VOV4.K’ho-Tơnơ\ mờr 8 nam lơh jat broă lơh tă tơm priă drơng broă sền gàr brê tàm kơnhoàl Tu Mơ Rông, càr Kon Tum, broă lơh atbồ, sền gàr mờ bơtàu tơnguh brê tàm kơnhoàl do neh geh uă bơta gơ tam gơl niam ngan.

Ală mpồl cau, cau dùl nă să is dờp bă brê jàu ndrờm tơnguh uă geh jơnau gi\t wa\ sền gàr brê, mờr jơ\t rbô lồ brê geh sền gàr niam ngan, khà chi che geh tàm broă gơguh tai jat pah nam. Bơh priă tă tơm, cau tờm brê, cau dờp bă brê jàu sền gàr brê geh tai priă jền, bơtàu tơnguh rài kis mờ rài kis ngai sơlơ niam rlau tai uă ngan.

            Tu Mơ Rông là dùl tàm ală xã geh uă bă brê geh tă tơm priă drơng broă sền gàr brê uă ngan rlau jơh tàm kơnhoàl Tu Mơ Rông, càr Kon Tum dê bal mờ rlau 1.200 lồ brê. Kờp jơh priă drơng broă sền gàr brê ai bă brê do in là mờr 800 tơlak pah nam.

Bi A Hét, cau Sơdàng ơm tàm [òn Tu Cấp, xã Tu Mơ Rông pà gi\t, broă lơh tă tơm priă sền gàr brê dong cau dờp sền gàr brê geh rài kis kơ\ kơl jăp rlau. Broă geh priă sùm bơh brê kung lơh làng bol geh kơnòl mờ rơcang lài rlau tàm broă sền gàr brê, bơta brê ngai sơlơ geh tơnguh uă rlau.

Priă tă tơm drơng broă sền gàr brê den lài ngan là làng bol ngui nàng blơi boh, [òk ngòk, dà màn, blơi phe sa nàng ngui sa tàm rài kis, dơ\ 2 là làng bol tă pơgồp kes priă thôn in nàng bơ\t bơtàu thôn, lơh niam wơl hìu Bơyai tơr`a [òn, drơng ală broă lơh bơh thôn dê.

Tu\ geh dờp priă tă tơm drơng broă sền gàr brê den jơnau gi\t wa\ bơh làng bol dê geh tơnguh uă rlau. Bol a` sùm hòi jà làng bol ba` mus brê, ba` koh kơl chi che tàm brê; sùm tam pà mpồl hơ\ sồng lam lòt sền nàng gàr brê niam rlau.

Jat ồng Hoàng Xuân Hiếu, Kuang atbồ Trạm atbồ mờ sền gàr brê sồ 5, gơ wèt Mpồl atbồ brê rơcang gàr bồ tô dà Tu Mơ Rông yal, lài do, tu\ ờ hềt geh broă lơh tă tơm priă drơng broă sền gàr brê, den bă brê gơ ơm tàm ù tiah bơh ală xã: Tu Mơ Rông, Ngọc Lây, Ngọc Sao, Tê Xăng, Đắk Sao, Đắk Tờ Can....sùm gơlik geh jơnau koh kơl dơm chi kơ`au tìs mờ kơrnoat boh lam, mus brê ai ù lơh mìr, lơh ồs sa brê…

Bơh tu\ geh broă lơh do, ală dơ\ ồs sa brê neh gơmù ngan, pơndrờm mờ ală nam lài, khà dơ\ koh kơl dơm chi kơ`au tìs mờ kơrnoat boh lam, mus brê ai ù lơh mìr, ồs sa brê neh gơmù tus rlau 90%.

Ồng Hiếu pà gi\t tai, bal broă tă tơm priă drơng broă sền gàr brê nàng pơndờm pơnđiang nùs nhơm ai cau dờp sền gàr brê jàu in, Mpồl atbồ brê kơnhoàl Tu Mơ Rông gam crơng gơs tai ală mpồl nàng mblàng yal tơnguh uă jơnau gi\t wa\, pràn jak lam lơh sền gàr brê ai làng bol in.

Ù tiah bol a` atbồ geh jàu ai 5 [òn, thôn in, mờ dùl mpồl hìu bơnhă atbồ sền gàr brê. Tu\ lơh broă lơh do, den ală mpồl hìu bơnhă geh sră cih tơngai lòt sền, sền swì mờ sùm tàm yal tơngi\t bal mờ ală mpồl gơ wèt bal tàm trạm nàng gàr brê. Tơnơ\ tu\ jàu bă brê sền gàr, den a` sền go\ jơnau gi\t wa\ bơh làng bol sơlơ gơguh tai, tơrmù geh jơnau koh kơl dơm chi, chu tơdau mìr ai ù lơh mìr tìs mờ kơrnoat boh lam.

Tu Mơ Rông là kơnhoàl tiah ngài kal ke ngan bơh càr Kon Tum dê. Rài kis làng bol dê, mìng là cau Sơdàng gam uă ngan kal ke. Jat ồng A Rin Ka, Phó Chủ tịch UBND kơnhoàl Tu Mơ Rông yal, jơnau kờ` rề ơnàng bă ù lơh sa sươn sre bơh làng bol dê tàm do ngai sơlơ uă, mơya kơnờm pơgồp bal đah tă tơm priă drơng broă sền gàr brê mờ mblàng yal tơnguh uă jơnau gi\t wa\, pơlam tàp bè lam sền gàr, den tàng ală bă brê tàm do kung geh gàr niam sơl, ngan là bă brê ơnàng mờr 10 rbô lồ neh jàu ai ală hìu làng bol mờ [òn lơgar in atbồ.

Broă lơh tă tơm priă drơng broă sền gàr brê tàm ù tiah kơnhoàl dê den a` sền là geh cồng nha ngan, làng bol neh geh bơta gi\t wa\ niam ngan tàm broă lơh atbồ, sền gàr brê. Tu\ geh jàu brê, làng bol chờ hờp ngan, khi crơng gơs is ală mpồl, pồ cau atbồ mpồl nàng jàu kơnòl ai tơl mpồl, tơl hìu in nàng lơh jat broă lơh lòt sền gàr brê nàng tàm pơdar jat tơngai tàm tơl poh. Bơh hơ\, broă lơh atbồ sền gàr brê geh khi lơh niam ngan.

Jơh gùt càr Kon Tum tu\ do geh mờr 550 rbô lồ brê, tàm hơ\ rlau 370 rbô lồ brê geh is gam geh dờp drơng broă tă tơm priă sền gàr brê, mờ priă gơguh tus mờr 150 tơmàn pah nam.

Bơh priă jền do, ờ mìng cau tờm brê, ală mpồl hìu dờp brê jàu tàm kơnhoàl Tu Mơ Rông lơm gời ờ mờ ală tiah ndai tàm càr Kon Tum dê kung geh bơtơl tai priă jền nàng tă tơm tai ai broă lơh sền gàr brê in, tơrmù [à uă ngan jơnau digơlan sơgràm mu\t tàm brê, kơryan jơnau ồs sa brê, lơh geh tai priă jền ai làng bol tàm tiah do in.

Cau mblàng Lơ Mu K’Yến