VOV4.K’ho - Brồ guh ơnà jak bơh Cau ling wa Hồ tàm rài ngap lơngai, mờ ơnà trơyang trơ yồng lơh broa\, sơrlèt gan kal ke bơtàu tơngguh lơh sa, cau ling yau Lê Sỹ Hòa, Chủ tịch Mpồl cau ling yau xã Dak Nia, thị xã Gia Nghĩa, càr Dak Nông gam lam sồr làng bol ai ù, lơh gùng lòt tàm [òn,  pơ gồp bal  kuơ màng tàm bơt bơtàu [òn lơgar pa.

                Nam 1996, cau ling yau Lê Sỹ Hòa, [òn tờm hờ kơnhòal Tĩnh Gia, càr Thanh Hóa neh bal mờ hìu nha\ mut tus kis tàm xã Dak Nia nàng ơm kis lơh broa\ sa. Bulah mìng mờ 2 mpàng tê soh, mơya kơnờm geh lòt ling, ồng neh bal mờ làng bol tàm do ngui ù tiah nđiơm gơs neh lơh ngan lơh sa, pơrlòng lơh sa, bơtàu tơngguh broa\ lơh sa. Kung bơh tềng do, ồng geh tơl cau pin dờ`, pồ lơh Chủ tịch Mpồl cau ling yau xã Dak Nia bơh ua\ nam do.

                Nam 2011, bơh tu\ geh broa\ lơh gùt làng bol bơt bơtàu [òn lơgar pa, mờ kơnòl mờ ơnà sa\ la cau ling wa Hồ, ồng Lê Sỹ Hòa neh lam sồr  ala\ cau ling yau tàm mpồl tơl cau geh ta\ pơ gồp pràn sa\, ngai lơh broa\ nàng geh lơh niam wơl phan geh is bơh xã dê. Nền nòn, mpồl neh lơh 9 gùng lòt tàm ala\ [òn, ta\ pơ gồp rlau 500 tơlak pria\ mờ ai is rlau 3 sào ù nàng lơh 15 kơi sồ gùng lòt tàm ala\ [òn tàm gùt xã. Bơh tu\ geh gùng pa, rài kis bơh làng bol geh ua\ ngan tam gơl. Ồng Phạm Văn Lượng kis tàm [òn Nam đà, xã Dak Nia ai git:

                Lơh gùng [òn lơgar pa geh ua\ ngan bơta bươn bòai làng bol in, lam sồr làng bol ai ù, ai chi nàng bal mờ dà lơgar lơh gùng lòt. {òn Nam Dạ geh 3 gùng lòt mờ gơ cèng kuơ ngan tus mờ làng bol,  ngai mìu càl lòt rê bươn bòai, dơ\ 2 la  phan lơh geh pơndiang bươn bòai.

Cau ling yau Lê Sỹ Hòa (đah mat  rùp) bal mờ cau tàm mpồl ling tềng gùng bơt bơtàu [òn lơgar pa

                Mờ la cau lơh chủ tịch mpồl  cau ling yau xã Dak Nia, ồng Lê Sỹ Hòa sùm lơh niam tơl ala\ broa\ lơh bơh cau hơđang jàu. Bla mờ hơ\,  ồng sùm  lam sồr, dong kờl di pal mo  mờ ala\ oh mi tàm mpồl gam ua\ ngan kal ke. Bơh nam 2011, cau tàm mpồl geh rài kis kal ke geh tus 20%, mơya  tus tu\ do ờ gam cau rbah tai. Kung tơnơ\ mờ 5 nam, khà cau tàm mpồl cau ling yau bơh xã neh gơguh bơh 120 tus 190 na\ cau cau, mờ kes pria\  ‘’tài cau tàm mpồl bal’’ rlau 600 tơlak pri geh dong ala\ cau tàm mpồl càn pria\ nàng bơtàu tơngguh lơh sa hìu nha\. La hìu nha\ lik klàs rbah kơnờm geh bơta dong kờl bơh oh mi tàm mpồl bal, ồng Bùi Xuân Thanh kis tàm [òn Đồng Tiến, xã Dak Nia boh bơr:

                Ồng Lê Sỹ Hòa lơh broa\ jơh nùs ngan mờ broa\ mpồl dê,  nhap nhar ngan tàm broa\ lơh mờ sùm lam sồr oh mi lơh bè lơi nàng lơh ngan lơh gơs broa\ jàu. Bơh tu\ geh dong kờl, lơh sa hìu nha\ niam, lơh geh hìu pa, blơi rơndeh, ala\ oh kòn lòt bơsram niam gơ lòng sồr, lơh sa bơtàu tơngguh niam.

                Sa\ tờm bơh cau ling yau Lê Sỹ  Hòa sùm geh broa\ lơh:  La cau ling wa Hồ tu\ rê kis bè ờs, kờ` pal tơngguh bơta lơh ngan sa\ tờm is, tus bal bơtàu tơngguh lơh sa, sùm tàp sa\ ja`, sùm kờ` bal cau tàm mpồl oh mi, kis bal hia\, gơ rờm bal mờ tơl cau.

                Bơh geh bơsram git chỉ thị sồ 3 bơh Bộ chính trị, bơh tềng bơsram den bol a` geh dờp git la, la cau ling wa Hồ tu\ geh rê kis wơl mờ rài kis bè  ờs den kờ` ngan tus bal bơtàu tơngguh lơh sa,  mơ kung lơh jat nùs nhơm bồ tơngoh Bác Hồ la sùm lơh jat, la phan lam gùng tus tơl broa\ lơh, bol a` go\ la pal bơsram mờ lơh jat Bác Hồ, song dơpa\, mơ kung lơh ngan bơsram mờ  bơsram tàp sa\ mờ lơh broa\ lơh sa.

                Bơdĩh mờ sra\ jờng  ua\ bơh Mpồl cau ling yau ala\ kơna\, tàm ala\ nam do, pa do, nam 2016, cau ling yau Lê Sỹ Hòa chờ ngan geh dờp sra\ jờng bơh Thủ tướng Chính phủ bè ơnà jak pơnrơ ngan tàm broa\ bơsram mờ lơh jat ơnà jak bơh Bác Hồ dê.

                             Cau cih mờ yal tơnggit K’ Brọp