VOV4.K’ho- Ngai òr (26/10), càr Lâm Đồng gŏ tai 6 nă cau gơtờp mờ kòp Covid-19 pa. tàm hơ̆, geh 4 nă cau là mpồl cau lơh gơtờp pa geh gŏ tàm mpồl bơtiàn tàm dơlam ƀòn dờng Dà Làc.

                                 Dà Làc gŏ tiah gơtìp kòp pa gơtờp bơh cau năc ơm tàm hìu năc ơm

Cồng nha lùp sền lài ngan, anih lơh broă geh gơnoar càr Lâm Đồng ai gŏ tiah tờm gơtờp tàm tiah 4 nă cau ndrờm tus bơh ƀòn dờng Hồ Chí Minh tus ƀòn dờng Dà Làc mờ ơpah hìu năc ơm nàng ơm. Sở Y tế càr Lâm Đồng neh mhar tơlik jơnau yal mhar sồ 71 nàng jòi cau neh tus tàm rơlao 10 anih di gơlan gơrềng bal, tàm hơ̆ geh ală hìu ơm, drà, hìu sa, hìu tăc dà kơphe, ce dà toh, hìu sơnơm tây mờ hìu tăc uă bơta phan. Bal mờ tiah gơtờp kòp pa do, càr Lâm Đồng gam lùp sền, jòi, sền gròi 19 tiah lơh gơtờp kòp Covid-19 ndai. Tŭ do, càr Lâm Đồng neh dờp geh 490 nă cau gơtờp mờ kòp Covid-19, tàm hơ̆ geh 313 nă cau neh geh sơm bời mờ rê bơh hìu sơnơm.

Cau mblàng Ndong Brawl