VOV4.K’ho - UBND càr Gia Lai pa geh kơrnoăt tơlik rơndăp broă lơh hìu sơnơm ing sơm kòp Covid-19 sồ 2, tàm bơta kòp covid-19 gơtìp kal ke. Jăt mờ hơ̆, hìu sơnơm ing sơm kòp Covid-19 sồ 2 càr Gia Lai geh lơh tàm hìu bơsram Cao đẳng Gia Lai-tiah 2, ƀòn dờng Pleiku geh bơta dờng bơh 400 tus 800 nơm jơnờng piam kòp.

                   Lơh niam wơl tiah gùt dar nàng ai ngui hìu sơnơm ing sồ 2 tàm ƀòn dờng Pleiku

Cau geh sơm kòp là cau kòp geh cồng nha gŏ mờ virus Sars CoV-2 ờ geh tơngŏ kòp ha là geh tơngŏ di mơ; xét nghiệm, sơm kòp cau kòp Covid-19 mờ bơta di mơ ờ jroă mờ geh bơta kòp lài ring niam mờ ală cau geh gŏ tai mờ kòp. Hìu sơnơm geh 80 nă cau lơh broă mờ 71 bơta phan lơh sơnơm, phan lơh broă mờ sơnơm. UBND càr jào hìu sơnơm ƀòn dờng Pleiku dờp atbồ, đơng lam hìu sơnơm ing  sơm kòp Covid-19 sồ 2 do.

Cau mblàng Ndong Brawl