VOV4.K’ho - Tàm càr Dak Lak uă bă ù tam kơphe làng bol neh dum uă gam rơcang mu\t tàm kàl tơnhào. Do kung là tu\ cau ờ niam sùm tus kơ`ao phan làng bol dê.

Tàm xã Đăk Phơi, kơnhoàl Lăk, càr Dak Lak, kờ` dong kờl làng bol sền gàr kơphe tàm kàl tơnhào, pơgồp bal tàm broă gàr niam bơta lơngăp lơngai tàm [òn. Gơnoar atbồ xã neh đơng lam mpồl lơh broă geh gơnoar bơyai lơh sền gròi, kơrian cau kơ`ao kơphe tàm kàl tơnhào.

Bu\ lah suơn kơphe rơlao 1 lồ hìu nhă neh dum uă, mơya bi Triệu Văn Tinh, kis tàm [òn Cao Bằng, xã Dak Phơi, kơnhoàl Lăk kung gam ờ hềt p^c sơl.

Bi Tinh pà g^t, bơta lơngăp lơngai ờ do ờ dă tu\ do neh geh niam ngan, hìu nhă iang nùs kờ` lời kơphe dum mờr jơh hơ\ sồng p^c 1 dơ\ le\. Bè hơ\, ờ roh priă ơpah cau p^c mờ tăc geh priă uă tai:

-Tu\ do neh tus tàm kàl tơnhào, cau kuang àng, kuang bàng xã hơ\ sồng mpồl ơruh pơnu bơh 5 tus 7 nă cau trồ neh nggùl mang lòt sền gàr phan bơna làng bol in, a` iang nùs ngan. Ală cau do lòt sền gròi bè hơ\ den nùs nhơm he kung niam rơlao, ờ hoan ngòt roh phan tai.

Xã Dak Phơi geh rơlao 600 lồ kơphe tam tàm 11 [òn. Kờ` sền gàr phan tam tàm kàl tơnhào, kuang àng xã Dak Phơi sùm tus lam sồr làng bol tơnguh nùs nhơm rơcang ngăc, tơrgùm jơnau yal bơh làng bol. Tàm ală [òn, kuang àng xã kung geh crơng gơs, mpồl sền gàr bơta lơngăp lơngai pơgồp bal mờ làng bol lòt sền gròi kờ` gàr phan geh lơh bơh broă lơh sa suơn sre.

Ồng Lục Văn Việt, Phó kuang atbồ kuang àng xã Dak Phơi pà g^t, kờ` dờp jơnau yal bơh làng bol, điện thoại bơh ală oh mi kuang àng xã pờ măy sùm ngai kung bè mang. Pah mang mpồl cau geh sồr lòt sền gròi 4 nă sùm tus tàm ală [òn kờ` sền gròi, sền gàr. Mờ kuang àng xã sồr ală hìu tăc mờ blơi phan geh lơh bơh broă lơh sa suơn sre tàm [òn k^ jơnau hơ bal ờ blơi tăc kơphe bơh cau kơ`a.

-Kàl p^c kơphe do, mpồl kuang àng xã ai sră nggal yal ală hìu tăc, blơi phan ờ blơi kơphe ris, ờ blơi kơphe cau tăc tu\ trồ mang. Ai ală hìu kă bro hơ bal tàm pang sră xã ai, ală hìu lơi tìs blơi kơphe cau kơ`ao mờ kơphe ris den gơbàn lơh glài.

Tơnguh nùs nhơm lam lài, uă mpồl đoàn viên, ơruh pơnu xã Dak Phơi kung tus pơgồp bal mờ kuang àng xã bal mờ làng bol tus sền gròi, sền gàr phan geh lơh bơh broă lơh sa suơn sre làng bol in. Bi Hoàng Trường Giang, Bí thư đoàn xã Dak Phơi pà g^t, bơh broă tus bal bơh đoàn viên, ơruh pơnu, ală bơta ờ niam tàm mpồl bơtiàn bè kơ`ao phan, tơrgùm `ô ơlăk, bièr, tus bal noăt rơndeh lơs lơh lơnga` [òn lơgar kung neh gơmù ngan.

-Rơcang kàl tơnhào broă lơh sa làng bol dê, den mpồl đoàn viên, ơruh pơnu kung pơgồp bal mờ mpồl sền gàr [òn, kuang àng sùm lòt sền gròi tàm ờ uă tiah geh uă bơta ờ niam. Kờ` làng bol iang nùs bè kàl lơh sa, kuơ màng là kàl p^c kơphe kung bè bơta niam ờ do ờ dă mpồl bơtiàn.

Bơdìh broă lam sồr làng bol tơnguh broă rơcang ngăc, di tu\ yă cau tìs, lơh glài nền nòn ală cau lơi kơ`ao kơphe. UBND xã Dak Phơi gam sồr mpồl kuang àng xã cih măt ală cau tus tàm xã do lơh broă ơpah kờ` [uơn tàm broă sền gròi, ba` lời cau ờ niam tus bal mờ kơ`ao kơphe làng bol. Mờ xã lam sồr ală hìu làng bol ba` p^c kơphe lir lơh gơmù bơta niam, lơh hoàc huơr bè broă lơh sa.

Ồng Y Krang Liêng Hot, Phó Chủ tịch UBND xã Dak Phơi pà g^t, kơnờm mờ lơh niam broă gàr niam bơta lơngăp lơngai ờ do ờ dă tàm mpồl bơtiàn, tơngai do làng bol iang nùs lơh sa mờ ală bơta ờ niam tàm mpồl bơtiàn bè kơ`ao phan neh gơmù ngan.

-Tàm ală nam lài mờng gơbàn roh phan sùm, koh ntê kơphe, p^c kơ`ao plai kơphe gơbàn sùm, nam do neh gơmù ngan bơta do. Bè broă p^c tơnhào lam sồr làng bol pal kơ\p plai kơphe dum den hơ\ sồng p^c, ba` p^c plai kơphe lir lơh gơmù tus mờ khà priă tăc.

Kàl tơnhào kơphe 2018-2019 gam mờr tus. Mờ broă tus bal bơh ală mpồl lơh broă geh gơnoar, bơta lơngăp lơngai chính trị, niam ờ do ờ dă mpồl bơtiàn tàm xã Dak Phơi geh gàr niam, dong kờl làng bol geh 1 kàl tơnhào niam ờ do ờ dă.

Cau mblàng Ndong Brawl