VOV4.K’ho-Uă nam do, Tiah lơh sa mờ măy mok Hoà Phú tàm càr Dak Lak mờ sươn mìr rềp bal gơ gơs là anih mờ ală cau ngir sờke ma túy sùm lòt rê tus tàm do. Làng bol xã Hoà Phú, [òn dờng Buôn Ma Thuột sùm kis tàm nùs nhơm kơlôi rơcang ngan ngòt tu\ jrum ci\t geh ală cau ngir sờke ma túy sơrbì khat gơboh gơlềng gơlàng làm bă tiah lơh gơlik uă jơnau ngòt rơngơ\t.

Pah dơ\ mu\t tàm sươn kơphê, broă bơh sơnrờp bơh hìu bơnhă ồng Nguyễn Văn Nam dê ơm tàm thôn 9, xã Hoà Phú, [òn dờng Buôn Ma Thuột kung bè uă hìu bơnhă làng bol ndai dê là pal lòt jòi swì jơh gùt dar dùl dar nàng khòm tơrgùm jơh ală jrum cit mờ ală cau ngir sờke ma túy dê lời sơrbì wơl.

Ồng Nam pà gi\t, bè hơ\ sùm bơh dùl mang là sươn kơphê hìu bơnhă ông dê geh wơl tai gi\t nđờ ding jrum ci\t gam gơđềr mhàm sơrbì khat gơboh gơlềng gơlàng. Uă cau ngir gam cit tơn jrum tàm tờm kơphê.

Lài do, ală hìu bơnhă gam lam kòn dềt lòt tus sươn mìr nàng lơh broă mờ sền gàr mơya tu\ do den hìu lơi kung ai lơm cau halà cèng oh kòn kòn sau lòt pơyua tàm hìu cau quèng den hơ\ sồng khin lòt mìr, lòt sươn.

Tềng đap jơnau ală cau ngir mu\t tàm sươn kơphê bol a` dê, bol a` ờ suk ngan. Nàng rơcang sơndră den să tờm bol a` hòi jà is bal mờ gơ\p lòt khòm tơrgùm jơh ală jrum ci\t ơn prăp tàm khàr nàng pleh jơnau làng bol lòt rê tàm sươn ờ bơtuah gơtìp jă di gơ den ngòt là bơtờp kòp.

Pah dơ\ lòt lơh broă tàm sươn mìr, làng bol xã Hoà Phú pal lòt khòm tơrgùm jơh ală jrum ci\t bơh ală cau ngir ma túy dê sơrbì 

Ờ mìng làng bol lòt lơh sươn lơh mìr lơm hơ\ sồng kơlôi rơcang ngòt jă di jrum ci\t ờ, mờ làng bol kung gam kơlôi rơcang sơl ngòt là oh kòn he dê, tu\ ală oh sùm lòt bơsram rê den lòt gan gơl gùng geh uă ngan jrum ci\t mờ uă cau ngir. Ồng Vũ Quang Hưng, ơm tàm thôn 12, xã Hoà Phú, [òn dờng Buôn Ma Thuột, pà gi\t.

            Ci\t khat gơboh tàm tiah lơh sa mờ măy mok mờ tàm sươn kơphê, làng bol lòt lơh broă rơngòt ngan gơtìp jă. Bol a` sền go\ ală jrum ci\t là khòm tơrgùm jơh mờ ơn prăp tàm thùng. Ai ală sau lòt bơsram den kung rơngòt sơl, ờ bơtuah cau ngir khai ngir ir ma túy mờ tìp ală sau lòt tàm gùng. Bol a` kơ\p kờ` ku\p kơryan jơh ală cau ngir ma túy hơ\ nàng ờ huan gơtìp tung kơ`au phan.

Ờ mìng tàm sươn kơphê bơh làng bol dê lơm mờ tàm tiah lơh sa mờ măy mok Hoà Phú dê tơn, bơh mpồng mu\t tus tàm ală gùng lòt tàm dơlam tiah lơh sa mờ măy mok do, den jrum ci\t kung geh ală cau ngir ma túy sơrbì khat gơboh ngan.

Ồng Đinh Quang Phan, Kuang atbồ Kuang àng xã Hoà Phú pà gi\t, jơnau ngui mờ tăc bro ală sơnơm ma túy tàm ù tiah xã Hoà Phú gơlik geh kal ke ngan. Jơh gùt xã geh 64 nă cau ngui ma túy, tàm hơ\ geh 38 nă cau ơm bơdìh mpồl bơtiàn, 17 nă cau ơm tàm hìu jàm mờ 9 nă cau ơm tàm anih sơm lơh tơn jơh ngir ma túy.

Tàm nam 2018, Kuang àng xã Hoà Phú neh pơgồp bal mờ Kuang àng càr mờ Kuang àng [òn dờng Buôn Ma Thuột ku\p 3 nă cau prăp pồn kơ`au sơnơm ma túy. Mơya, do là ală cau neh geh cih mat, gam uă cau ndai den xã ờ hềt gi\t jơh.

Tàm ù tiah xã Hoà Phú, ală cau ngir ma túy sùm ngui ală anih, bè: tiah lơh sa mờ măy mok, tiah [làng tơ\p [ồc, tiah kềng gah dà dờng, tiah sươn mìr ờ huan geh uă cau lòt rê nàng ngui ci\t ma túy tìs mờ kơrnoat boh lam. Tu\ do, bơh broă lùp gi\t broă gơlik geh kung bè lùp khàu bơh kuang àng xã Hoà Phú dê den tàm ù tiah xã gam 4 anih tăc bro kơ`au ma túy.

Xã Hòa Phú là xã gơ ơm tàm tiah đah jum [òn dờng Buôn Ma Thuột dê, geh tiah lơh sa mờ măy mok dờng ngan rlau jơh càr mờ gùng rơndeh dờng 14 lòt gan. Mơya, uă ngan ù tiah bơh tiah lơh sa mờ măy mok dê gơtìp lời sơrbì gời uă nam, làng bol ơm kis rơha ờ huan gal cau, den tàng gơ gơs là anih mờ ală cau ngir, cau tăc bro ma túy sùm lòt rê tus.

 Ồng Từ Văn Hợi, Chủ tịch UBND xã Hoà Phú pà gi\t, nàng tam dră mờ cau lơh tìs ma túy mờ ală cau ngir, gơnoar atbồ tiah do neh mblàng yal, hòi jà làng bol yal tơngi\t mờ yal yă cau lơh tìs. Bơh jơnau yal bơh làng bol dê, uă dơ\ prăp pồn tăc bro ma túy mờ ală anih tơrgùm chu, ci\t ma túy neh geh mpồl kuang àng ku\p kơryan.

Xã neh geh sră sồr Mpồl kuang àng, ờs mờng pah dơ\ lòt jat ală gơl gùng kuơmàng sùm geh jrum cit den jat ờs mờng 3 jiơ mho geh cau kuang àng, cau kuang àng sùm lòt rê, hơ\ sồng jơh dùl mpồl ơruh pơnu lơh broă dong kờl is kung lòt khòm tơrgùm sơl, geh bal hòi jà bàr pe hìu làng bol lòt khòm tơrgùm.

Mơya, [òn lơgar kal ke ngan geh tơl bơta [ươn ai ală cau lơh tìs in, den tàng bulah ku\\p kơryan, ngai sơlơ gơmù đau, mờ dilah ku\p kơryan jơh den tìp uă kal ke. Nàng lơh bal broă do den kơ\p kờ` ală kấp, ală gah sền gròi, dong kờl mờ ai tơl bơta.

Nàng xã Hoà Phú gơ gơs là xã ờ geh ma túy bal mờ bơta lơh ngan bơh gơnoar atbồ, làng bol dê, den ală gah, ală kấp bơh [òn dờng tus càr kung pal tơnguh tai mpồl cau lơh broă geh cồng nha broă lơh tam dră mờ rơcang sơndră mờ cau lơh tìs.

Cau mblàng Lơ Mu K’Yến