VOV4.K’ho - Rơcang pơrjum dơ\ 6, Quốc hội khoă 14 mờr tus, tàm tơngai do, mpồl kuang bàng Quốc hội ală càr neh bơyai lơh tìp mờ cau te\ khà lài mờ pơrjum kờ` dờp ală jơnau đơs bơh cau te\ khà bal mờ yal jơnau yal di Gơlan geh tàm tơngu me pơrjum. Tàm càr Dak Lak, mpồl kuang bàng Quốc hội càr do neh tìp mờ cau te\ khà tàm ală kơnhoàl Ea Hleo, Krông Buk, Mdrak, Ea Kar, Krông Năng, Lăk , thị xã Buôn Hồ mờ kơnhoàl Cư\ Kuin.

Tàm ală anih tìp mờ cau te\ khà, mpồl kuang bàng Quốc hội neh yal bè broă tơnguh bơtàu lơh sa mpồl bơtiàn dà lơgar bơh bồ nam tus tu\ do mờ yal broă di gơlan geh lơh tàm pơrjum dơ\ 6, Quốc hội khoă 14; mờ dờp ală jơnau đơs bơh cau te\ khà, jơnau dan bè ală broă gơrềng bal tus mờ broă tơnguh bơtàu lơh sa mpồl bơtiàn, rài kis lơh broă sa làng bol dà lơgar kung bè càr Dak Lak dê.

                                     Dơ\ tìp mờ cau te\ khà tàm xã Ea Tam, kơnhoàl Krông Năng càr Dak Lak

Cau te\ khà Phạm Đình Kiêm, kis tàm xã Ea Wy, kơnhoàl Ea H’ Leo đơs bè broă bơto bơtê mờ bơsram tu\ do, tàm hơ\ uă ngan là bè broă sră măy pa ai cấp 1 in. cau te\ khà đơs là, ờ kal ke kờ` sền g^t sră măy ai kơnòm bơsram cấp 1 in geh lơh, cih mờ l^p mờr ndrờm mờ sră bài tập, den tàng ală kơnòm bơsram ờ geh cih tơn tàm pang sră mờ pal gàr niam kờ ngui uă dơ\ là ờ gơtùi. Den tàng, cau te\ khà Kiêm dan mờ Bộ Giáo dục pal geh broă lơh kờ` pleh mờ hoàc huơr tàm broă ngui sră măy.

-Sră măy mìng geh ngui 1 dơ\ lơh gơbàn nam lơi kơnòm bơsram kung pal blơi sră măy, bơta do lơh gơbàn hoàc huơr tus mờ mè bèp kơnòm bơsram mờ lơh hoàc huơr bơta pràn dà lơgar dê. Kuơ màng, broă dong kờl sră măy ai kơnòm bơsram kòn cau tiah kal ke blơi sră măy.

Den tàng he pal sền wơl kờ` jòi gùng dà, broă lơh l^p sră măy gơtùi ngui wơl kờ` pleh mờ hoàc huơr uă. Dùl broă tai pal kah là tu\ hìu bơsram sùm đơs tus mờ broă bơto kơnòm bơsram là tềm pềr mơya broă he gam lơh geh cơ chế den hoàc huơr broă dong kung kal ke tus mờ broă bơto bơtê mờ bơsram kờ` bơto kơnòm bơsram bơh jơnau đơs mờ broă lơh ờ ndrờm bal.

Ală cau te\ khà sền gròi tus mờ broă gơrềng bal tus mờ broă tơnguh bơtàu lơh sa tàm càr dê bè: ai priă lơh niam wơl gùng lòt tàm [òn, lơh rơbòng dà drơng tàm broă lơh sa làng bol tàm tiah trồ prang, bơcri priă bơ\t bơtàu phan bơna chài rơgơi, bơsong broă lơh sră ngui ù ai làng bol in.

          Cau te\ khà xã Cư\ A Mưng, kơnhoàl Ea H' Leo, càr Dak Lak geh jơnau đơs pơgồp mờ kuang bàng Quốc hội

Kuơ màng, cau te\ khà tàm tiah sar lơgar ngài kơ\p kờ` ală anih lơh broă geh gơnoar sền gròi mờ tơnguh broă lòt sền tàm ală hìu lơh sơntìl, phơng sih, phan lơh broă sa suơn sre kờ` làng bol iang nùs rơlao tàm broă lơh sa suơn sre. Cau te\ khà Triệu Văn Cường kis tàm xã Cư\ A Mung, kơnhoàl Ea H’ Leo đơs:

-Phơng sih tu\ do gơwèt mờ 1 nă làng bol bè bol a`, bol a` kung ờ g^t đal phơng ngan ha là phơng ờ ngan. Bol a` mìng g^t hìu tăc, geh priă tàm tê bol a` blơi tơn, ờ geh priă den hìu tăc phơng pà càn lài. Mơya bè bơta niam să den să tòm ờ g^t phơng lơi là phơng ngan mờ phơng lơi là phơng ờ ngan.

Den tàng cau te\ khà dan mờ kuang bàng pal di tu\ sền gròi ală hìu tăc phơng kung bè sơnơm sền gàr phan tam kờ` làng bol tu\ neh tă priă blơi kờ` lơh broă den kờ` blơi phan ngan, phan geh tơl bơta niam kờ` lơh sa geh cồng nha rơlao.

Tàm dơ\ tìp, cau te\ khà kơnhoàl Krông Năng kơ\p kờ` dà lơar dong kờl lơh ồs àng mờ dà sang kloh ai làng bol tàm tiah sar lơgar ngài in; dan ală cấp, gơnoar atbồ pal lơh loh, bơsong ală cau tìs mờ adăt boh lam, ală broă lơh gơbàn ờ niam tus mờ mpồl bơtiàn kờ` làng bol iang ùs lơh broă sa. Cau te\ khà Vũ Chí Quyền, kis tàm [òn Tam Đồng, xã Ea Tam, kơnhoàl Krông Năng đơs:

-Jơnau ờ su\k ơm bơh làng bolt u\ do là bơta ờ niam tàm mpồl bơtiàn, bơta ờ niam tàm mpồl bơtiàn tu\ do neh gơbàn uă gan. Làng bol den pal lơh broă sa, tu\ do tòm kơphe, tiêu, [ơ, sầu riêng. Hìu a` geh di pơgăp 50 tòm riêng mờ pal lơh sàl tàm gùl suơn kờ` sền gàr, mìng ờ sền ngăc 1 tu\ den roh.

A` dan mờ dà lơgar he pal geh broă lơh glài pràn rơlao tai kờ` kơrian ală bơta ờ niam tàm mpồl bơtiàn do, di lah ờ den bè do sùm làng bol ngòt ngan, mờ di lah cau lơi kung ngòt lơm den ờ geh cau lơi lơh broă tai.

Bơdìh hơ\ tai, broă gơtìp [ơ\ tàm tiah kis, broă gơbàn ờ niam, ờ kơl jăp gùn lòt, broă ai broă lơh cau bơsram dờng tu\ neh jơh bơsram, dong kờl priă phan geh lơh bơh broă lơh sa suơn sre là ală tơnguh me tòm pal kah ngan geh uă cau te\ khà dan mờ mpồl kuang bàng Quốc hội. Cau te\ khà Trần Thị Vững, kis tà xã Ea Tam, kơnhoàl Krông Năng đơs:

-Tu\ do làng bol, bol a` jơh 1 nam hơ\ sồng geh 1 kàl tơnhào kơphe, tiêu mờ ală phan tam jo\ tơngai, mơya ală bơta phan ndrờm gơmù khà priă, làng bol lơh sa ờ geh priă cồng, tàm tu\ phơng sih gơguh priă uă, priă xăng gơguh den tàng ală bơta phan bơh broă lơh sa suơn sre geh lơh mờ ờ geh priă cồng. A` kung dan mờ Quốc hội lơh bè lơi kờ` tơnguh khà priă phan bol a` geh lơh gơs kờ` làng bol, bol a` ờ hoan kal ke.

Tơnơ\ mờ tu\ iăt ală jơnau đơs, jơnau dan bơh cau te\ khà, ală kuang bàng Quốc hội neh mblàng mờ hơ ờ uă jơnau di mờ gơnoar. Gơwèt mờ ală jơnau dan ờ di jăt mờ ơnoar, ală kuang bàng neh iăt, tơrgùm bal kờ` yal mờ Quốc hội in sền mờ bơsong.

Cau mblàng Ndong Brawl