VOV4.K’ho- Mpồl lơh sa sền gàr dà lơgar 737 (gơ wèt Quân khu 5) pôs đồng tàm tiah nhàr lơgar Ea Sup, càr Dak Lak. Bơdìh mờ kơnòl broă bơtàu tơnguh lơh sa, gàr niam sền gàr dà lơgar mờ lơngap lơngai dà lơgar, mpồl gam sền gròi pràn kơl dang să jan ai làng bol tàm tiah do in bơh broă lơh bơh Hìu sơnơm Quân y 737, ơm tàm xã Ia R'vê.

Mò Lý Thị Hoàng Anh ơm tàm thôn 2, xã Ia Lốp, kơnhoàl Ea Súp pà g^t: jơh hìu bơnhă  tus bơh càr Bến Tre mut ơm tàm xã Ia Lốp, kơnhoàl Ea Súp, càr Dak Lak, bơt bơtàu lơh sa pa mờr 17 nam do. Tàm tiah nhàr lơgar do, sùm gơlik geh ală bơta kòp, mơya tài ơm ngài bơh trung tâm kơnhoàl tus mờr 50 kơi sồ gùng brê, gùng lòt ngài mờ kal ke, den broă kham sơm kòp gơtìp uă ngan kal ke. Bơh tu\ Hìu sơnơm Quân y 737  Binh đoàn 16 dê geh crơng gơs, làng bol iang nùs ngan.

Kòn sau a` kòp bè bơsiă, kòp duh să, as klờm soh, a` drờm jun tus tàm hìu sơnơm do nàng kham sơm kòp, tềng do ală bác sĩ kham sơm kòp jơh nùs ngan. Ală cau lơh sơnơm tàm do khi kung geh ală ma\y mok ngui nàng siêu âm, đo điện tim nàng kham sơm kòp tơlàm di tơl. Tơnơ\ tu\ kham kòp, khi ai sơnơm ờ sa priă ai hìu bơnhă bol a` in. Bơh ngai geh Hìu sơnơm den làng bol tàm tiah do geh lòt kham sùm, pràn kơl dang să jan làng bol dê kơnờm bơh hơ\ mờ geh pràn gàr niam sùm .

Ai bi Cao Đình Thời ơm tàm thôn 11, xã Ia R'vê, kơnhoàl Ea Súp pà g^t: ùr bơklau bi dê bal mờ 2 nă kòn dềt pah tu\ kòp tê jê să ndrờm tus Hìu sơnơm Quân y 737 kham kòp, tài bơh tu\ kham kòp tềng do sùm geh sền gròi jơh nùs jơh tồr mờ sơr mah sơr mài ngan.

Hìu a` ngài pơgap mờ hìu sơnơm xã Ia R'vê tus 6-7 kơi sồ, pah dơ\ ală sau kòp tê jê sa\ lòt kham den kal ke ngan. Tu\ geh hìu sơnơm Quân y, a` sùm lam ală sau lòt Hìu sơnơm Mpồl lơh sa dê nàng kham sơm kòp. A` go\ ală bác sĩ, cau lơh sơnơm sền gròi jơh nùs den hìu bơnhă bol a` iang nùs ngan. Bơh ngai geh Hìu sơnơm làng bol tàm tiah do pràn kơl dang să jan geh gàr niam sùm.

Hìu sơnơm Quân y 737 (gơ wèt quân khu 5) geh crơng gơs bơh nam 2001. Tu\ do Hìu sơnơm geh 20 cơnờng bi\c cau kòp in, ală cơldu\ kham sơm kòp bè: cơldu\ deh, siêu âm, X quang, điện tim, dùl nơm rơndeh sơnơm, ma\y phòng dịch… Hìu sơnơm geh biên chế 2 nă bác sĩ, 5 nă y sĩ, 4 nă y tá mờ 1 nă cau điều dưỡng… ndrờm geh bơta mờng chài, jơh nùs tàm broă lơh.  Pah nam, Hìu sơnơm bơyai lơh kham sơm kòp, bơto tơngkah pràn kơl dang să jan ai mờr 10 rơbô nă cau tàm tiah 2 xã tiah nhàr lơgar Ia R'vê mờ Ia Lốp kơnhoàl Ea Súp dê.

Bal mờ broă lơh kham sơm kòp, Hìu sơnơm gam sùm pơgồp bal mờ ală Hìu sơnơm tàm kơnă hơ đơm, mpồl ling sền gàr tiah nhàr lơgar Dak Lak mù tơn tàm ală thôn, [òn, nàng kham sơm kòp ai làng bol in; pơgồp bal mờ broă mblàng yal ai làng bol tàm [òn in g^t broă sa sào, ơm kis pah ngai kloh niam, sang te\ bơhìan yau ờ niam bè lơh yàng tu\ kòp tê jê să, pơlam broă rcang sơn dră mờ pleh bàr pe bơta kòp sùm gơbàn.

Thiếu tá Phùng Bá Cường, Kuang atbồ hìu sơnơm Quân y 737 pà g^t: tài bơh ơm tàm tiah nhàr lơgar, ală anih kham sơm kòp ai làng bol in gam ờ hoan geh ngan, den Hìu sơnơm pa geh mut lơh kơnòl broă kham sơm kòp ai kuang bàng, công nhân viên tàm mpồl lơh broă in mờ dong làng bol tu\ khi geh jơnau kờ` sơl.

Tềng đap jơnau kờ` bơh làng bol, bol a` ai oh mi mut lơh ai cau lơh broă uă tai nàng lơh gơs niam kơnòl broă, kuơ màng là di pal mờ jơnau kờ` bơh làng bol dê, ờ lời gơlik geh bơta kòp tàm ù tiah. Nàng lơh niam rlau tai broă lơh kham sơm kòp, tàm tơngai tus, bol a` neh dan mờ Bộ quốc phòng bơcri priă sền gròi uă rlau tai bè phan bơna, blơi tai ma\y mok xét nghiệm sinh hoá, ma\y siêu âm màu. Bơdìh hơ\ tai, pơn jat tai ai kuang bàng, công nhân viên chức lòt bơsram tơnguh uă bơta chài broă lơh nàng drơng broă lơh kham sơm kòp.

Mò Trần Lệ Thủy, Bí thư Đảng ủy xã Ia R'vê, kơnhoàl Ea Súp, càr Dak Lak pà g^t, tàm tiah nhàr lơgar, khà hìu bơnhă r[ah gam uă mờr 70%. Broă sền gròi pràn kơl dăng să jan ai làng bol in gam ờ hềt pràn uă ngan tài bơh sơnơm tơm [a tàm do ờ hềt tơl. Ală hìu sơm xã ờ tơl bè phan bơna kung bè bơta chài lơh broă ờs mờng. Tàm tu\ hơ\, bơh tiah do lòt tus Hìu sơnơm dờng kơnhoàl dê gùng lòt rê kal ke, lơh broă dong kờl cau kòp ờ di tu\. Bơh tu\ geh Hìu sơnơm Quân y 737, broă kham sơm kòp tàm tiah do dê geh lơh niam wơl, broă sơm kòp ai làng bol in bơh sơnrờp geh gàr niam.

Ù tiah tàm xã den ơnàng tàm tu\ mìng geh dùl nơm hìu sơnơm xã den ờ geh gơtùi gàr tơl ai broă lơh kham sơm kòp, sơm kòp di tu\ ai làng bol tàm tiah do in. Broă geh Hìu sơnơm Quân y neh dong mờ geh kuơ uă ngan tus broă kham sơm kòp, phàt sơmơm ai làng bol tàm 2 xã do in. Bulah ngai halà mang, ngai rlô dơ\ 7 halà ngai nhờk, den oh mi kuang bàng bơh Hìu sơnơm kung kham sơm kòp ai làng bol in sơl tu\ làng bol gơbàn kòp mờ sơm kòp. Broă hìu sơnơm bơh Mpồl lơh sa dê neh drơng broă jơh nùs ngan tàm broă lơh kham sơm kòp ai làng bol tàm tiah do in.

Mờr 20 nam đềt mềr mờ tiah nhàr lơgar Ea Súp, càr Dak Lak, Mpồl lơh sa Sền gàr tiah nhàr lơgar 737 ( gơ wèt Quân khu 5) neh pơgồp kuơ màng ngan tàm broă bơtàu tơnguh lơh sa- mpồl bơtìan tàm tiah do.

Broă crơng gơs Hìu sơnơm Quân y 737, mờ phan bơna ma\y mok rcang tơl  đau neh dong kờl uă ngan ai gah lơh sơnơm in tàm broă kham sơm kòp bơh sơnrờp. Kuơ màng, mờ mpồl cau lơh sơnơm, bác sĩ quân y geh uă mờng chài, nùs nhơm drơng broă jơh nùs jơh tồr, lơbơn niam, sơlơ tơngo\ nùs nhơm ling klàng – làng bol, lơh niam tai rùp să mờ nùs nhơm niam bơne\ bơh cau ling wa Hồ dê tàm tơl gah broă lơh.

Cau mblàng K’ Hạnh