Dăk Lăk gŏ tai 167 nă cau bơtờp virus Sars CoV-2
Thứ ba, 10:57, 26/10/2021
VOV4.K’ho- Ngai 25/10, càr Dăk Lăk gŏ 167 nă cau bơtờp virus Sars CoV-2, tàm hơ̆, kơnhoàl Lăk geh khà cau bơtờp uă ngan rlau jơh bal mờ 53 nă cau, ƀòn dờng Buôn Ma Thuột 52 nă, Krông Buk 28 nă, Krông Ana 26 nă. Ƀòn dờng Buôn Ma Thuột kung gam gŏ uă sơl mpồl cau bơtờp kòp tàm mpồl bơtiàn.
Test mhar gĭt nđờ rbô nă cau nàng kờñ gŏ F0 tàm mpồl bơtiàn, pleh kòp lơh bơtờp
Mìng is, tàm ngai 25/10, geh tus 42 nă cau bơtờp virus Sars CoV-2 tàm ală ƀòn làng bol ơm kis. Jăt bác sĩ ồng Trịnh Quang Trí- Kuang ătbồ Anih tờm gròi sền kòp tê jê să càr Dăk Lăk dê yal, ală cau kòp uă ngan là gơrềng tus jơnau bơtờp kòp bơh ală làng bol wơl rê bơh tiah geh kòp ală càr, ƀòn dờng tiah đah jum dà lơgar. Gah lơh sơnơm gam jơh nùs săc rwah, test mhar gĭt nđờ rbô nă cau nàng kờñ gŏ F0 tàm mpồl bơtiàn, pleh kòp lơh bơtờp.
Cau mblàng Lơ Mu K’Yến
Viết bình luận