VOV4.K’ho - Tàm ala\ nam do, càr Dak Lak neh geh ua\ ngan cau mpồl bal mờ cau dùl na\ sa\ pơnrơ ngan tàm srơh chài lam sồr. Bơh hơ\,  neh trơ gùm, chồl guh  bơta pràn làng bol tàm broa\ geh ta\ pơ gồp pràn,  bơt bơtàu rài kis ngai slơ pas pràn, rờm ram.

            Nam 2011, xã Dliê Yang,  kơnhòal Ea H’ Leo mìng lơh geh 4 tàm 19 broa\ lơh  bơt bơtàu [òn lơgar pa. Mơya, mìng tơnơ\ 6 nam, nam 2017, Dliê Yang neh geh càr Dak lak dờp la xã tơl khà  bơt bơtàu [òn  lơgar pa. Làng bol neh ta\ pơ gồp mơr jơt tơmàn pria\ nàng  bơt bơtàu phan bơna [òn lơgar. Mìng  is gùng lòt,  gùt xã neh trơ gùm geh 4 tơmàn mơ gùl nàng lơh mờ bê tông 23 kơi sồ gùng [òn lơgar. Hơ\ la ờ hềt kờp tus khà pria\ làng bol tàm ala\ [òn ta\ pơ gồp nàng lơh hìu [òn, hìu sơnơm,  gùng ce ồs đèng.

            Ồng Ksor Y Thông, Chủ tịch UBND xã Dliê Yang ai git: Kơnờm geh ngui ala\ bơta jak chài pa tàm lơh sa den tàng pria\ geh  làng bol dê tàm xã neh sùm bơtàu tơngguh. Nam 2011 pria\ geh kờp bal bơh dùl na\ cau mìng geh 12 tơlak pria\ dùl nam den tu\ do neh gơguh tus 31 tơlak pria\. Xã Dliê Yang geh ala\ cồng nha bè tu\ do,  geh  pơ gồp ngan bơh ồng Ksor Y Thông-dùl na\ cau pơnrơ ngan bè chài lam sồr bơh càr Dak Lak:

            Kơnờm geh lơh niam broa\ lơh lam sồr, tàm tơngai lài broa\ brồ guh lơh  sa bơh ala\ hìu nha\ rbah geh bơta tam gơl gơguh, hìu rbah  gơmù pơn drờm  mờ ala\ nam rềp do. Lài do,  xã Dlê Yang  la dùl xã tàm ala\ xã gơbàn kal ke ua\ ngan bè ngap lơngai gùng dra\ bal,  ờ do ờ da\ mpồl bơtìan. Bơh geh mblàng  lam sồr làng bol mut lơh ‘’ Gùt làng bol sền gàr ngap lơngai dà lơgar’’ tàm  tơngai bơt bơtàu [òn lơgar pa. Tus nam 2016, xã neh geh càr sang ờ gam tai la tiah kal  ke bè ngap lơngai chính trị. Tàm tơngai 6 nam, xã Dliê Yang neh geh UBND càr dờp la tơl khà [òn lơgar pa.

            Kơnhòal Cư\ Mgar,  tu\ do geh 6 tàm 15 xã neh geh dờp la tơl khà [òn lơgar pa, mờ lơh ngan tus jơh nam 2018 geh tai 4 xã tơl khà. Ồng Nguyễn Văn Minh- Phó Chủ tịch UBND kơnhòal Cư\ Mgar boh bơr: UBND  kơnhòal geh lơh ngan ua\  mut lơh ala\ broa\ lơh bơtàu tơngguh lơh sa- mpồl bơtìan geh cồng nha niam. Mơ kung, sùm sền kuơ tàm broa\ lơh  lam sồr nàng  chồl guh gơnoar lơh tờm làng bol dê:

             Mut lơh jat chỉ thị bơh Chủ tịch UBND càr bè broa\ lơh lam sồr gơnoar atbồ, UBND kơnhòal neh lam sồr ala\ gah, sơnah lơh broa\, UBND ala\ xã,  thị trấn lơh ngan mut lơh niam lơh bal hia\ niam sra\ nggal mờ tờm ngan la lơh bal hia\ ala\ bơta lơh sra\  mờ ơnà lơh broa\  bơh cau kuang,  công chức. Dơ\ 2 la lơh ngan tàm broa\  wa\ mờ  tơr`a broa\ mờ làng bol  nàng geh bơsong mo di pal ala\ bơta ờ suk bơh mpồl bal,  cau dùl na\ sa\ tàm bùi tơr`a broa\,  ờ lời gơlik geh bơta  ờ suk jo\ jòng  gơ lam tus bơta yal ya\ gal cau, kal  ke gơlik geh tàm kơnhòal.

            Jat ồng Võ Văn Cảnh-Phó Chủ tịch UBND càr Dak Lak, srơh broa\ lơh pơrlòng chài lam sồr tàm ala\ nam do neh lam sồr làng bol tus bal mut lơh ala\ broa\ lơh bơtàu tơngguh lơh sa mpồl bơtìan. Kơnờm mờ hơ\  rơndap lơh sa bơh càr Dak Lak pơnjat tai  geh tam gơl  niam,  khà hìu nha\ rbah slơ ngai slơ gơmù. Bal mờ hơ\,  ala\ broa\ lơh, chính sách kòn cau pơnjat tai geh ala\ gah,  ala\ kấp sền gròi mut lơh, pơgồp bal cèng wơl bơta tam gơl loh ngan tàm jơh ala\ gah broa\ lơh rài kis bơh làng bol ala\ kòn cau càr Dak Lak. Ồng Võ Văn Cảnh đơs:

            Broa\ lơh lam sồr  geh chài den làng bol hơ\ sồng wa\ geh tơnggu me,  broa\ lơh, pơrya bơh broa\ lơh he dê. Pơnyơu, bè tàm broa\ lơh  [òn lơgar pa,  dà lơgar  neh ta\ pơ gồp geh gùng mờ rơndap broa\,  geh gùng pơlam làng bol in, ai làng bol gam la bơnga\ cau tờm, cau geh gơnoar lơh jơh mờ geh dờp kuơ tàm bơta bơt bơtàu [òn lơgar pa. Sền bal,  tàm tơngai lài,  broa\  lơh tơmù rbah kung bè tàm  bơta tus bal bơt bơtàu [òn lơgar pa mờ tàm ờ ua\ broa\ lơh tàm hơ\ geh pơ gồp bal kuơ màng ngan bơh broa\ lơh lam sồr,  ngan la tàm broa\ lơh lam sồr bơh gah broa\ lơh ala\ anih lơh broa\ dà lơgar.

             Tàm Dak Lak, broa\ mut lơh geh cồng nha srơh broa\ lơh tam pơrlòng chài lam sồr neh pơ gồp chồl guh gơnoar lơh tờm,  bơta bơceh pa bơh làng bol tàm bơtàu tơngguh lơh sa, bơt bơtàu rài kis ngai slơ hờm ràm pas pràn.

            Cau mblàng K’ Brọp