VOV4.K’ho - Lơh jăt broă rơndăp săp sèng, bơyai lơh wơl mpồl kuang bàng, gah bơto bơtê mờ bơsram càr Gia Lai neh bơyai lơh tơrgùm wơl mờr 60 mpồl hìu bơsram, tơrgùm rơlao 200 ơdu\ kờ` tềm pềr kuang bàng, gàr niam broă bơto mờ bơsram. Mơya, tu\ do geh uă hìu bơsram tơnơ\ mờ tu\ neh tơrgùm bal gam lời bè ờs bơh 4 tus 5 Phó kuang atbồ hìu bơsram, lơh gơbàn hoàc huơr mpồl cau lơh broă, tàm tu\ càr do gam ờ tơl tus 2 rơbô nă cau pơgru bơto.

Tơnơ\ mờ tu\ tơrgùm bal mờ hìu bơsram cấp 1 Lê Văn Tám, hìu bơsram cấp 1 Trần Quốc Toản, tàm xã Ia Yok, kơnhoàl Ia Grai geh 889 nă kơnòm bơsram mờ 33 ơdu\ bơsram. Bu\ lah khà kơnòm bơsram ờ gal, mơya hìu bơsram do geh 1 nă kuang atbồ hìu bơsram mờ tus 5 nă Phó kuang atbồ hìu bơsram. Hơ\ là gam jơnkah tus 3 nă kuang bàng atbồ.

Mò Nguyễn Thị Soa, kuang atbồ hìu bơsram pà g^t, lài do, mò mìng kờ` geh 2 nă Phó kuang atbồ dong broă; 1 nă drơng broă bơto, 1 nă cau ndai drơng broă ală broă lơh ndai, mơya tu\ do pal tam pà ndrờm bal broă bơh 2 nă cau do ai 5 nă cau lơh bal. Jăt kơrnoat bơh gah broă do dê, ală Phó kuang atbồ hìu bơsram do mìng pal bơto 4 tiết bơsram tàm 1 poh, den tàng uă tơngai ru ngan.

-Hìu bơsram lài do geh 2 phó kuang atbồ hìu bơsram. Tơrgùm tai hìu bơsram geh 2 Phó kuang atbồ hìu bơsram tai den tàng tu\ do geh 5 Phó kuang atbồ hìu bơsram. Bè hơ\, drơng broă bơto geh 2 nă. Dùl nă drơng broă tòm, 1 nă drơng broă hìu bơsram ndai. Gơnoar atbồ rơndăp săp sèng bè lơi den hìu bơsram lơh bè hơ\. Jơnau rơndăp săp sèng kuang bàng là bơh gơnoar atbồ dê.

Kung tàm nam bơpsram do, tơnơ\ mờ tu\ tơrgùm bal mờ hìu bơsram cấp 1 Phan Chu Trinh, hìu bơsram cấp 1 Võ Thị Sáu tàm xã Ia Sao, kơnhoàl Ia Grai kung geh tus 4 nă Phó kuang atbồ hìu bơsram. Ồng Đặng Đình Lực, kuang atbồ hìu bơsram pà g^t, broă atbồ tàm do ndrờm bè khàr pa, ơlăk yau, tài ờ geh bơta lơi krơi is jăt mờ lài mờ tu\ tơrgùm bal:

-Lài do, hìu bơsram gơbàn tơrgùm bal geh 2 nă cau pơgru. Tu\ do 2 nă cau pơgru gam drơng broă tàm hìu bơsram Phan Chu Trinh hơ\. Tơngai lơh broă 5 nam, tu\ do gam 2, 3 nam tai den pal pră cau in. Jơnau sồr bơh kơnhoàl ai kờ` tơrgùm bal kung đơs bơta ntrờm di pal bơh tu\ do tus nam 2021. Pal rơndăp săp sèng di pal, ờ gơtùi lời bè hơ\?

Nam bơsram do, gah bơto bơtê mờ bơsram kơnhoàl Ia Grai geh 10 hìu bơsram tơrgùm bal gơs 5 hìu bơsram. Jơh tàm 5 hìu bơsram do, mìng geh 1 nă kuang atbồ hìu bơsram gơbàn tơrgùm bal mù lơh Phó kuang atbồ hìu bơsram, gam tai jơh ală Phó kuang atbồ hìu bơsram lài do ndrờm gam at gơnoar broă bè ờs.

Tơl hìu bơsram tu\ do gam geh bơh 4 tus 5 nă Phó kuang atbồ hìu bơsram, hơ\ là tơl hìu bơsram jơnkah bơh 2 tus 3 nă kuang bàng atbồ. Mờ tu\ do, tàm uă tiah ndai tàm càr Gia Lai kung geh bal bè bơta do. Mìng is, geh hìu bơsram mầm non tơnơ\ mờ tu\ tơrgùm bal bu\ lah mìng geh 10 ơdu\ bơsram, mơya geh tus 4 nă kuang bàng atbồ.

Mblàng bè jơnau nđan lah ờ ntrờm Phó kuang atbồ hìu bơsram jơnkah mù lơh broă bơto bơtê, gàr bè ờs priă dong kờl gơnoar atbồ kờ di pal mờ broă kờ` mhar bơh gah bơto bơtê dê, ồng Dương Mah Tiệp, Chủ tịch UBND kơnhoàl Ia Grai pà g^t, broă lơh bơh dà lơgar geh ai rơndăp săp sèng bơh tu\ do tus nam 2021. Den tàng, kơnhoàl rơndăp săp sèng hìu bơsram lài, kuang bàng tơnơ\:

-Dà lơgar ai 3 nam kờ` rơndăp săp sèng den tàm 3 nam hơ\ pal dờp bơta jơnkah. Tơnơ\ 3 nam hơ\ den bol a` geh rơndăp wơl. Tơnơ\ 3 nam tai, di lah ờ geh jơnau kơ\p kờ`, ờ geh broă lơi den bol a` geh rơndăp di mờ Nghị quyết sồ 19 bơh Đảng dà lơgar dê.

Ồng Phạm Văn Căn, kuang atbồ văn phòng Sở Giáo dục mờ Đào tạo càr Gia Lai đơs là, broă ală kơnhoàl, thị xã, [òn dờng gàr bè ờs kuang bàng atbồ jơnkah, ờ rơndăp ală cau do tàm broă bơto là ờ di jăt mờ kơrnoăt bơh Bộ Giáo dục mờ Đào tạo dê mờ jăt Nghị quyết sồ 19 bơh Đảng dà lơgar ngai 25 nhai 10 bè “Pơn jăt tai tam gơl pa broă bơyai lơh, atbồ, tơnguh uă bơta niam mờ cồng nha broă lơh bơh ală mpồl lơh broă dà lơgar” bơh mpồl đơng lam Đảng dà lơgar dê.

-Hìu bơsram khà 2 di gơlan geh 2 nă Phó kuang atbồ hìu bơsram, hìu bơsram khà 3 mìng geh 1 nă Phó kuang atbồ hìu bơsram. Ndrờm jăt mờ kơrnoăt lơm, ờ gơtùi lơh ờ di. Gùng dà bơh Đảng mờ Dà lơgar là di lah jơnkah kuang bàng atbồ den pal mù lơh pơgru.

Tàm broă tơrgùm hìu bơsram, tơrgùm ơdu\ bơsram, ntrờn cau pơgru; Sở Nội vụ ai biên chế gah lơh broă ndai tus ai gah bơto bơtê in den ală kơnhoàl ờ gơtùi lơh lơyài. Jơnkah Phó kuang atbồ hìu bơsram den pal ndrờm mù ,ơh pơgru bơto.

Tàm tu\ càr do gam ờ tơl mờr 2 rơbô nă cau pơgru jăt mờ khà bơh Bộ Giáo dục mờ Đào tạo ai, pa do UBND càr Gia Lai ai rơwah tai 745 biên chế, mờ mìng ai ờ uă gah broă ntrờm 1 khà biên chế ai gah bơto bơtê in. Bè hơ\, nđan lah ală Phó kuang atbồ hìu bơsram jơnkah tơnơ\ mờ tu\ tơrgùm hìu bơsram ờ geh ntrờn lơh broă bơto, kờ` bơnah lơi tơmù kal ke ờ tơl cau pơgru tàm càr do?

Cau mblàng Ndong Brawl