VOV4.K’ho - Drim òr (22/07), Anih tờm gròi sền kòp tê jê să càr Gia Lai yal, càr do geh tai 4 nă cau gơtìp pa mờ kòp Covid-19, tơnguh khà cau gơtìp mờ kòp do tàm dơ̆ do tus 21 nă.

                 Càr Gia Lai lơh jăt nền nòn broă rơwah, tam cah is tàm ală anih gròi sền kòp gơtờp

Tàm hơ̆, 3 nă cau là F1 bơh ală cau kòp càr Kon Tum mờ kơnhoàl Krông Pa, 1 nă cau là công nhân rê bơh càr Bình Dương tus càr Gia Lai, gam tam cah is tàm kơnhoàl Phú Thiện. Ală anih gơtìp kòp gơrềng tus mờ ală cau kòp pa, mìng tàm thị trấn Kbang, mờ ƀòn dờng Pleiku.

Tŭ do, UBND kơnhoàl Kbang, UBND ƀòn dờng Pleiku neh geh jơnau sồr pơn jăt tai ơm ing ală broă kă bro ờ geh kuơ bè karaoke, massage, tàp pràn să jan gal cau, nhơl điện tử, ală dơ̆ bơyai lơh pơrlòng. Ală hìu kă bro ñô sa, dà kơphe pal geh lơh jăt nền nòn kơrnoăt bè rơcang sơndră mờ kòp gơtờp; lơh glài nền nòn ală làng bol ờ pơn chèo tàm tiah mpồl bơtiàn.

Cau mblàng Ndong Brawl