VOV4.K’ho - Poh lài, tàm pơrjum dơ\ 7, HĐND càr Dak Lak, ală kuang bàng neh lùp bè uă broă gơrềng tus mờ broă lơh ai làng bol kòn cau in.

Lùp Kuang atbồ Sở Nội vụ bè broă lơy ài tàm broă rơwah ală cau kòn cau neh jơh bơsram đại học gơwèt cau geh rơwah lòt bơsram lơh gơbàn ală cau do ờ geh ai broă lơh niam, mò H’ Blă Mlô, mpồl kuang bàng thị xã Buôn Hồ đơs:

-Gơwèt mờ ală oh đơs tu\ do ờ su\k ơm ngan mờ broă lơh glar bòl mơya ờ geh gơnoar kuơ lơi. Dơ\ 2 kờ` rơndăp khà broă, bơtơl bơsram ală ơdu\ lý luận chính trị ală oh kung gơbàn hoàc huơr, den tàng bol a` kờ` lơh bè lơi broă dong kờl bơh he dê gờ` geh rơwah ală oh kờ` geh broă lơh niam jo\ jòng tàm tơngai tus.

Hơ jơnau lùp do, ồng Miên Klơng, Kuang atbồ Sở Nội vụ càr Dak Lak pà g^t: cau bơsram dờng jơh bơsram đại học gơwèt mpồl rơwah lòt bơsram tus mờ broă pơrlòng rơwah công chức, viên chức jăt mờ kơrnoăt bơh adăt kuang bàng, công chức mờ adăt viên chức ờ lơh jăt broă dờp mờ ai broă lơh tơnơ\ mờ tu\ neh jơh bơsram bè lài.

                                    Kuang bàng Y Sy Thắt Ksơr lùp tàm dơ\ pơrjum lùp mờ hơ jơnau lùp 

-Bơh tu\ geh kơrnoăt sồ 134 bơh Chính phủ, tơnơ\ mờ hơ\ chính phủ ai geh Nghị định sồ 49, geh tam gơl ờ uă bơta tàm nghị định 134 geh ai: gơwèt mờ cau rơwah lòt bơsram là cau kòn cau tu\ neh jơh bơsram pal geh broă rơwah ha là pơrlòng.

Den tàng, mờ kơnòl să tòm, sở Nội vụ neh pơlam UBND càr sền wơl ba` lời ală cau gơbàn sơbì gời. Tu\ do, bol a` gam pơlam UBND càr rơcang crơng gơs mpồl rơwah ală cau do. Tàm tơngai tus bol a` geh lơh. Tu\ do gơwèt mờ càr Dak Lak gam 6 nă.

Gơrềng tus mờ broă bơsong ù lơh hìu ơm, ù lơh sa ai làng bol kòn cau kis bơh yau tàm càr, ồng Y Sy Thắt Ksor, mpồl kuang bàng kơnhoàl Buôn Đôn đơs:

-Tu\ do, bơta l^k ơm is tàm tiah làng bol kòn cau gơguh pah nam, den tàng broă kờ` bè ù lơh hìu ơm mờ ù lơh sa kung là broă kờ` mhar pơn jăt bal.

Tàm kơnhoàl Buôn Đôn đơs is mờ ală tiah ndai tàm gùt càr đơs bal kung gơbàn broă ai ù lơh hìu ơm, ù lơh sa làng bol kòn cau kis bơh yau in, tềng đăp mờ broă mùl màl do he kung ờ hềt geh dùl broă lơh bal, mùl màl lơi ai broă do in.

Mờ gơnoar là anih pơlam UBND càr in, Sở Tài nguyên – Môi trường neh geh gùng dà broă lơh lơi mùl màl kờ` bơsong broă do.

                                   Ồng Y Biêr Niê, Chủ tịch HĐND càr đơs tơn jơh dơ\ lơh broă  

Hơ jơnau lùp bơh ồng Y Sy Thắt Ksor, ồng Bùi Thanh Lam, kuang atbồ Sở Tài nguyên – Môi trường càr Dak Lak pà g^t, lơh jăt broă bơsong ù lơh hìu ơm, ù lơh sa ai làng bol kòn cau in, càr Dak lak neh bơsong ù lơh hìu ơm ai rơlao 5 rơbô 500 hìu mờ bă ù ơnàng rơlao 5 rơbô 700 lồ.

Bă ù kờ` ai lơh hìu ơm, ù lơh sa ai làng bol kòn cau kis bơh yau ờ geh ù lơh hìu ơm, ù lơh sa geh ai bơh ù geh bơh broă sền wơl ù tiah, ù toh wơl ală nông, lâm trường jăt mờ Nghị định sồ 118 nam 2014 bơh Chính phủ dê. Tu\ do, UBND càr Dak lak neh jào UBND ală kơnhoàl, thị xã, [òn dờng sền gròi, sền wơl mơya ală tiah ờ hềt lơh gơs.

Tơn jơh dơ\ lùp mờ hơ jơnau lùp, ồng Y Biêr Niê, Chủ tịch HĐND càr Dak Lak neh dờp mờ đơs niam ală jơnau lùp mờ hơ jơnau lùp bơh ală kuang bàng tàm HĐND. Mờ sồr UBND càr bal mờ ală sở, gah lơh broă gơrềng bal nền nòn iăt, bơsong mờ sền gròi broă bơsong ală jơnau lùp bơh kuang bàng.

 Ală gah tàm HĐND càr bal mờ kuang bàng HĐND càr sền kuơ broă sền gròi broă lơh jăt ală tơngu me jơnau lùp, kờ` broă lùp mờ hơ jơnau lùp tàm pơrjum HĐND geh bơta niam mờ geh cồng nha uă.

Cau mblàng Ndong Brawl