VOV4.K’ho - Nhap nhar, lơh lài mờ sùm sền kuơ tus khà niam bơto bơtê, ai geh broa\ lơh  tơnơ\ jơh bơsram broa\ la  bơta pin dờ` nàng ua\ ngan cau lơh broa\ [òn lơgar tus mờ Trung tâm  bơto bơtê broa\ lơh- giáo dục thường xuyên  kơnhoàl Krông Ana, càr Dak Lak. Broa\ lơh bơto broa\ lơh bơh Trung tâm ờ mìng geh pờ ơnàng mờ gam gơmut tàm bơta jrô ơnàng, di pal bơta kờ` mùl màl bơh tơl bơnah cau lơh broa\ sa mờ jat bơta kờl bơh tơl tiah. Bơh hơ\,  ai geh broa\ lơh pơ gồp bal dong làng bol lik klàs rbah kơljap.

            Tơnơ\ geh jơh bơsram ơdu\ may công nghiệp tàm Trung tâm bơto broa\ lơh- giáo dục thường xuyên kơnhoàl Krông Ana, lo\ Trần Thị Phương kis tàm thôn 2,  xã Quảng Điền, kơnhoàl Krông Ana, càr Dak Lak neh geh broa\ lơh niam mờ khà geh kờp bal pah nhai rlau 3 tơlak pria\. Tàm tơngai bơsram kung bè tu\ neh lơh broa\, lo\ Phương sùm dờp geh bơta pơlam nền nòn ngan bơh cau pơgru bơh trung tâm:

            Tu\ lài,  a` mìng ơm tàm hìu dong bơklau lơh ala\ broa\ ờ kuơ tàm hìu lơm, ờ geh pria\ jền niam.  Bơh tu\ geh hìu ma\y phan den a` geh tai pria\ jền, nhai kung jòi geh 3 tơlak pria\, gam ai geh broa\ lơh ala\ oh mi cau ùr in. Trung tâm  bơto bơtê he in may. Tu\ do a` kung neh chài broa\ bloh, Khi bơto nền nòn ngan. Bơh tu\ he ờ git ngui ma\y,  jơng coh, jơh ala\ la kơnòm bơh khi bơto bơtê jơh.

            Bi Phạm Xuân Anh kis tàm tổ dân phố 3, thị trấn Buôn Trấp, kơnhoàl Krông Ana, càr Dak Lak ai git,  lài do, rài kis hìu nha\ kal ke ngan, tài mìng geh tơnhàu bơh 3 sào kòi sre.  Tơnơ\ jơh bơsram ơdu\ tam bơsềt bơh Trung tâm bơto broa\ lơh- giáo dục thường xuyên kơnhoàl bơyai lơh, ngui rơhe he geh tơnơ\ tơ wès kòi mờ mờr 250 thơt vuông ù gời hờ ngkời hìu, bi tam bơsềt rhe mờ bơsềt kràng. Bal mờ bơta pơlam kỹ thuật  jơh nùs ngan bơh  cau kuang Trung tâm,  bơta sền gròi jòi drà ka\ bro ai phan lơh geh bơh hội  nông dân kơnhoàl, tus tu\ do, kờp bal tơl nhai hìu nha\ bi geh tai 8 tơlak pria\ bơh tam bơsềt:

             Tàm tu\ lòt bơsram tàm trung tâm bơto bơtê kơnhoàl Krông Ana, pơlam bơto nền nòn ngan, bơto di gùng di dà ngan jat broa\ lơh tơl broa\ dùl. Bơta krơi bơh broa\ tam bơsềt la pal lơh ua\ broa\ ngan bơh tềng jơm bòk kơ tus mờ ơn tam kơldung,  ờng, tam mờ ròng tus pic  bơsềt.  Tu\ rê hờ hìu a` tam is, gah trung tâm kung  blơi dùl bơnah  bơsềt tam mờ hội nông dân kung jòi geh drà ka\ bro a` in.

             Tàm ala\ nam do,  Trung tâm bơto bơtê broa\ lơh - giáo dục thường xuyên kơnhoàl Krông Ana, càr Dak Lak neh lơh ngan bơto bơtê ala\ broa\ ai cau lơh  sa jơng tê kờ`, gơtùi lơh ua\,  mhar lơh geh pria\ bè: tam bơsềt,tam  jơm nhơt kơnrồ in hala ala\ broa\ mờ mpồl bơtìan gam kờ` bè: xây dựng, may công nghiệp,  may phan… Bal mờ hơ\,  nàng tơngguh cồng nha broa\ bơto broa\ lơh, ala\ cau pơgru bơh Trung tâm sùm jơh nùs bơto  bơtê,  tam gơl pa broa\ bơsram,  mìng lời di 30% tu\ jiơ bơsram tàm sra\, gam wơl la bơsram lơh ngan ‘’at tê sơndio broa\’’. Den tàng, gal ngan ala\ cau bơsram tơnơ\ jơh bơsram drờm gơtùi lơh broa\ mhar ngan mờ chài broa\. Pơgru Hồ Thị Hằng, bơto tàm Trung tâm bơto bơtê broa\ lơh-giáo dục thường xuyên kơnhoàl Krông Ana, càr Dak Lak ai git:

            Tàm ala\ nam rềp do,  lơh jat ngan taih do, ù tiah la ala\ tiah kờ` ngan neh jòi tus  nàng bơto gơ in di pal mờ bơta kờ` mùl màl ngan. Tài bơta kờ` ua\ tiah, geh tiah lài, geh tiah tơnơ\, mơya tiah lơi kờ` ngan dan trung tâm kung bơto tàm tơngai bơsram,  tu\ tơngai bơsram mờ geh lơh niam wơl broa\ bơto gơ in di pal nàng lơh bè lơi ala\ oh bơsram jơh la gơtùi lơh broa\.

            Jat ồng Phạm Văn Phương, Phó kuang atbồ trung tâm bơto broa\ lơh- giáo dục thường xuyên kơnhoàl Krông Ana, càr Dak Lak, nam 2016 tus tu\ do gùt kơnhoàl geh rlau 3.600 na\ cau lơh broa\ kờ` dan cih mat bơsram  15 broa\ lơh mờ broa\ ờ di lơh sa suơn sre. Trung tâm neh bơto broa\ lơh rlau 1 rbô na\ cau lơh broa\ tàm [òn lơgar geh rlau 30% bơta kờ` dan cih mat. Ala\ broa\ bơto la: tam bơsềt,  may công nghiệp mờ may phan, ròng phan, lơh niam wơl rơndeh ma\y- ma\y lơh broa\ sa suơn sre,  xây dựng,  bơta chài tru\ sa, điện dân dụng… Khà ai geh broa\ lơh  pah nam geh tus 80%, pơ gồp ua\ ngan tàm broa\ lơh tơmù rbah tàm kơnhoàl:

            Broa\ mut lơh bơto broa\ lơh ai cau lơh broa\ tàm [òn lơgar jat đề án 1956 bơh Thủ tướng chính phủ tus tu\ do, mìng is trung tâm bơto broa\ neh bơtàu tơngguh niam ngan. Do la dùl tàm ala\  broa\ lơh bơto broa\ lơh làng bol cau lơh broa\ sa geh broa\ lơh mờ  geh niam pria\ jền kờ` làng bol ba` kal ke ir. Bơh bơto broa\ lơh den geh ua\ cau bơsram neh sơrlèt mờ rbah.

             Nàng pơnjat tai tơngguh khà niam bơto bơtê  broa\ lơh mờ cồng nha bơh bơto broa\ lơh, di pal bơta kờ` bơsram broa\ bơh cau lơh broa\ tàm [òn lơgar mờ  cau lơh broa\, Trung tâm  bơto bơtê broa\ lơh- giáo dục thường xuyên kơnhoàl Krông Ana  neh mờ gam lơh ngan bal mờ bơto broa\ mờ ai geh broa\ lơh, lơh geh tai pria\ jền,  tam gơl rơndap cau lơh broa\ mờ tơmù rbah kơljap.

          Cau mblàng K’ Brọp