VOV4.K’ho - Mờ sơnđan ‘’Cau kơnòm sa\ lam lài,  bơceh pa, attê bal bơt bơtàu [òn lơgar pa mờ tiah drà ngac jak’’, broa\ lơh nhài rlô bơkang tơlir tàm Dak Lak nam do geh trơ gùm  ua\ ngan tàm broa\ lơh dong kờl  [òn lơgar bơt bơtàu [òn lơgar pa. Bơh hơ\,  rùp sa\ ơruh pơnu lơh broa\ dong kờl is nhap nhar tus bal lơh gùng, lơh rbàng tàm [òn làng hala lơh tiah nhơl tàp pràn sa\ ja`… neh gơ lời bơta niam tàm  nùs nhơm làng bol.

            Tàm ala\ ngai do, tàm ala\ [òn Bình Hòa 2, Bình Hòa 4A, xã Bình Thuận, thị xã Buôn Hồ, càr Dak Lak gam lơh geh ua\ ngan broa\ lơh gùng lòt. Bal mờ  làng bol tàm [òn, 35 na\ ơruh pơnu lơh broa\ nhai rlô bơkang tơlir bơh Tỉnh đòan tus lơh broa\ rê lơh gùng mờ bê tông rlau 1 kơi sồ gùng mờ dùl blàng  nhơl bơlai.  Bơta lơh gùng nhap nhar ngan, ờ kờp trồ mìu hala tơngai nisơna lơh ua\ gơ pơr òl tàm bơta lơh gơs gùng. Bi Lê Văn Dương cau bơsram dờng khoa Sư phạm Vật lý K42, hìu bơsram Cao đẳng Sư phạm Dak Lak, la cau lơh broa\ dong kờl is nhai rlô bơkang tàm xã Bình Thuận, thị xã Buôn Hồ, càr Dak Lak boh bơr, do la broa\ lơh nàng tam pa bơnah broa\ mờ xã kờ` lơh gơs jơh broa\ [òn lơgar pa tàm lồi nam do:

            Broa\ tờm bơh bol a` dê la lơh gùng [òn lơgar pa  den tus tu\ do kung mờr lơh gơs  gùng bloh. A` kơp kờ` mờ dà kơlhề ta\ pràn dềt rhền bol a` dê geh pơ gồp bal mờ làng bol lơh gơs jak ngan broa\ jàu kung bè broa\ lơh bơt bơtàu [òn lơgar pa.

            Làng bol tàm xã chờ ngan tu\ gùng lơh mờ bê tông, dong broa\ lòt rê niam,  pơndiang phan bơna ngai slơ bươn bòai. Mò Nguyễn Thị Hương kis tàm [òn Bình Hòa 4A, xã Bình Thuận, thị xã Buôn Hồ, càr Dak Lak chờ hờp ai git,  lài do tiah do ndrờm la gùng ù lơm. Tàm nhai mìu, gùng mbè bơ\, ù bo\ gơ jrô tus nggùl kong rơndeh lơh broa\ lòt rê mờ pơn diang phan bơna lơh geh gơbàn ua\ ngan kal ke. Gùng pa do geh dong  git nđờ rhiang hìu nha\ làng bol ờ gam lòt gùng mbè bơ\ tai, ntiar gơ cồt, lòt rê bươn bòai mờ nhar rlau:

            Lài do, tu\ ờ hềt lơh gùng den lòt rê kal ke ngan, tàm do ua\ ngan la lơh broa\ jơng tê den  he lòt rê, pơndiang ala\ bơta, lơh broa\ sa, tơnhàu broa\ lơh pơndiang phan  rê kal ke ngan. Tu\ do,  geh dà lơgar dong kờl sơ mang ai làng bol lơh gùng, đơs bal la chờ ngan.  Ngai lài sơnơng tô lah mìng làng bol lơh lơm, mờ ngai do geh kơnòm bơsram dờng rê dong làng bol tai, jơh mờ cau bơsram  dờng mờ   bơ đội kung rê dong làng bol. Go\ khi tus tàm do lơh jơh nùs ngan den he ờ geh bơta lơi, den mho mang  tru\ sa khi in nàng gơ chờ, lơh nùs nhơm lơm.

            Ồng Trịnh Minh Thủy, Bí thư Đảng ủy xã Bình Thuận ai git,  xã gam lơh ngan lơh geh tơl khà [òn lơgar pa tàm lồi nam do. Bulah bè hơ\, xã gam tus 5 broa\ ờ hềt lơh gơs, tàm hơ\ geh  broa\ lơh gùng lòt geh sền la broa\ lơh kan ngan lơh, mờ 12 kơi sồ gùng lòt ờ hềt lơh gơs mờ bê tông. Xã  neh mblàng pơlam làng bol jat broa\  lơh ‘’Dà lơgar mờ làng bol  lơh bal’’. Pơnjat hơ\,  ala\ hìu nha\ geh hìu, ù jat gah gùng, geh ta\ kờp bal  tơl hìu la 5 tơlak pria\ nàng lơh gùng. Làng bol nhap nhar ngan tus lơh gìng ai ù, ngai lơh broa\ nàng lơh gơs gùng. Ngan la, tàm nhai rlô bơkang do xã Bình Thuận geh tai cau bơh mpồl cau dong kờl lơh gùng bơh Binh đòan Bộ binh 95 (Sư đòan 2, Quân khu 5) mờ ơruh pơnu lơh broa\ dong kờl is nhai rlô bơkang bơh Tỉnh đòan:

            Tàm bơta mut lơh den Trung đòan kung bè Thị đòan  neh ai ala\   ơruh pơnu kung bè mpồl cau ling rê mờ [ò lơgar mut lơh. Tus tu\ do mờ ling klàng den tơngai do neh ngui rlau 300 ngai lơh broa\ mờ gam pơnjat tai dong kờl ala\ [òn gam wơl nàng lơh gơs gùng. Tàm bơta ơruh pơnu lơh broa\ dong kờl is kung bè ling klàng  den  gơ cèng cồng nha jơnhua ngan, tơmù bà  dùl bơnah kơnjơ\  tàm broa\ ngui cau lơh broa\  [òn lơgar tàm broa\ lơh ala\ gùng lòt.

            Bal mờ xã  Bình Thuận, nam do, 5 xã lơh lài  [òn lơgar pa ndai bơh càr Dak Lak  dê geh: Cư\ Suê (Cư\ Mgar), Tân Tiến (Krông Pak), Cư\ Mta (M’Drak), Ea Puk( Krông Năng) mờ Ea Ral (Ea H’ Leo) kung geh Tỉnh đòan ai tus 259 ơruh pơnu lơh broa\ dong kờl is tàm nhai rlô bơkang tơlir. Tàm tu\ tơngai di dùl nhai den ala\ mpồl  lơh broa\ dong kờl is do geh bơyai lơh ala\ broa\ lơh nhai rlô bơkang ai kơnòm dềt in mờ tus bal mut lơh ala\ broa\ lơh [òn lơgả pa tàm xã.

            Bal mờ hơ\, 15 kơnhòal, thị xã, [òn dờng  kung dùl ròt mut lơh broa\ lơh nhai rlô bơkang tơlir mờ ua\ ngan bơnah broa\ nền nòn, bè: tam pa 20 rbô tờm chi,  lơh pa 15 kơi sồ gùng lòt mờ bê tông, lơh niam wơl 10 kơi sồ rbòng dà lòt mờ lơh 10 blàng  nhơl bơlai, 10 tiah nhơl chờ kơnòm dềt in. Bal mờ hơ\,  Ban Thường vụ Tỉnh đòan Dak Lak gam bơyai lơh dong mblàng broa\ lơh ai tus 500  ơruh pơnu,  dong kờl 3 khà pria\ mut lơh broa\ sa mờ geh ai lòt bơsram,  bơto bơtê khoa học kỹ thuật ai tus 5 rbô đoàn viên, ơruh pơnu.

            Bi Phạm Trọng Phát, Phó chủ tịch Hội tam klac ơruh pơnu Việt Nam càr Dak Lak ai git,  nam do ala\ cấp bộ đoàn nhap nhar lơh pràn ngan mpồl bơtìan  lơh bal tàm ala\ broa\ mut lơh gùng lòt mờ broa\ lơh ‘’àng, tơlir, niam, kloh’’:

            Nam 2018 do den bol a` geh  lơh ngan  lơh ala\ gùng lòt, bal mờ hơ\ den ala\ gùng bơh ơruh pơnu lơh broa\ dong kờl is lơh geh lơh di ala\ broa\ lơh bè àng- tơlir- kloh- niam. Bal mờ broa\ lơh gùng mờ bê tông dong làng bol lòt rê bươn bòai den geh pơnjat tai geh ala\ khà  lam sồr tai nàng ‘’pờ àng gùng [òn’’ , lam sồr tai ala\ bơta nàng tam chi kờ` lam sồr làng bol tam bal, sền gàr  bal chi jat gah gùng do, mờ geh bơta tam gơl pa tàm broa\ lơh kung bè geh làng bol kờ` bal  jơnhua ngan.

            Mờ ala\ broa\ lơh chờ hờp,  nhap nhar, broa\ lơh nhai rlô bơkang tơlir càr Dak Lak nam do neh gơ lời wơl ala\ bơta niam tàm nùs nhơm làng bol. Bơh hơ\,  ai go\ bơnga\ lam lài, lơh broa\ jơh nùs dong kờl is bơh cau kơnòm sa\, geh kuơ ngan ngồn bal mờ [òn lơgar geh lơh tam gơl muh mat [òn lơgar,  lơh gơs broa\ bơt bơtàu [òn lơgar pa.

            Cau mblàng K’ Brọp