VOV4.K’ho - Tàm ala\ nam do,  ala\ kơna\ Mpồl cau lơh broa\ sa kơnhoàl Ea H’ Leo, càr Dak Lak neh  chồl pràn broa\ lơh mblàng lam, lam sồr cau tàm mpồl,  cau lơh broa\ sa chồl guh bơnga\, attê bal bơt bơtàu [òn lơgar pa. Bơh hơ\, ua\ cau lơh broa\ sa neh nhap nhar lơh jat mờ ua\ ngan broa\ lơh bè ai ù, ta\ pria\, ngai lơh broa\ nàng lơh ala\ broa\ lơh làng bol in ngui.

            Tơnơ\ rlau 20 nam tus ơm kis lơh broa\ sa tàm xã Ea Nam, kơnhoàl Ea H’ Leo, kơnờm bơh trơyang ngan broa\ lơh sa, bal mờ ù tiah trồ tiah niam, hìu nha\ ồng Nguyễn Văn Hoàng neh geh rài kis  tơl ngui tơl sa. Tu\ do,  hìu nha\ ồng geh 1 lồ 4 sào ù tam kơphe, 600 jrong tơnhàu tiêu, 200 tờm sầu riêng mờ 150 tờm bơ gam  rơp pa plai sơnrờp. Tơnơ\ kờp jơh ala\ khà pria\, kờp bal pah nam hìu nha\  ồng geh mờr 450 tơlak pria\.

            Ờ mìng la dùl na\ cau tàm mpồl lơh sa ka\ bro jak,  ồng Hoàng gam la dùl tàm ala\ cau lam  lài tàm srơh broa\ lơh ‘’Mpồl cau lơh broa\ sa attê bal bơt bơtàu  [òn  lơgar pa’’ kơnhoàl dê. Nhai 4/2013, hìu nha\ ồng Hoàng neh ai is ù mờr 9 sào ù mìr  hìu nha\  dê nàng UBND xã Ea Nam lơh tiah tuh sang sìô sia\ bal. Kơnờm bơh hơ\, bơta sang bu sìô sia\ lơh bơ\ tiah kis neh geh tơmù,  bơta tiah kis geh kloh niam rlau:

            Sền go\ bơta  bơh tàm xã, hìu nha\ a` geh bơta lơh ngan  ai ù nàng lơh gùng, lơh blàng tuh sang sìô sia\, lơh ala\ broa\ lơh kuơ mpồl bơtìan ndai geh kuơ xã in.

            Bơh nam 2012 tus tu\ do, Mpồl cau lơh broa\ sa  ala\ kơna\ tàm kơnhoàl Ea H’ Leo neh lam sồr cau tàm mpồl ta\ geh  rlau 400 tơmàn pria\ mờ rlau  50 rbô ngai lơh broa\ nàng lơh niam wơl,  lơh pa rlau 400 kơi sồ gùng lòt tàm [òn lơgar, lơh git nđờ rhiang kơi sồ gùng che ồs đèng drơng broa\ lơh sa, ngui tàm hìu nha\, lơh rbàng, brong dà,  lơh hìu  [òn. Bơh bồ sơnam tus tu\ do,  cau tàm mpồl cau lơh broa\  sa ala\ kơna\ tàm xã neh ta\ pria\ geh rlau 1 tơmàn 150 tơlak pria\ tus bal 1 rbô ngai lơh broa\, lơh pa mờ lơh niam wơl 12 kơi sồ gùng lòt tàm [òn lơgar. Ồng Nguyễn Đình Hoạt, Chủ tịch Mpồl cau lơh broa\ sa kơnhoàl Ea H’ Leo, càr Dak Lak ai git,  kơnờm geh lơh pràn broa\ mblàng pơlam, lam sồr den tàng git wa\  tus mờ broa\  bơt bơtàu [òn lơgar pa neh geh gơ tam gơl go\ loh ngan:

             Ala\ nam lài bè git wa\ kung bè ta\ pơ gồp bơh làng bol gam ờ hềt ua\, mơya 2, 3 nam do geh mblàng pơlam ờ ua\ [òn neh lơh  ala\ gơl gùng lòt làng bol go\ geh cồng nha, go\ geh broa\ lơh den tàng tu\ do làng bol tàm xã lơh jat jơh nùs ngan. Pa do,  ala\ [òn  neh pơrjum nàng bơyai  lơh gùng làng bol kờ` ngan. Dà lơgar dong kờl sơmang,  phan bơna tờm bè hơ\ làng bol den  rcang ta\ tai pria\, ngai lơh broa\ nàng lơh ala\ gùng lòt niam kloh kờ` làng bol in lòt rê.

            Bal mờ hơ\,  ala\ kơna\ Mpồl neh  lơh ngan lam sồr hòi jà cau tàm mpồl  dan cih mat lơh geh hìu nha\ ngac ngar jak chài, tus bal bơt bơtàu [òn, tổ dân phố ngac ngar jak chài. Mơ kung  lam sồr dờng ơnàng srơh broa\ lơh ‘’Cau lơh broa\ sa pơrlòng lơh sa, ka\ bro jak, tam klac dong bal lơh pas mờ tơmù rbah kơljap’’, bal mờ bơt bơtàu [òn lơgar pa mờ ua\ ngan broa\ lơh, ngan ngồn geh kuơ, pơ gồp bal bơtàu tơngguh rài kis, geh tai pria\ jền ai cau kuang, cau tàm mpồl lơh broa\ sa. Ồng Lê Thăng Long, Chủ tịch Uỷ ban Nhân dân  kơnhoàl Ea H’ Leo ai git,  srơh broa\ lơh bơt bơtàu [òn lơgar pa neh geh Mpồl cau lơh broa\ sa  ala\ kơna\ lam lơh,  pơ gồp kuơ màng tàm tàm broa\ lơh sang sơbì jơgloh tơmù rbah, bơtàu tơngguh lơh sa tàm kơnhoàl:

            Mờ bơnga\ la cau tàm mpồl bơh mpồl  đơng pơlam bơt bơtàu [òn lơgar pa, tàm ala\ nam do, mpồl cau lơh broa\ sa kơnhoàl  neh nhap nhar mblàng yal lam sồr cau tàm  mpồl tàm ala\ xã, thị trấn  at tê bal dùl nùs, tus bal ta\ pơ gồp bơt bơtàu [òn  lơgar pa bè: ai is ù,  lơh gùng lòt , dong kờl ala\ khà pria\ bơh càr dê, tàm kơnhoàl dê nàng  bơt bơtàu tơl [òn. Tơl xã  mờ ngan la bơt bơtàu bơtàu tơngguh lơh sa hìu nha\ gàr niam rài kis mờ lơh geh ala\ broa\ lơh tàm bơt bơtàu [òn lơgar pa tu\ do.

             Nàng chồl guh rlau tai  bơnga\ la cau tờm tàm bơt bơtàu [òn lơgar pa, Mpồl cau lơh broa\ sa kơnhoàl Ea H’ Leo, càr Dak Lak geh pơnjat tai lơh pràn mut lơh geh cồng nha ala\ srơh broa\ lơh pơrlòng mpồl dê, nhap nhar mblàng pơlam, lam sồr cau tàm mpồl lơh broa\ sa tus bal bơt bơtàu phan bơna tàm [òn lơgar, ngan la lơh gùng lòt tàm [òn lơgar,  lơh rbòng dà lòt tàm dơlam sre. Bơh hơ\ pơ gồp bal attê bal mờ cấp uỷ, gơnoar atbồ mut lơh geh cồng nha broa\ lơh  bơt  bơtàu [òn lơgar pa tàm [òn lơgar.

          Cau mblàng K’ Brọp