ea Mlai, kơnhoàl Mdrak.

4 broă lơh do geh Tổng công ty Điện lực Miền Trung bơcri priă lơh, mờ kờp jơh 33 tơmàn priă, jào Công ty Điện lực Dak Lak lơh kờ` lơh gơs khà sồ 4 bè bơ\t bơtàu [òn lơgar pa.

Lơh jăt rơndăp broă do, bơh bồ nam, đah Điện lực kơnhoàl Krông Năng gơwèt Công ty Điện lực Dak Lak neh mhar lơh 3 kơi sồ gùng che ồs đèng trung áp, mờr 6 kơi sồ gùng che ồs đèng hạ áp mờ crăp 2 anih biến áp, du\i che ồs đèng tus tơl hìu làng bol tàm 2 [òn Giang Tiến mờ Giang Tân, xã Ea Puk.

Dơ\ sơnrờp sền go\ ồs đèng àng bơh broă lơh gùng che ồs đèng dà lơgar dê, ồng Hoàng Quốc Nhung, kis tàm [òn Giang Tiến, xã Ea Puk chờ hờp đơs:

-Ưn ngài Đảng mờ Dà lơgar neh sền gròi tus mờ làng bol kis tàm [òn Giang Tiến. Kung neh jo\ ngan bloh, mờr 30 nam do, den ngai di geh ồs đèng, làng bol chờ hờp ngan. Geh ồs đèng den [uơn tàm rài kis uă ngan; geh ti vi sền, g^t jơnau tơng^t tàm lơgar mờ dunia, rài kis kung tơnguh rơlao.

Bơh lồi nam lài tus tu\ do, bal mờ priă bơ\t bơtàu tòm kờ` tơnguh niam, lơh niam wơl broă lơh gùng che ồs đèng mờ anih biến áp tàm gùt càr, kờ` lơh jăt kơnòl bơ\t bơtàu [òn lơgar pa, Công ty Điện lực Dak Lak neh lơh gơs rơndăp broă lơh ồs đèng pa tàm 4 xã.

Tàm hơ\, neh lơh pa rơlao 31 kơi sồ gùng che ồs đèng trung áp, 31 kơi sồ gùng che ồs đèng hạ áp, 12 anih biến áp mờ kờp jơh bơta pràn 1 rơbô 180kVA. Kơnờm mờ hơ\, tàm 4 xã do, geh mờr 1 rơbô hìu làng bol geh crăp ồs đèng pa, rơlao 4 rơbô hìu geh lơh tơnpràn wơl ồs đèng.

Jăt ồng Lê Hoài Nhơn, Phó kuang atbồ Công ty Điện lực Dak Lak yal, kờ` lơh jăt khà bè ồs đèng [òn lơgar pa ai ală xã in, tàm ală nam do, Công ty neh lơh pơgồp bal ală broă lơh ồs đèng [òn lơgar mờ lă rơndăp broă lơh tơn pràn wơl gùng che ồs đèng bơh priă càn lơgar bơdìh.

Tus do, gùt càr Dak Lak neh lơh mờ lơh tơn pràn wơl rơlao 732 kơi sồ gùng che ồs đèng trung áp; mờr 1 rơbô 400 kơi sồ gùng che ồs đèng hạ áp; 442 anih biến áp mờ kờp jơh khà bơcri rơlao 877 tơmàn priă. Ồng Lê Hoài Nhơn đơs tòm:

-Pah nam, kơnòl bol a` dê là lời 1 khà priă uă ngan, ai ală rơndăp broă tàm tơngu me càn priă bơh lơgar bơdìh, bol a` bơcri tàm broă kờ` lơh tơn pràn wơl gùng che ồs đèng, pờ ơnàng broă lơh gùng che ồs đèng tàm [òn, kờ` di pal mờ broă kờ` ngui bè ồs đèng làng bol in.

Lài ngan là rài kis mờ broă tòm ngan là tơl niam tàm broă lơh sa kă bro kờ` tơnguh rài kis, tơnguh bơtàu lơh sa. Bol a` sùm lơh tơn pràn gùng che ồs đèng tàm gùt càr, pơgồp bal tàm broă lơh geh tơl khà sồ 4 bè ồs đèng. Dơ\ 2 là jăt jơnau hơ bơh Tập đoàn Điện lực Việt Nam dê, ai rơlao 43 tơmàn priă bơcri tàm 4 xã kờ` lơh gơs khà sồ 4 bè ồs đèng. Tus tu\ do, bol a` neh sền mờ ai khà bal mờ broă til gùng che ồs đèng tàm 4 xã do.

Tus tu\ do, ală xã tàm càr Dak Lak neh geh gùng che ồs đèng dà lơgar, mờ rơlao 97% khà hìu ngui ồs đèng. Gùt càr neh geh 116 tàm 152 xã geh khà sồ 4 bè ồs đèng tàm broă bơ\t bơtàu [òn lơgar pa.

Ală broă lơh ngan bơh gah ồs đèng càr Dak Lak tàm broă lơh gơs khà sồ 4 do, neh pơgồp bal kuơ màng tàm broă chồl pràn broă tơnguh bơtàu lơh sa mpồl bơtiàn càr do dê.

Cau cih mờ yal tơng^t Ndong Brawl