VOV4.K’ho-5 nam do, kơnhoàl Krông Buk, càr Dak Lak geh 15 rbô hìu làng bol lơh broă sa geh dờp là lơh sa, kă bro jak. Pơndrờm mờ 5 nam lài hơ\, khà hìu làng bol lơh broă sa lơh sa geh priă jền pah nam rlau 200 tơlak gơguh tus bàr dơ\ mờ nggùl, uă ngan hìu làng bol lơh broă sa geh priă jền bơh lơh broă sa pah nam tus gi\t nđờ tơmàn priă.

Nam 1997, bơh [òn tờm càr Thanh Hoá tus tàm xã Cư\ Ne\, kơnhoàl Krông Buk, càr Dak Lak dê lơh broă sa bal mờ bàr mpàng tê soh, ùr bơklau ồng Lê Minh Tĩnh pal lòt lơh broă apah nàng jòi priă ngui sa tàm rài kis.

Tơryang tơryồng tàm broă lơh, gi\t ko\ng bòl glar kal ke lùp bơsram, bi Tĩnh lòt bơsram broă lơh cơ khí mờ gơ gơs là cau chài ngan tàm broă lơh. Tu\ do, bal mờ hìu ràng tăc phan bơ\t bơtàu pơgồp bal mờ broă lơh cơ khí, hìu bơnhă bi Lê Minh Tĩnh geh 1 lồ 5 sào kơphê, mờ 700 tờm tiêu, mờ kờp jơh priă lơh geh pah nam là rlau 500 tơlak. Bi đơs bè do: 

20 nam lơh sa tàm ù tiah Tây Nguyên, ùr bơklau a` tìp uă ngan kal ke mơya ơm kis rềp mềl mờ ù tiah do, tơryang tơryồng, ko\ng bòl glar kal ke, gi\t lùp bơsram mờ lơh ngan sơrlèt gan pơđơl pràn den hơ\ sồng lơh geh, tus tu\ do lơh sa hìu bơnhă neh tơl ngui tơl sa đau.

Sươn chi sa plai bơh cau lơh broă sa dê

Ală nam do, Mpồl cau lơh broă sa kơnhoàl Krông Buk neh geh uă broă lơh dong kờl cau tàm mpồl bơtàu tơnguh lơh sa, bè: pơgồp bal mờ ală gah lơh broă geh gơnoar pờ ơdu\ bơto pơlam, bơto ngui bơta jak chài tàm broă lơh sa, pơgồp bal mờ ală mpồl lơh sa kă bro dong cau lơh broă sa càn phơng tuh, sơnơm sền gàr phan tam tơm priă lơyaì. Dan mờ ngân hàng càn priă ai mờr 3 rbô nă cau tàm mpồl in, mờ kờp jơh priă gam càn ờ hềt tơm là rlau 78 tơmàn.

Lơh sa, kă bro geh cồng nha, cau lơh broă sa xã Cư\ Ne\ neh jơh nùs tă pơgồp bơ\t bơtàu phan bơna tàm tiah he dê. Làng bol neh pà rlau 7 sàu ù, tus bal lơh niam wơl 3 kơi sồ gùng lòt, tă pơgồp priă jền tơmu\t tàm Kes priă tài cau r[ah rlau 55 tơlak, Kes priă dong kờl cau lơh broă sa 40 tơlak priă, dong 50 hìu làng bol lơh broă sa klàs bơh r[ah kơ\ kơl jăp…Ồng Lê Thăng Long, Phó Chủ tịch Mpồl cau lơh broă sa xã Cư\ Ne\, kơnhoàl Krông Buk, pà gi\t:   

Bơh srơh cau lơh broă sa tàm pơrlòng lơh sa kă bro jak, tam klac dong kờl gơ\p lơh pas mờ tơrmù r[ah kơ\ kơl jăp neh dong lơh sa hìu bơnhă tơl nă cau lơh broă sa dê tàm tiah do ngai sơlơ bơtàu tơnguh rlau, rài kis phan bơna tơl ngui tơl sa rlau den hìu bơnhă chờ hờp tus bal tă pơgồp kung jơh nùs rlau sơl, bơh hơ\ pơgồp bơnah bơ\t bơtàu [òn lơgar pa tàm xã geh niam rlau.

5 nam do, kơnhoàl Krông Buk, càr Dak Lak geh 15 rbô hìu làng bol lơh broă sa geh dờp là lơh sa kă bro jak. Pơndrờm mờ tơngai bơh nam 2007- 2011, khà hìu làng bol lơh broă sa geh priă bơh lơh sa pah nam rlau 200 tơlak gơguh tus 2 dơ\ nggùl, khà hìu làng bol geh priă bơh lơh sa mờr 1 tơmàn gơguh tus dùl dơ\ mờ nggùl.

Sươn chi sa plai bơh cau lơh broă sa dê

Mò Cao Thị Thúy Nga, Chủ tịch Mpồl cau lơh broă sa kơnhoàl Krông Buk, pà gi\t, srơh cau lơh broă sa tàm pơrlòng lơh sa, kă bro jak tàm kơnhoàl gam geh pơn jat tai lơh pràn:

Nàng lơh niam srơh cau lơh broă sa tàm pơrlòng lơh sa kă bro jak, dong kờl gơ\p tơrmù r[ah kơ\ kơl jăp, mpồl lơh sră cih mat lam tàm pơrlòng ai ală hìu làng bol lơh broă sa in mờ bơh bồ nam ală hìu làng bol kung neh geh jơnau kờ` ai he in.

Gơ wèt mờ mpồl cau lơh broă sa nàng dong kờl ai ală hìu làng bol lơh broă sa in den mpồl kung neh ki\ hơ ală sră pơrgon bơcri priă drơng broă ala phơng sih sơnơm sền gàr phan tam ai cau lơh broă sa in. Broă do kung dong tềm pềr geh dùl bơnah priă jền nàng cau lơh broă sa bơcri tàm broă lơh sa bơh he dê.

Srơh cau lơh broă sa tàm pơrlòng lơh sa kă bro jak tàm kơnhoàl Krông Buk, càr Dak Lak neh dong cau lơh broă sa tam gơl bơta kơlôi sơnơng, broă lơh, ngui priă càn geh cồng nha mờ ngui đòm jat bơceh pa ală bơta jak chài pa tàm broă lơh sa, bơtàu tơnguh lơh sa hìu bơnhă, pơgồp bơnah kuơmàng tàm broă lơh tơn jơh jơgloh tơrmù r[ah bơh tiah do dê!

Cau mblàng mờ yal tơngi\t- Lơ Mu K’Yến