VOV4.K’ho - Tàm poh lài, pơrjum dơ\ 6, cri bơyai bè broă tơnguh bơtàu lơh sa mpồl bơtiàn nam 2018, uă kuang bàng Quốc hội neh sền wơl “Pang rùp niam” bơh broă lơh sa tu\ đơs niam ală cồng nha tàm broă tă bơcri priă pơgồp bal mờ broă gàr kơl jăp niam ờ do ờ dă dồs dà lơgar. Gah lơh sa suơn sre neh geh wơl khà gơguh lơh sa rơlao 3% pah nam, pơgồp dờng màng ngan tus broă tăc phan mờ lơgar bơdìh, broă lơh bal mờ rài kis lơh broă sa mpồl bơtiàn, broă bơ\t bơtàu wơl broă lơh sa di gùng…

Ală jơnau cri bơyai tàm mpồl bè rơndăp broă tơnguh bơtàu lơh sa mpồl bơtiàn geh jơnau đơs, khà gơguh lơh sa nam 2016 tus 2018 geh uă rơlao mờ tơngai bơh nam 2010 tus nam 2015. Mờ cồng nha neh lơh geh bơh nam 2018, broă lơh sa dà lơgar tàm ală gah broă lơh sa, bơta chài rơgơi, mpồl bơtiàn, tiah kis, sền gàr bơta lơngăp lơngai dà lơgar, lơh broă bal mờ lơgar ndai tàm 3 nam bơh nam 2016 tus 2018 tơnguh bơtàu di mờ gùng dà broă lơh geh ai, broă lơh sa dờng gơguh 1,3 dơ\, GDP tơl nă cau gơguh 440 đôlar Mỹ pơn drờm mờ bồ tơngai lơh broă; rài kis làng bolo geh tơnguh sùm.

Tàm tơngu me hơ\ pà go\ geh uă bơta niam kờ` lơh geh ală khà rơndăp broă 5 nam bơh nam 2016 tus 2020, tàm hơ\ tus nam do neh geh 11 khà broă geh mờ sơlèt mờ khà geh ai. Mơya, geh ờ uă jơnau đơs, Chính phủ pal pơn jăt tai tơrgùm đơng lam kờ` bơsong ală kal ke tus mờ broă lơh sa kă bro, bơ\t bơtàu wơl broă lơh sa, gàr niam broă gơguh lơh sa kơl jăp. Kuang bàng Lại Xuân Môn, mpồl kuang bàng càr Cao Bằng đơs loh:

-Bu\ lah neh koh tơmù uă ală sră nggal, a` dan geh pơn jăt tai pal koh tơmù rơlao tai. Tơmù sră nggal là bơta pràn ai broă tơnguh bơtàu, càr, [òn dờng gam uă sră nggal lơh kal ke. Broă tai là pal tam cah is pràn ai càr, [òn dờng in, pơgồp bal mờ Nghị quyết dà lơgar 6, dà lơgar 7 bè broă rơndăp săp sèng wơl mpồl kuang bàng lơh broă, bè broă kuang bàng. Tu\ do pal geh ai kơnòl cau lam bồ in.

Jăt kuang bàng Tô Văn Tám, mpồl kuang bàng càr Kon Tum yal, 12 khà broă ndrờm geh neh pà go\ broă lơh sa nam 2018 niam, uă khà broă sơlèt uă, bè tăc phan mờ lơgar bơdìh jăt rơndăp broă geh ai bơh 7 tus 8% mơya neh geh 11,2%. Đơs niam broă lơh ngan bơh Chính phủ. Mơya, kuang bàng Tô Văn Tám đơs là:

-Khà broă là khà mpồl phan geh lơh gơs tàm tơngai mờ priă geh bơh mpồl tơngai lơh tàm bơta phan. Jơh 2 bơta do pal geh mblàng uă tai. Uă tam gơl pa, ngui khoa học công nghệ niam mơya ngui khoa học công nghệ cao den ờ hềt geh. Geh uă khà broă lơh uă tàm pơrlòng dunia mờ dơ\ pơrlòng broă lơh mpồl ASEAN mơya ờ hềt lơh gơs mpồl gal cau lơh broă jăk. Do là bơta ờ pràn mờ pal geh mblàng tai.

Đơs tàm dơ\ cri bơyai, Thủ tướng Nguyễn Xuân Phúc neh đơs niam broă Quốc hội cri bơyai bè broă tă bơcri kes priă Dà lơgar. Mờ ồng Nguyễn Xuân Phúc đơs tòm nùs nhơm kơlôi sơnơng, gàr ndrờm bal, tàm hơ\ geh bal dồs dà lơgar. Di lah lòt càn lềng làng ai broă bơcri priă tơnguh bơtàu di gơlan lơh gơbàn uă bơta ờ niam.

Bơh broă kơnờm mờ làng bol, bơsong ală kal ke mờ làng bol gam gơbàn, ồng Nguyễn Xuân Phúc kơ\p kờ` mpồl kuang bàng lơh broă Dà lơgar, kuang bàng pal lơh bè lơi jơh gùt lơgar 100 tơlăk nă làng bol pal geh 1 nùs nhơm kơlôi sơnơng lơh ngan kờ` tam gơl pràn.

Chính phủ geh lơh ngan iăt ală jơnau pơgồp bal bơh kuang bàng Quốc hội, cau te\ khà gùt lơgar kờ` bơta niam broă lơh nam 2019 niam rơlao, kờ` làng bol go\ Quốc hội, Chính phủ mùl màl drơng broă làng bol in.

Tàm tu\ hơ\, Phó Thủ tướng Vương Đình Huệ den đơs là, bơdìh mờ ală cồng nha den ală broă lơh gam ờ pràn bơh broă lơh sa geh ai tơl^k di pal mờ mùl màl dà lơgar dê, ai geh nùs nhơm g^t wă bal mờ broă lơh bal bơh mpồl kuang bàng lơh broă Dà lơgar, mpồl lơh sa kă bro mờ gùt mpồl bơtiàn tàm tơngai pơn jăt tai.

Ồng Vương Đình Huệ pà g^t, Chính phủ neh lơh ngan kờ` tơmù khà gơguh bơh dồs dà lơgar. Mblàng bè lơi mờ khà gơguh lơh sa tu\ do, mơya Chính phủ yal mờ Quốc hội khà gơguh lơh sa bơh 6,6%, ồng Vương Đình Huệ đơs:

-Tàm bơta bè tu\ do, he pal kơlôi sơnơng nền nòn ngan, ờ hềt g^t ală broă lơi gơbàn tàm tơngai tus, tàm hơ\ uă ngan là tàm nam do. Uă jơnau đơs kal ke bè broă kă bro bơh lơgar Mỹ mờ lơgar Lo geh bơh broă ờ mìng tài broă kă bro, geh bal mờ hơ\ là khà tăc phan mờ lơgar bơdìh he dê kung kơlôi sơnơng nền nòn ngan, tài do là ală broă lơh dờng di lah he ai khà uă den ờ lơh geh tus tài ală broă ndrờm gơrềng tus mờ broă lơh ndrờm bal dờng màng bơh broă lơh sa tàm lơgar dê.

Bè tă dia Dà lơgar, di gơlan jơh gùt nam do tă dia dà lơgar geh sơlèt 5% khà rơndăp broă geh ai. Tus nam tơnơ\, Chính phủ geh dan mờ Quốc hội lơh wơl măt sơnđan anih lơh sa kă bro dà lơgar. Chính phủ geh kơlôi sơnơng wơl rơndăp broă tă, bơcri, bơta ndai tai geh lơh nền nòn rơlao ală broă tam dră mờ ờ geh tă, tàm hơ\ uă ngan tàm tiah lơh sa bơdìh mờ dà lơgar.

Cau mblàng Ndong Brawl