VOV4.K’ho - Mìng rơ̆p tus ngai dơ̆ 3 ơm tam cah ngài mpồl bơtiàn jăt chỉ thị sồ 16, tam gơl lơh jăt chỉ thị sồ 15, ngai òr (17/08), ƀòn dờng Buôn Ma Thuột neh gŏ dùl mpồl cau gơtìp kòp Covid-19 tàm mpồl bơtiàn mờ 7 nă cau geh gŏ mờ kòp Covid-19 ờ hềt gĭt loh tiah gơtờp.

         Ai mẫn xét nghiệm mhar làng bol kis rềp bal mờ cau tàm mpồl gơtìp kòp sơnah ƀòn Thành Nhất

Cau sơnrờp ngan geh gŏ tàm mpồl cau gơtìp do là ồng T.Q.S, deh nam 1968, kis tàm hìu sồ 174 gùng Thủ Khoa Huân, sơnah ƀòn Thành Nhất, ƀòn dờng Buôn Ma Thuột. Bơh broă lùp sền kòp gơtờp, bơh ngai 01 nhai 8 tus ngai 15 nhai 8, ồng S geh lòt rê uă tiah bè: cau hìu kuèng tàm ƀòn Cô Dung, xã Ea Ñuôl, kơnhoàl Buôn Đôn, hìu tăc xăng tàm gùng Nguyễn Thị Định, sơnah ƀòn Thành Nhất, gùng dềt 139 Thủ Khoa Huân. Tŭ do, gơnoar atbồ tàm do bal mờ gah lơh sơnơm gam pơn jăt tai pờ ơnàng broă wàng se kơrian, lùp sền, jòi ală cau neh tìp rềp mờ 6 nă cau do tàm mpồl bơtiàn. Gùng lòt, dơ̆ tìp bơh cau F0 pa geh gŏ uă cau gơtìp tàm tŭ ƀòn dờng tam cah is, ală cau ờ geh lĭk bơh tàm hìu mờ ờ geh broă lơi mùl màl.

Cau mblàng Ndong Brawl