VOV4.K’ho - Ồng Y Soắt Êban, mat mờng hòi la Aê Vui, den nam 1950, kòn cau Rơđê, la kra [òn [òn Puôr, xã Hòa Đông, kơnhòal Krông Pach, càr Daklak la cau lam lài jak ngan, pơnrơ ngan tàm  broa\ lam sồr làng bol geh bơt bơtàu tam klac, bơtàu tơngguh lơh sa. Bơnga\ bơh ồng dê neh gơ rề làm ala\ [òn làng bol tàm kơnhòal, tàm càr Daklak.

Nam 1991, tu\ rơp  rlau 40 sơnam, Aê Vui neh geh làng bol tàm [òn pin dờ` rwah la cau kra [òn bơh [òn Puôr. Tu\ hơ\,  ồng gam lơh broa\ la kuang àng xã Hòa Đông, mơ kung la  cau atbồ [òn Puôr. Mơ kơnòl  broa\ lơh he dê, jơh nùs ngan tàm broa\ lơh he dê tus mờ [òn lơgar, mờ geh wa\ ngan bơhìan chài rgơi, Aê Vui gam geh pin dờ` pồ lơh Phó chủ tịch Ủy ban mặt trận dà lơgar Việt Nam xã Hòa Đông mờ geh tus bal tàm gah hội thẩm bơh Hìu cah r`a làng bol kơnhòal Krông Pach tàm sùm ua\ nam.

Rlau 25 nam la cau kra [òn [òn Puôr, Aê Vui ờ mìng la cau lam lài jak ngan  drơng gàr bơtàu tơngguh lơh sa hìu nha\ mờ gam  la dùl tàm ala\ cau kra [òn pơnrơ ngan   bơh kơnhòal Krông Pach mờ ua\ ngan ta\ pơ gồp niam tàm broa\ lơh  bơt bơtàu tam klac gùt làng bol. Ồng Aê Vui đơs:

Nam 1991 a` sơnđờm lơh la cau kra [òn,  mờ sùm geh bơsong ala\ bơta ờ ring bal bơh tơl cau tàm [òn. A` go\ tơl cau pin dờ`, kờ` mờ sùm iat jat ala\ bơta a` lam sồr. Khi đơs a` pal song dơpa\, pal  di gùng di dà…

 Tàm ala\ nam 2000,  tàm tu\ làng bil ờ ua\ [òn gùt dar gơbàn bol cau ờ niam hòai jà, pơn jồ lơh tung lơtang tàm [òn lơgar den mìng is [òn Puôr bơh ồng  Aê Vui gam  ngai lơ ngò ờ do ờ da\, gam lơh broa\ lơh sa bè ờs, ờ geh  cau lơi pin dờ` cau ờ niam. Ờ  kờ` làng bol kòn cau he gơbàn pơr lồm, ồng Aê Vui neh bal mờ cau geh bơnga\ tàm  tiah do, lòt tus tơl hìu,  đơs nàng khi in wa\ loh bè bơta jòi kai,  broa\ lơh bơh ala\ cau ờ niam kung bè bơta gơbàn aniai bơh broa\ dô tìs gan nhàr lơgar. Mờ ồng,  rềp làng bol,  dong làng bol geh rài kis hờm ram, pơ gồp bal nàng [òn lơgar ngai lơngò ờ mìng la kơnòl bơh dùl na\ kra [òn, mờ gam  la bơta chờ bơh cau  sơnam neh kra. Ngui bal mờ adat bơhìan mờ adat boh lam kờ` [òn làng bol geh rài kis hờm ram, chờ hờp, hơ\ la bơta kơp kờ` bơh ồng Aê Vui dê:

A` sùm geh bơto  bơtê ai tus ala\ ơruh pơnu,  ùr bơklau tàm [òn  bè broa\ pal kis pah ngai la ba` `ô ơlak, ba` lơh tung lơtang, ba` tam lơh… A` kờ` gơboh tơl cau tàm [òn mờ lơh ngan lơh bria\ lơh nùs nhơm, jơh pràn. A` ngòt ngan tu\ a` kra bloh, ờ geh cau lơi ơla a` dong làng bol tàm [òn, tài ờ gam geh ua\ cau tàm [òn wa\ adat  bơhìan  yau tai. A` kơp kờ` tơl cau tàm [òn sùm kis di adat boh lam bơh dà lơgar mờ sùm tam klac nàng lơh gơs, lơh jak ngan  tơl broa\ lơh.

Mờ nùs nhơm kờ` gơboh mờ git wa\ ngan, ồng Aê Vui sùm dờp geh bơta  kờ` gơboh, pin dờ`, sền ngềr bơh làng bol tàm [òn. Bèp Nhoa, dùl na\ cau làng bol kis tàm [òn Puôr ai git:

Ồng kra [òn Aê Vui sùm pơ gồp ngan tàm tơl ala\ broa\ dờng dềt bơh [òn. Ồng la cau git pal bơsong ala\ bơta ờ ring bơh tơl cau tàm [òn mờ adat bơhìan cau Rơđê mờ adat boh lam bơh dà lơgar. Den tàng ngan, tơl cau tàm [òn drờm sền kuơ ồng Aê Vui.

Mờ bèp Phố, atbồ [òn Puôr, xã Hòa Đông, kơnhòal Krông Pach boh bơr:

Ồng Aê Vui kis tơl broa\ drờm lam lài mờ bơto bơtê tơl cau tàm [òn kis niam. Ồng sùm git rơndap tu\ tơngai, broa\ lơh kờ` dong kờl làng bol tàm [òn. Geh bơto bơtê tơl cau tàm [òn kis di adat boh lam bơh dà lơgar. Ồng la dùl na\ cau jak ngan nàng bol a` đòm jat.

{òn Puôr, xã Hòa Đông, kơnhòal Krông Pach, càr Daklak geh rlau 180 hìu nha\ làng bol mờ rlau 1 rbô na\ cau, drờm la cau kòn cau Rơđê lơm. Do la [òn lam lài bơh kơnhòal tàm srơh bơt bơtàu [òn lơgar pa, sền gàr ngap lơngai, ờ do ờ da\, bơtàu tơngguh lơh sa mpồl bơtìan, chồl guh  bơhìan yau chài rgơi niam bơne kòn cau. Bơnga\ bơh ồng Aê Vui neh gơ rề tàm làm  ala\ [òn bơh kơnhòal, càr dê, pơ gồp bal lơh geh tam klac gùt làng bol. Ồng neh  ua\ dơ\ geh Ủy ban nhân dân càr Daklak, Ban dân tộc càr mờ ala\ kơna\ jờng tài ala\ cồng nha jak ngan tàm broa\ lơh mpồl bơtìan, la cau geh bơnga\  pơnrơ ngan tàm làng bol kòn cau. Ala\ cau bè ồng Aê Vui ờ mìng la rbàng tơrbo\ bơh Đảng, Dà lơgar tus mờ làng bol, mờ gam la ala\ cau sền gàr huềng sòan, gàr ồs bơh [òn lơgar Tây Nguyên.

                             Cau cih mờ yal tơnggit K’ Brọp