VOV4.K’ho - Chồl guh bơhìan Cau ling wa Hồ, cau ling yau ồng Nho ( Y Blăm Niê), cau Rơđê kis tàm [òn Klat C, xã Ea Drông, thị xã Buôn Hồ, càr Dak Lak neh sơrlèt ala\ kal ke, bơtàu tơngguh lơh sa hìu nha\. Ồng gam nhap nhar tus bal ua\ ngan srơh broa\ lơh pơrlòng kờ` gơboh dà lơgar tàm [òn lơgar, ai is ù nàng lơh hìu chài rgơi [òn.

            Muh mat sền niam, ồng Nho chờ hờp yal,  nam 1979, tơnơ\ rê ling, ồng attê  mut lơh sa bơtàu tơngguh  phan bơna mờ rwah kơphe lơh chi tam tờm ngan. Tu\ sươn kơphe neh kra,  plai ờ gam ua\ tai, ồng khin cha tam gơl dùl bơnah ba\ ù gơs tam tiêu, mờ geh ngui khoa học kỹ thuật. Tu\ do,  hìu nha\ ồng geh rlau  2 rbô jrong tơnhàu tiêu mờ 1 lồ 6 sào ù tam kơphe  gam ai tơnhàu. Ồng gam tam bal ala\ bơta chi  sa plai bè sầu riêng, bơ, pơnat tàm suơn kơphe. Tàm broa\ tam, ồng Nho neh bơkiar gơ tùi niam sơntìl bơ Hass mờ geh bơtờp is sơntìl tiêu.  Ờ mìng khin sơnơng, khin lơh, khin cha bơcri ngui khoa học kỹ thuật tàm lơh sa, pah nam hìu nha\ ồng Nho geh pria\ git nđờ rhiang tơlak pria\:

            Hìu nha\ a` geh 1 lồ 6 sào ù kơphe,  bal mờ hơ\ a` gam tam tai tiêu,  tam bơrlu\ bal  ala\ bơta chi tam sa plai bè sầu riêng, bơ, pơnat, mãng cầu… A` kung ròng tai kơnrồ,  ròng di 200 nơm iar pah nam… tac geh tai pria\ jền. Kơphe kra den a` geh rồ mờ tam pa. Pah nam pria\ geh kờp bal bơh hìu nha\ di pơgap 300 tơlak pria\.

            Ờ mìng lơh sa  jak, mờ la cau atbồ Mpồl  cau ling yau [òn Klat C, ồng Nho sùm bơtàu tơngguh kơnòl tus mờ mpồl bơtìan, lam lài tàm ala\ broa\ lơh [òn lơgar. Kơnờm geh lơh niam broa\ lam sồr den tàng [òn Klat C mờ 100% làng bol cau jat yàng, bơta ngap lơngai gùng dra\ bal tàm [òn sùm niam. Ồng Nho boh bơr, rềp mềr mờ làng bol ờ mìng ơm kis pah ngai, mờ ala\ bùi  pơrjum [òn, tàm ala\ ngai `ô sa dờng,  jun bau,  hìu geh cau chơt… la tu\   di ngan nàng geh bơto pơlam làng bol. Geh làng bol pin dờ` mờ kờ` ngan la bơta tờm ngan nàng ồng sùm lơh ngan lơh gơs broa\ jàu:

            A` sùm geh jơnau đơs,  geh lơh bal mờ ala\ gah, sơnah lơh broa\ geh bơto bơtê làng bol ba` iat jat cau ờ niam pơn jồ, bơto bơtê làng bol iang nùs lơh broa\ sa, bơtàu tơngguh lơh sa hìu nha\... Lam sồr  ala\ cau tàm mpồl cau ling yau pal la cau lam lài nàng làng bol in đòm jat.

            Mờ broa\ lơh jơh nùs, jơh kơnòl,  bơr đơs bal mờ broa\ lơh, ồng Nho sùm geh làng bol sền la cau lam lài, cau àng sơdah ngan bơh [òn lơgar. Bèp Păn,  làng bol cau tàm [òn Klat C pơn ỳơ sa\ đơs:

            Ồng Nho la cau dong kờl,  bơto bơtê bol a`. Ồng lơh ngan lam sồr làng bol geh ta\ ala\ khà pria\  kờ` bơt bơtàu [òn lơgar pa. Ồng bơto bơtê bol a` geh ù tiah den geh tam bơrlu\ bal ala\ bơta chi tam nàng geh tai pria\ jền mờ pal tơryang lơh broa\.  Làng bol cau lơi kung jờng ồng la cau niam mờ đòm jat.

            Cau ling yau ồng Nho gam la cau lam lài ngan tàm broa\ ai is ù lơh ala\ broa\ lơh bal  drơng [òn lơgar. Nam 1999, ồng Nho neh ai is ù mờr 5 chuờng  ù kơphe nàng dà lơgar  geh dong kờl lơh hìu chài rgơi [òn Klat C. Nam 2004, tu\ hìu bơsram kấp một Trần Quốc Tiản geh lơh tàm [òn Klat C, ồng neh  dus is rlau 100 jrong tơnhàu tiêu hìu nha\,  ai ù mờ  pờ ơnàng gùng mờ sa\ tờm geh lam sồr 2 hìu rềp bal ai ù nàng lơh gùng gơ ơnàng niam. Ala\ ta\ pơ gồp bơh ồng dê la  bơta pràn ngan  pơ gồp bal ai làng bol in  at tê bal dùl nùs  bơt bơtàu [òn lơgar pa.

            Ồng Nguyễn Văn Công –Chủ tịch Mpồl cau ling yau xã Ea Drông, đơs bè ồng Nho bè do:

            Pơnrơ ngan tàm ala\ srơh bơt bơtàu [òn lơgar pa geh ua\ ngan chi hội, tàm hơ\ go\ ngan  geh ồng Y Blăm- Cau atbồ mpồl cau ling yau [òn Klat C, la dùl tàm  kuang bàng nhap nhar lơh broa\, geh ala\ broa\ lơh ngan ngồn, dùl na\ cau pơnrơ, dùl na\ cau lam lài mờ bol a` geh mblàng  pơlam cau tàm mpồl mờ lam lơh tàm gùt xã,  jờng cau niam broa\ niam.

            Mờ ala\ ta\ pơ gồp tàm broa\ lơh bơt bơtàu [òn lơgar pa mờ srơh broa\ lơh gùt làng bol bơt bơtàu rài kis ngac ngar jak chài tàm [òn ơm  kis, ồng Nho neh pơnỳơ sa\ ngan dờp geh ua\ ngan  bằng khen bơh ala\ gah, sơnah lơh broa\. Ồng la dùl na\ cau àng sơdah  ngan cau Rơđê,  la bơta pơnỳơ sa\ ngan bơh làng bol [òn Klat C.

            Cau mblàng K’ Brọp