VOV4.K’ho - Ea Kly la dùl tàm ala\ xã lơh gơs  [òn lơgar pa sơnrờp  bơh kơnhòal Krông Pach, càr Dak Lak. Ờ hềt kờ` mờ cồng nha lơh geh, Đảng bộ, gơnoar atbồ mờ làng bol xã Ea Kly gam trơ gùm tơl ala\ bơta  pràn nàng  tơngguh cồng nha ala\  broa\ lơh  neh lơh geh, pơ gồp bal lơh tam gơl muh mat [òn lơgar pa jat broa\ lơh kơl jap, lơh geh broa\ lơh  bơt bơtàu Ea Kly gơs la xã [òn lơgar pa lam lài.

            Mờ broa\ lơh ‘’Chồl guh tơl làm ala\ bơta pràn geh, tàm hơ\ làng bol la cau tờm ngan bơh broa\ lơh bơt bơtàu [òn lơgar pa’’ nam 2015, Đảng bộ mờ làng bol xã Ea Kly neh lơh  gơs 19 tàm 19 broa\ lơh mờ neh geh dờp la xã tơl khà [òn lơgar pa. La dùl tàm ala\ cau geh ta\ pơ gồp lơh tam gơl muh mat [òn lơgar he dê, ồng Nguyễn Duy Nội kis tàm [òn 16, xã Ea Kly chờ hờp đơs: Bơh tu\ xã mut lơh bơt bơtàu [òn lơgar pa, ala\ gùng lòt bơ\ mbè tàm nhai mìu,  gơ thul kơm buh tàm nhai prang  tu\ do neh geh lơh mờ gùng bê tông kloh niam,  gùng tàm [òn  geh niam,  phan bơna mờ  ala\ bơta chài rgơi neh lơh rài kis  nùs nhơm làng bol geh bơtàu tơngguh ua\ ngan:

              Git go\ ờ mìng  dùl na\ a` mờ gùt làng bol [òn 16, cau lơi kung chờ ngan lơm  tài gùng geh lơh niam, hìu  nha\ neh jơh  lơh pa. Gùng lòt nàng kòn sau [òn làng  lòt rê  ờ  geh đơs tai bloh. Cau lơi kung go\ kloh niam.

            Geh dờp la tơl khà [òn lơgar pa, mơya kuang bàng mờ làng bol xã Ea Kly ờ hềt kờ` mờ ala\ cồng nha lơh geh mờ  pơnjat tai geh lơh ngan bơt bơtàu [òn lơgar pa lam lài tơngai bơh nam 2018-2020 nàng tơngguh khà niam bơh ala\ broa\ lơh. Tàm hơ\ geh broa\ lơh lơh sa-pria\ geh- hìu rbah  neh geh  xã sền lơh ngan. Den tàng,  bal mờ bơtàu tơngguh  lơh gùng lòt, hìu ơm,  broa\  tam gơl rơndap chi tam, phan ròng jat broa\ lơh tơngguh bơta kuơ neh geh Đảng ủy xã ai lơh.

             Ồng Nguyễn Văn Nam, Phó bí thư Đảng ủy Ea Kly ai git,  nàng tơngguh pria\ geh làng bol,  cấp ủy Đảng neh  sồr UBND xã lơh broa\ lơh tam gơl chi tam, phan ròng  ơla rhời ala\ ba\ chi tam ờ tơnhàu geh ua\ cồng nha  mờ ala\ chi tam gơ cèng cồng nha ua\,  tơnhàu geh mờ rơndap tiah ròng phan ua\ bal nàng gàr niam tiah kis tàm [òn làng bol. Bal mờ hơ\,  sùm geh lơh bal mờ Phòng Kinh tế, Trạm khuyến nông kơnhòal bơyai lơh  pờ ala\ ơdu\ bơsram nàng làng bol geh ngui khoa học kỹ thuật tơngguh cồng nha phan lơh geh:

             Tàm broa\ lơh bơt bơtàu [òn lơgar pa,  geh  ala\ dơ\ cri tơr`a broa\ nàng làng bol  jòi git wa\ kỹ thuật sơng ga sền gar tiêu,  kơphe kung bè ala\ bơta chi tam sa plai hala phơng tuh nàng sơng ka sền gàr chi tam. Kơnờm bơh hơ\ mờ pria\ geh làng bol dê slơ ngai slơ jơnhua. Bơh hơ\ geh mut lơh broa\ lơh tam li la chi tam kờ`  tơngguh geh tai pria\ jền tàm suơn chi kung bè tàm broa\ ròng phan  kờ` bơtàu tơngguh rài kis.

             Jat ồng Nguyễn Hải Sâm, Chủ tịch UBND xã Ea Kly, rlau 3 nam  kờp bơh  tu\ geh dờp la xã tơl khà [òn lơgar pa, xã Ea Kly sùm  lơh ngan mut lơh  rơndap wơl lơh sa  suơn sre,  lơh bal mờ bơtàu tơngguh lơh sa suơn sre hữu cơ, ngui công nghệ cao mờ bơtàu tơngguh công nghiệp,   broa\ drơng ơla, bal mờ lơh  sa  suơn sre, bơtàu tơngguh [òn lơgar mờ bơtàu tơngguh bal bơh  ala\ tiah tàm do. Mơ kung sền gàr tiah  kis [òn lơgar kloh niam, gàr niam ngap lơngai  ờ do ờ da\ mpồl bơtìan, rài kis phan bơna mờ nùs nhơm  bơh làng bol. Bơh hơ\,  ngai slơ bơtàu tơngguh khà rài kis làng bol,  lơh ngan tus nam 2020 xã Ea Kly gơ gơs la xã [òn lơgar pa lam lài:

            Bol a` ai git,  bơta  pràn is tàm dơlam ngan la  la bơta pràn bơh làng bol den  tàng tàm tơngai tus do,  bol a` geh  lơh ngan mblàng nàng jơh  ala\ làng bol tàm xã wa\ bè bơta pràn geh is bơh làng bol tàm broa\ lơh bơt bơtàu  xã tơl khà [òn lơgar pa mờ nàng sùm  lơh geh mờ tơnguh jơnhua,  ngan la kờ` geh bơta dong kờl bơh ala\ gah, sơnah lơh broa\  nàng gàr kơ\ 19 broa\ lơh mờ tu\ do xã gam tàm  gùng pơnjat tai lơh ngan nàng xã tơl khà  cơn đòa tus la xã lam lài bè [òn lơgar pa.

            Bơt bơtàu xã lơh gơs 19 broa\ lơh neh la kan ngan lơh, nàng lơh gơs [òn lơgar pa lam lài  den slơ kal ke rlau. Bulah bè hơ\,  mờ lơh ngan lơh geh muh mat [òn lơgar pa slơ ngai slơ  jơnhua,  [òn lơgar  ngai lơ ngò mờ nùs nhơm làng bol chờ hờp, xã Ea Kly, kơnhòal Krông Pach, càr Dak Lak gam  lơh ngan  kràn ngan mờ  lơh dơle\ bal ala\ broa\ lơh nàng lơh ngan tơl khà [òn lơgar pa lam lài tàm lồi nam 2020.

          Cau mblàng K’ Brọp