VOV4.K’ho- Mho ngai 04/11, jăt jơnau yal bơh Hìu sơnơm kơnhoàl Krông Năng, càr Dăk Lăk dê tàm ù tiah kơnhoàl pa gŏ 63 nă cau test mhar kháng nguyên bơtờp mờ virus Sars CoV-2 tàm ƀòn Wik, ƀòn Đê mờ ƀòn Giêr, xã Ea Hồ.

Lài hơ̆, tàm drim ngai 03/11, tơnơ̆ tŭ gŏ 2 nă kơnòm bơsram tàm ù tiah xã Ea Hồ bơtờp mờ virus Sars CoV-2 tàm ngai 01/11, mpồl lơh broă geh gơnoar neh tus lùp jòi ală cau ơm rềp mờ bàr 2 nă oh do den pơn jăt tai gŏ 3 nă cau tàm hìu bơnhă 2 nă kơnòm bơsram bơtờp mờ virus Sars CoV-2. Rề ơnàng jòi ală cau ơm rềp mờ ală cau kòp pa yal, Hìu sơnơm kơnhoàl Krông Năng gŏ jơh ală cau kòp ndrờm geh bơta bơtờp kòp gơrềng tus dùl dơ̆ iês ƀồc cau chơ̆t tàm xã Ea Hồ tàm ngai 29/10. Tŭ do, broă jòi cau ơm rềp, ai mẫu xét nghiệm làng bol tàm 3 ƀòn pơn jăt tai geh lơh sơrbac mhar ngan.

             Cau mblàng Lơ Mu K’Yến