VOV4. K’ho - Tàm ua\ tiah, gùng lòt tàm [òn lơgar la broa\ lơh kan ngan lơh tàm broa\ lơh bơt bơtàu [òn lơgar pa, tài kờ` khà pria\ lơh dờng ngan,  gơ rềng ua\ ngan tus phan bơna, ù tiah bơh làng bol. Bơta chờ ngan la ua\ [òn làng bơh kơnhòal Krông Pach, càr Dak Lak làng bol den dùl nùs bal, ring bal tàm broa\ mut lơh ala\ broa\ lơh do, ai is ù, sờr is phan bơna, sa\ tờm lơh broa\ tàm ù lơh gùng lòt.

            Bulah rài kis gam ua\ ngan kal ke,  tơl bơta tàm hìu mìng kơnờm tàm 3 sào ù suơn mờ rơndeh tac ba` bao, mơya tu\ [òn lơgar bơyai lơh tuh bê tông lơh gùng lòt gan hìu he, ồng Hòang Công Phước, kis tàm [òn Phước Lộc 5, xã Ea Phê, kơnhòal Krông Pach neh ơm broa\ lòt tac ba` nàng tus bal lơh gùng. Tu\ do, tu\ gùng neh lơh gơs, ồng Phước di nùs ngan:

            Geh gùng do làng bol chờ hờp ngan, lài do nhai mìu càl lòt rê bòl glar ngan, đơs tờm la neh gơ tam gơl muh mat rlau mờ pah nam. Rài kis kung bơtàu tơngguh rlau.

            Mờ hìu nha\ bi Đinh Văn Tiến, kis tàm [òn Phước Thọ 1, xã Ea Phê, kơnhòal Krông Pach geh tus bal ngai lơh broa\, ta\ pria\, hìu nha\ gam ai is di  dùl chuờng mơ gùl ù mat gùng kờp pria\ rlau 100 tơlak pria\ nàng lơh ơnàng gùng lòt tàm [òn. Mblàng bè  broa\  lơh he dê, bi Tiến đơs,  tu\ geh broa\ lơh di den làng bol ờ pơlai dà kơlhề ta\ geh, pria\ jền, ù tiah. Lơh gùng la lơh làng bol he in,  ờ mìng tu\ do he geh kuơ, mờ kòn sau tơnơ\ do kung geh kuơ sơl:

            Jat a` sơnơng  neh la cau Việt Nam den pal geh kơnòl, geh broa\ lơh bơt bơtàu [òn lơgar pa do den kung la tu\ nàng he ai go\ nùs nhơm kờ` gơboh dà lơgar lơm. Tu\ do,  geh tơrbo\ che ồs đèng, lơh gùng mờ bê tông tu\ do den niam ngan, drờm bè tàm [òn dờng, [òn drà bloh. Chờ ngan. Ngan la bơh tu\ lơh geh den he hơ\ sồng go\ bơta kuơ, he  geh la cau kuơ  sơnrờp. Den tàng dà lơgar mờ geh broa\ lơh lơi den la làng bol geh bơta kuơ lơm.  Dilah mờ Đảng, Dà lơgar gam geh broa\ lơh lơi niam tai den ai gơtùi ai phan lơi la ai a` ai phan  hơ\.

            Dilah lài do, xã Ea Phê, làng bol bòl glar kal ke ngan  tu\  lòt tàm ala\ gùng ù, tơngai den gp thul kơmbuh, mìu den mbè bơ\ den tu\ do neh gơtùi nho\ chờ hờp mờ gùng lòt  lơh mờ bê tông tơrbo\ ala\ [òn, tàm [òn den chờ rlau. Jat Ban chỉ đạo bơt bơtàu [òn lơgar pa xã Ea Phê, tus tu\ do,  xã neh lơh mờ bê tông sơmang geh  15 kơi sồ gùng lòt tàm [òn, 23 kơi sồ gùng lòt tàm dơlam [òn,  mờr 10 kơi sồ gùng lòt tàm sre mờ  gam lơh ngan lơh gơs la xã tơl khà [òn lơgar pa tàm  nam do. Ồng Trần Trung Hiếu, Phó Chủ tịch UBND xã ai git,  broa\ mờng tàm bơt bơtàu [òn lơgar pa tàm  xã ngan la bơta  kờ` bal bơh làng bol:

            Bơta bươn bòai la xã bol a` geh ua\ ngan cau lam lài ngan bè ai is ù,  lòt lơh broa\, ta\ pria\ nàng lơh gùng. Geh hìu ai ù  mat gùng kờp pria\ rlau 100 tơlak pria\ tàm dùl thơt nàng lơh gùng lòt. Dơ\ 2 la bơta kơnờm mờ bơta kờ` bal  bơh dà lơgar nàng làng bol go\ geh bơta dong kờl bơh dà lơgar la tờm ngan  nàng lơh bơta gơ dra\ lơh gơs broa\ ta\ pơ gồp bơh làng bol. Do la tu\  bươn bòai ngan nàng  he mut lơh  geh ala\ broa\ geh jàu.

            Jat ồng Trần Quốc Vinh, Phó  chủ tịch UBND kơnhòal Krông Pach, bơh lơh niam broa\ lam sồr, hòi jà, song dơpa\, lơh tờm tàm bơcri bơh bơtàu ala\ broa\ lơh gùng [òn lơgar pa, mờ ngan la bơh cồng nha loh làng ngan mờ ala\ broa\ lơh lơh gơs  broa\ geh jào làng bol tàm kơnhòal ring bal,  kờ` bal, bal mờ  kơnhòal lơh ngan  lơh gơs  broa\ geh  jàu la gùng lòt tàm broa\ lơh bơt bơtàu [òn lơgar pa. Cồng nha la, làng bol tàm kơnhòal neh ta\ geh rlau 7 tơmàn pria\, git nđờ jơt lồ ù mờ git nđờ rbô ngai lơh broa\ nàng lơh  gùng tàm [òn lơgar. Mờ cồng nha neh lơh geh neh geh 6 xã neh mờ mờr lơh gơs  broa\  lơh gùng lòt. Ồng Trần Quốc Vĩnh  đơs, mờ broa\ lơh bè do,  tus nam 2020 kơnhòal geh lơh gơs mờ 19 broa\ lơh khà xã mờ 9 broa\ lơh  kơnhòal dê:

            Nam do kơnhòal Krông Pach lơh broa\ lơh  geh 4 xã geh lơh gơs broa\ jàu, tơngguh xã tàm kơnhòal tus 9 xã. Do la dùl lơh dờng ngan bơh ròt chính trị. Kơnhòal neh geh nghị quyết mờ broa\ lơh nền nòn mờ 4 xã kung neh lơh ngan loh làng. Bol a` neh lơh jơh bơh broa\ lam sồr hòi jà, yal Nghị quyết tus tàm [òn làng mờ tus làng bol. Dơ\ 2 la bơta tus bal lơh jat jờh nùs ngan bơh làng bol. Mờ tu\ do,  bơta niam ngan la srơh broa\ lơh neh gơ rề ơnàng tàm gùt kơnhòal. Nam do,  bol a` geh tơlik Nghị quyết hơ\ dơ\ tus di 25 tơmàn pria\ ngui nàng bơt bơtàu [òn lơgar pa, tàm hơ\ geh rlau 17 tơmàn ai 4 xã tàm nam 2018 do lơh gơs broa\ jàu mờ rlau 8 tơmàn ai broa\ lơh gùng lòt tàm [òn lơgar. Nghị quyết sồ 10 bơh BCH Đảng bộ kơnhòal la bol a` lơh  broa\ lơh di pơlam la nam 2018 lơh ngan 4 xã, nam 2019 lơh ngan tai 4 xã, gam wơl 2 xã geh lơh gơs tàm nam 2020.

            Bơta tam gơl [òn lơgar bơh Krông Pach tu\ do geh dùl bơnah ta\ pơ gồp bơh ala\ cau dùl na\ sa\ tài bơh [òn lơgar. Broa\ chồl guh bơnga\ lam lài bơh ala\ hìu làng bol tàm  bơt bơtàu phan bơna  [òn lơgar, neh dong  bơta bươn bòai niam ai Krông Pach trơ gùm pràn tàm làng bol, mơ kung lơh geh  lam lài kuơ màng nàng mut lơh geh jai pha ala\ srơh broa\ lơh pơrlòng ndai tàm [òn lơgar.

            Cau mblàng K’ Brọp