VOV4.K’ho - Kra [òn ồng Nhất (65 sơnam), kòn cau Rơđê, kis tàm [òn Klat, xã Ea Drông, thị xã Buôn Hồ, càr Dak Lak, sùm ua\ nam do nhap nhar  tàm broa\ mblàng pơlam, lam sồr làng bol chồl guh  tam klac, tơmù rbah, lam lài tàm broa\ bơt bơtàu [òn lơgar pa.

            Mờ 100% khà kờp làng bol la cau kòn cau, lài do [òn Klat A la dùl tàm ala\ [òn rbah, kal ke ngan rlau jơh tàm xã Ea Drông, thị xã Buôn Hồ, càr Dak Lak. Geh dà lơgar bơcri dong kờl, làng bol lơh ngan lơh broa\ sa, khin cha tam gơl  chi tam, phan ròng, rài kis broa\ lơh sa [òn Klat A slơ ngai slơ bơtàu tơngguh. Tàm bơta bơtàu tơngguh hơ\,  kơnờ ngan geh bơta dà kơlhề ua\ ngan bơh ồng Nhất, cau sùm  lam lài jơh nùs tài mpồl bơtìan.

            Nam 2011, ồng Nhất neh cri bơyai  mờ hìu nha\, ai is 4 chường ù rhàng,  lơh kloh jơh ala\ phan tàm ù  mờ ờ kờ` dà lơgar tơm, nàng lơh Hìu [òn. Mờ bơta kơp kờ` sền gàr mbòr dà bơhìan, ồng neh tus tơl hìu  mblàng pơlam  làng bol tơl cau ta\ pơgồp pria\, ngai lơh broa\ nàng lơh gùng mù tus hờ mbòr dà. Làng bol  ta\ dùl den ồng ta\ jơt, ồng la cau lam lài nàng làng bol lơh jat. Bè hơ\, bal mờ bơta dong kờl bơh dà lơgar, gùng lơh mờ bê tông jòng 300 thơt  mùt tus hờ dà mbòr neh  mhar lơh gơs. Ồng Nhất boh bơr:

             Tàm broa\ bơt bơtàu [òn lơgar pa, a`  gah lam sôr làng bol geh ta\ pơ gồp  ngai lơh broa\  nàng lơh gùng [òn lơgar pa, a` geh blơi dà làng bol in hùc mờ drơng sa ngai nàng tơl cau geh pràn lơh gùng.  Tu\ lơh gùng mù tus hờ mbor dà, a` neh  pơrjum hìu nha\  ta\ pria\ nàng lơh.

             La cau kra [òn, mìng is tàm nam do, mờ bơnga\, kơnòl mờ bơta git wa\ he dê, ồng Nhất neh cah r`a chài rlau 20 dơ\ gơbàn tam gơ jra` tàm [òn mờ [òn rềp bal. Lơh broa\  jơh nùs, ồng gam nhap nhar lơh broa\, bơtàu tơngguh lơh sa hìu nha\, git ngui bơta jak chài khoa học kỹ thuật tàm lơh sa, geh pria\  rhiang tơlak tàm dùl nam:

             A` sùm geh tơng kah tơl cau, pal lơh broa\ hơ\ sồng geh phan sa phan soh. Hìu nha\ a` geh rlau 10 lồ kơphe, tam  bơrlu\ bal mờr 700  tờm sầu riêng mờ ala\ bơta chi tam  sa plai ndai. A`  dong ai geh broa\ lơh  ai 5 na\  cau ndai bal mờ hìu nha\ dong kờl broa\ lơh.

            Đơs bè  ồng Nhất,  cau atbồ [òn Klat A, ồng bèp Yui pơnyờ sa\ ngan:

             Ồng Nhất la dùl na\ cau lam lài ngan, dùl na\ cau geh bơnga\ geh làng bol pin dờ`,  kờ` gơboh mờ ồng kung kờ` tơl cau mờ sùm la cau lam lài tàm  tơl ala\ broa\ lơh bơh Đảng mờ Dà lơgar. La cau lam lài tàm lơh sa. Ồng sùm la cau  cah r`a chài ngan ai tơl cau in tàm [òn mờ ala\ [òn ndai.

             Ồng Y Mit  Niê, Phó Chủ tịch xã Ea Drông  ai git,  broa\ lơh bơh ồng Nhất  neh nhap nhar mblàng pơlam làng bol lơh jat niam ala\ gùng dà broa\ lơh bơh Đảng, chính sách  adat boh lam bơh Dà lơgar, neh  pơgồp dong làng bol ala\ kòn cau tàm [òn lơgar tam klac  bơt bơtàu rài kis chài rgơi,  bơt bơtàu [òn lơgar pa slơ ngai slơ  pas pràn:

             Ồng Nhất sùm la cau lam lài tàm tơl ala\ broa\. Ồng ai is ù lơh hìu [òn, ta\ pria\ nàng lơh  dà mbòr [òn in. Ồng la cau lam bồ lài pơlam làng bol [òn Klat A lơh gơs broa\ lơh bơt bơtàu [òn lơgar pa.

             Bơh ala\ ta\ pơ gồp  mờ [òn lơgar mờ làng bol tàm [òn, ồng Nhất  neh ua\ dơ\ ngan geh UBND càr Dak Lak, Ban dân tộc càr mờ ala\ gah  sơnah lơh broa\ jờng. Tàm broa\ lơh bơt bơtàu [òn lơgar pa xã Ea Drông đơs is  kung bè  [òn lơgar  geh gal làng bol kòn cau đơs bal,  kờ` ngan geh ala\ cau  jak chài lam lài  bè ồng Nhất.

            Cau mblàng K’ Brọp